Nyanra Njekawkulege 2:23 - Nouveau Testament en Gulay 2004

²³ Doo nè nga, Nube ule’n ji si’t se go rebe ke ndɔ ɔje se go nyanger le’n kété mari ke desêin. Sei in-in se’n ke kété ulei ji dooge ke ei Juipge lé adi ɓeri nin kàde kage-ke-dese’t tɔli nin.

Nyanra Njekawkulege 2:23 ပူးပေါင်းရင်းမြစ်များ

Matthieu 20:19

Dé nè nga, d’a d’in se’m ke kété kule’m ji dooge ke geri Nube lé le kade ulei mbe dèm’t. A undei man se ndêin a, à ɓeri man kàde kage-ke-dese’t a tɔ. Nè ndɔ ke njèkon’t mute ɓaa, man m’unde loo tee dann njé ke koo’t.

Matthieu 26:24

Man ke m’ee Ngonn doo nga, m’a m’ɔte kaw se go tà ke dé ndang kêm magtub’t d’ɔje’n dè’m. Nè doo ke njèkule’m ji dooge’t nga, à an ɓai! Doo nè nga, ke nè á ndɔ ke d’oje’n lé géa è soo’t.

Matthieu 27:35

Loo ke njérɔge ɓeri nin kàde kage-ke-dese’t ɓá ɓaa, ei tɔri kubuge le’n ke rann’t turi jala dè’t le kan ké à ei le nan wa?

Marc 15:24

Njérɔge ɓeri Jésu kàde kage-ke-dese’t. Go’t gugu, ei turi jala dè kubuge’t le kan-in ké nan à unn kubu le’n ke non éké kubu le’n ke nè wa? Dé kai nan kubuge le Jésu ke rann’t nga titeke bè.

Tà ke Maje ke Luc ndang 22:22

Loo naje’n goto, man ke m’ee Ngonn doo nga, m’a m’ɔte kaw se maje’n se go rebe nyan ke d’ɔje’n dè’m. Nè doo ke njèkule’m ji de’t nga à an ɓai!

Tà ke Maje ke Luc ndang 22:37

Man m’ede sei ndàt, tà nè ke dé ndang kêm Magtub’t d’ɔje’n dè’m d’ede nè: «Dé tute’n nan’t se njékaltà tà gute-ndu’t» nga, gar-gar à aw loon’t deĵ.

Tà ke Maje ke Luc ndang 23:33

Loo ke njérɔge reei teei se Jésu loo karé bè ke dé ɓar’n «Ngó-non-doo» nè nga ɓaa, dé ɓer’n tutu. Njé ra nyan majelége ke joo nè géa dé ɓer de se’n nan’t, è ke karé dè jikonn’t a, è ke karé dè jigeln’t a tɔ.

Tà ke Maje ke Luc ndang 24:20

Nè maw njékuje nyan-mesege se njékɔr non jéige d’uwe’n d’ule’n ji Pilate’t ade gangtà yo dènn’t a, adi njérɔge ɓerii kàde kage-ke-dese’t a tɔ.

Jean 19:18

E loo nè á Juipge adi njérɔge ɓeri Jésu tutu se dooge ke rang joo se’n ade ilei nin danné.

Jean 19:24

Njérɔge edi nan edi nè: – Adi jè tili kubu ke bòi yul nè nga lé, nè adi jè turi jala dè’t j’an-in, ké nan kubu nè à è le’n wa? Titeke bè á tà ke dé ndang kêm magtub’t kété nga aw loon’t deĵ. Dé ndang d’ede nè: «Dé kai nan kubuge le’m, nè kubu le’m ke bòi yul ɓaa, dé tur jala dè’t.» E á è nyan ke njérɔge rai titeke bè.

Nyanra Njekawkulege 13:27

Tede dooge ke ndii kêm ɓee-bò ke Jérusalem se njékɔr non dege giri titeke Jésu è njèkaje dooge lé. Magtubge le njéribe-dè-tàge ke tà Nube’t ke dé tute se ndɔ taa kebege karé-karé malang nga géa, dé ger gir lé a tɔ. Dé gangtà dè Jésu’t d’ade tàge ke tooi kêm magtubge’t le njéribe-dè-tàge ke tà Nube’t aw loon’t deĵ.

Nyanra Njekawkulege 15:18

Kuwe-ɓee ke njè ra nyange malang nè nga kuwe á tam bè. Nyan ke è ra ɗarinè nga, è nyan ke è ɔji rebe’n kété mari ke desêin.»

Nyanra Njekawkulege 2:36

Pierre ede kosdoo-bulege ede nè: – Maje kade sei kosdooge ke Israel malang, i geri tà nè maje: Jésu nè ke sei ɓeri nin kàde kage-ke-dese’t nga, Nube tel ade è Kuwe-ɓee a, Krist a tɔ.

Nyanra Njekawkulege 3:18

Nè nyankêmkon ke ayé ra Krist ke Nube ule’n nga, Nube kuwe ade njéribe-dè-tàge le’n tami tà’n kété mari. Tà nè nga aw loon’t deĵ ɗarinè.

Nyanra Njekawkulege 4:28

Nyan malang ke i ɔje se go tɔgmong lei a, se kêmndige lei kété mari ke desêin sàk-sàk nga, dé ra d’ade aw loon’t deĵ ɓá ta.

Nyanra Njekawkulege 5:28

– Ké kété j’unn ndu jé le kade i ndói dooge nyan se ri doo nyan le doo nga njing lé wa? An-in! nyan-ndó le si ke sei ndói dooge nga taa kêm ɓee-bò ke Jérusalem pel-pel. Ké sei ndigi kade tà mese doo nyan le doo nga uwe de jé jè ta wa?

Nyanra Njekawkulege 5:30

Jésu ke sei adi dé ɓer’n kàde kage’t dé tɔl’n nga, Nube le kà jéige ade unde loo tee dann njé ke koo’t kɔke.

Nyanra Njekawkulege 7:52

Ké njèribe-dè-tà ke ra dann madennge’t á kà sige nali rai kum’n ndoo wa? Ei tɔli njé ke kété ilei mber ree le njè ra nyan se dè naje’n ke karé luk-luk. E nga ɗarinè sei teli sei njé kunn dènnge se njé tɔlnge.

Nje Ke Rome 2:12

Dooge malang ke rai majelé anje ger gute-ndu le Moise nga à tuji anje gute-ndu le Moise nga tɔ. Nè dooge malang ke rai majelé gir gute-ndu’t nga, d’ade gangtà dè de’t se go gute-ndu Moise nga tɔ.

Nje Ke Rome 4:17

Dé ndang kêm Magtub’t le Nube d’ede nè: «I Abraham nga, m’teli ke bɔ dooge ke bulei ɗik-ɗik.» Abraham è bɔ jéi malang non Nube’t ke è unde kêm’n dènn’t. E Nube ke njè kade dooge ke weii teli ndii kumgajer a, nyange ke gotoi ɓai géa è ɓar de ade undei loo teei a tɔ.

1 Nje Ke Thessalonique 2:15

E dé Juipge nè nga kuwe á ndɔ ke dé tɔl Kuwe-ɓee Jésu se njéribe-dè-tàge ke tà Nube’t. Jè géa, ndɔ ke d’ɔr jè kororoi tɔ. Dé dooge ke dé taa kum Nube lé a, dé njé kɔse tà se dooge malang a tɔ.

1 Pierre 1:2

Sei nga Bɔ jéi tɔr sei kété mari ke desêin se go gos nyanger le’n. E ɔr sei unde sei se ninn si gai ke kosdooge le’n takul Ndil-Kem̂nda. Nube ra titeke bè tede kade ilei koje dè Jésu-Krist’t a, tede kade mese’n ɔr’n kaiyage le si ndát-ndát a tɔ. Maje kade kem̂noje se kem̂lom oji nan ra si’t nyanmi-nyanmi.

1 Pierre 1:20

Krist nga Nube ɔr’n ke njè kuge dè dooge kété mari ke desêin ɓita unde nyange malang ke dè nang nè ɓai. Nè ɗarinè è kile ra’n ke nata kem̂ ndɔge ke ngeinn’t nè tede tà le si.

1 Pierre 2:8

Loo ke rang’t ɓai, Magtub le Nube ke tò se ninn’n tam ede nè: «Kuberi her nè nga tel è jig ke tuge de ade d’aw tebel-tebel. E her ke tuge de ade d’oso.» Dooge nè nga, kuberi her nè tuge de ile de tede kunn mbi dè tà’t le de. E ke nè á è nyan ke d’ɔje’n dè de.

Jude 1:4

Dooge ke nange uri dann si’t se go ngein. Tà ke ɔje dè kem̂noje le Nube le jéi nga, ei turi ilei gel tede le ra’n nyange ke pás-pàs. Dé dooge nè nga, dé mbate Jésu-Krist, Ngar le jéi se Kuwe-ɓee jéi ke karé bere luk-luk nga sár. Gangtà ke dé ndang tà’n kété mari d’ɔje’n dè de nga tò ngine de tchên.

Lookilera’n 13:8

Dooge malang ke ndii dè nang nè nga à ulei dè de nang non dan’t nè ɗɔyi nin. Njé ke ulei dè de nang non dan’t ɗɔyi nin nè nga, ei dooge ke mari loo kunde gir nang’t kuwe, dé ndang ri de kem̂ magtub ndikumgajer le Ngonn bate ke ndɔ ke dé tɔl’n nga lé.