Nyanra Njekawkulege 2:27 - Nouveau Testament en Gulay 2004

²⁷ Oiyo, i a kinye ngarankum ra’m ɓee le yo lé a, doo lei ke tò se ninn’n nga i a kinye’n kade jɔri pɔtɔk be-ɓade’t lé a tɔ.

Nyanra Njekawkulege 2:27 ပူးပေါင်းရင်းမြစ်များ

Matthieu 11:23

Sei dooge ke kêm ɓee-bò ke Capernaum, ké sei i giri kêm si’t edi nè Nube à kunn sei kunde sei dɔ ɗáng wa? Ḿ-m̀ è bè lé. Nè Nube à tel kaw se si sár ɓee le njé ke koo. Kerɔte kuwe, nyankɔbege ke Nube ra dann si’t nga, ke nè á ndɔ ke ra titeke bè ade njé ke Sodome an-in ɓaa, bainléa ɓee-bò ke Sodome à tò tutu sár tee ɓila ɓai.

Marc 1:24

– Ké usi ri ra jé’t wa? I Jésu ke Nazareth. Ké i ree le tuju jè kɔke ta wa? Man m’geri mbak, i i ke njè maje kɔr njêt le Nube.

Tà ke Maje ke Luc ndang 1:35

Doo ke danran nè nga ile Marie dè’t ede nè: – Ndil-Kêmnda à ra kule rai’t a, tɔgmong le Nube Njèdum dè nyange malang à sebe dèi’t titeke ndil oso’n dè doo’t bè. Gir’n ke nè á, ngonn ke tò se ninn’n ke a oje’n nga d’a ɓar’n Ngonn Nube.

Tà ke Maje ke Luc ndang 16:23

Baw nè nga teen kum’n dann njé ke koo’t dann nyantosowur’t. Loo ke è gang dè’n dɔ tchet ɓaa, è an Lazare ndi mbeng kɔte Abraham’t.

Tà ke Maje ke Luc ndang 24:44

Go’t gugu, è ede de ede nè: – An-in! è á è tà le’m ke ndɔ ke m’ede sei kété ke m’nain’n se si ɓai nga: nyange malang ke Moise se njéribe-dè-tàge ke tà Nube’t ndangi ɔji dè’m se tàge malang ke tò kêm Magtub pa’t nga, gar-gar à awi loon’t deĵ kuwe.

Tà ke Maje ke Luc ndang 4:34

– Hai, Jésu ke Nazareth! Ké usi ri ra jé’t wa? Ké i ree le tuju jè kɔke ta wa? Man m’geri mbak: i i njèkawkule le Nube ke è kuwe ɔri undei se ninn’n gai.

Jean 11:39

Jésu ede de ede nè: – I ndubri kuberi her nè nga kɔke. Marthe kon nann njèyo Lazare ede Jésu ede nè: – Kuwe-ɓee, ninn Lazare in ndum ɓá tede ɓila ra ndɔ sɔ ta.

Nyanra Njekawkulege 2:26

Gir’n ke nè á ɓengre’m ndii’n dann ranel’t a, ndon’m géa ɔse’n pa ranel. Taɓai danra’m à taa kebe se kundekêm tchên a tɔ.

Nyanra Njekawkulege 2:28

I ade m’ger kile rebege ke aw ke loo ndikumgajer’t. I a ade ranel rusu kêm’m ndɔ ke m’a m’nda tà kumi’t nga.

Nyanra Njekawkulege 2:31

E ger kété mari titeke Krist à unde loo tee dann njé ke koo’t. Gir’n ke nè á, è tam’n kété ede nè: «Nube à inye Krist nga ɓee le yo ndan lé a, danran à jɔri pɔtɔk bè-ɓade’t lé a tɔ.»

Nyanra Njekawkulege 3:14

E ke tò se ninn’n ke njè ra nyan se dè naje’n nga, sei utei nin mbeng, nè njè tɔl dooge tá i deji Pilate kade inye’n dɔ ade sei.

Nyanra Njekawkulege 4:27

Kerɔte kuwe, Hérode Antipas se Ponce Pilate umi nan’t bɔk se dooge ke ei Juipge lé se kosdooge ke Israel ke ndii kêm ɓee-bò’t nè nga, le kin-in se ngonn njèndi lei Jésu ke i kuwe i ndum wubu dènn’t unde’n se ninn’n.

1 Nje Ke Corinthe 15:52

Ndɔ ke burunju à ɓar ɓaa, jéi malang ra jéi à tel waks ke loon’t nè kuwe, titeke bêl kum doo ke tuge jip bè. Loo ke ndɔn’t burunju à ɓar ɓaa, njé ke weii à undei loo teei dann njé ke koo’t le teli ndii kumgajer se non. Jéi malang géa, d’a d’ade ra jéi à tel waks tɔ.

1 Nje Ke Corinthe 15:55

Yo, ké ndubra lei nga è ra wa? Yo, ké nyankate lei nga è ra wa?»

1 Jean 2:20

Nè sei ɓaa, sei dooge ke è Krist kuwe ndum wubu dè si’t unde sei gai. Gir’n ke nè á sei malang i geri Nube ke get.

Lookilera’n 1:18

Man nga m’ee njèndi kumgajer. Man nga ndɔ ke wei ɓá. An! ɗarinè, m’ndi kumgajer sár se non. Man nga m’aw se tɔgmong dè yo’t a, dè ɓee le njé ke koo’t a tɔ.

Lookilera’n 20:13

Njé ke koo ke ndɔ ke rai ɓee dann ba-bò kate’t nga, ba-bò kate ree se de ɓuku de nata. Njé ke koo ke ndii se yo ɓee le yo nga géa, yo se ɓee le yo reei se de ɓuki de nata a tɔ. Nanan géa dé gangtà dènn’t se go kule ra’n, ra’n.

Lookilera’n 3:7

Doo ke m’an’n nga tam ede nè: «I ndang magtub ade doo ke danrán ke njèkan dè njékebe nange ke kem̂ ɓee-bò ke Philadelphie. E ke njè tò se ninn’n a, njè tam ngarankum tà a tɔ. E uwe lakêlé le ngar David jinn’t. Ke nè á teen tà rebe ɓaa, doo karé géa asekum kutu gugu lé a, ke nè á utu tà rebe ɓaa, doo karé géa asekum teen gugu lé a tɔ. E tam ede nè: