Nyanra Njekawkulege 2:22 - Nouveau Testament en Gulay 2004

²² – Sei dooge ke Israel, i neli mbi si maje ooi tà ke m’a m’ede sei: Jésu ke Nazareth nga sei geri nin ɓá. E doo ke ndɔ ke Nube kuwe ule ji’n njung dènn’t ɔr’n unde’n se ninn’n gai. Nube ade ra nyankɔbege se nyange ke dum kum a, se nyan-tɔjege dann si’t ade i geri ɓá a tɔ.

Nyanra Njekawkulege 2:22 ပူးပေါင်းရင်းမြစ်များ

Matthieu 12:28

Ke nè á m’rɔ ndilge ke majelé se tɔgmong le Nube ɓaa, è tà le kade i geri titeke Konɓee le’n ube sei nang ɓá ta.

Matthieu 2:23

E aw ndi kêm ngonn ɓee karé ke ri’n nè Nazareth tede kade tàge ke njéribe-dè-tà ke tà Nube’t tami kété mari aw’n loon’t deĵ. Ei tami edi nè: «E nè nga d’a ɓar’n doo ke Nazareth.»

Matthieu 9:8

Loo ke kosdoo-bulege an-in bè ɓaa, ɓel unde de ndàt gang dè ade ɗɔyi Nube ke njè kade dooge tɔgmong ke titeke bè nga.

Tà ke Maje ke Luc ndang 11:20

Nè ke nè á m’rɔ ndilge ke majelé kɔke se tɔgmong le Nube ɓaa, Nube on ɓee dann si’t nè ɓá ta.

Tà ke Maje ke Luc ndang 18:37

Dooge teli ileii dè’t edi nè: – E Jésu ke Nazareth á ndi à dese.

Tà ke Maje ke Luc ndang 24:18

E ke karé ke ri’n nè Cléopas deje Jésu ede nè: – Ké i kuwe se kari bere á i tite mba ke ndi kêm ɓee ke Jérusalem anje ger nyange ke teei kêm ndɔge’t nè nga wa?

Jean 1:45

Philippe aw inge Nathanael ede’n ede nè: – Doo ke magtub gute-ndu le Moise se magtubge le njéribe-dè-tàge ke tà Nube’t tami tà ɔjii dè’n nga, j’inge’n ɓá ta. Doo nè nga è Jésu ke Nazareth ngonn le Joseph.

Jean 10:37

Ke nè á m’ra nyange se tɔgmong le Bɔ’m lé ɓaa, undei kêm si dèm’t lé.

Jean 11:47

Maw njékuje nyan-mesege se Pharisienge ɔsi nja njégangtàge nan’t deji de edi nè: – Ké ri á j’à rai ta wa? Doo nyan le doo ke dé ɓar’n Jésu nè nga ra nyankɔbege ngain.

Jean 12:17

Doobulege ke ndɔ ke ei nan’t se Jésu loo ke ndɔ ke ɓar’n Lazare ade tɔse’n ndel in gir yo’t nga, ɔri ser nyan ke an-in se kum de adi dooge ke rang ooi ke kété-kété.

Jean 15:24

Nyanrage ke doo ke rang ra nja karé lé nè nga, ke nè á ndɔ ke m’ra dann dooge’t lé ɓaa, né tà kaiya à ɔr dè de’t. Nè ɗarinè d’an nyanramge ɓá, nè né è bè géa, d’a d’ɔdenan kɔr jè njêt se Bɔ’m kuwe ɓai.

Jean 19:19

Pilate ndang tà kêm begre-nyan’t ade dé ɓer kàde kage-ke-dese’t dɔ dè Jésu’t ede nè: «Jésu ke Nazareth ngar le Juipge.»

Jean 3:2

Dingem nè nga ree inge Jésu ndɔɔ ede’n ede nè: – Ngar, jè ger titeke Nube ulei kade i ndó jè nyan. Tede ke nè á Nube è der gir doo lé ɓaa, è asekum ra nyankɔbege titeke i ra’n nga lé.

Jean 4:48

Jésu tel ede’n ede nè: – Ke nè á sei an-in nyankɔbege se nyange ke dum kan lé ɓaa a undei kêm si dèm’t lé.

Jean 5:36

Nè man m’aw se njèkɔrgo tà ke bòi dum Jean. Tede kule ke Bɔ’m ade m’ra m’ɔr son’n nga ɔrgo tà le’m titeke Bɔ’m kuwe ule’m.

Jean 6:14

Loo ke dooge nè an-in nyankɔbe ke Jésu ra nga bè ɓaa, ei tami edi nè: – Doo nè nga è ngarankum njèribe-dè-tà ke tà Nube’t ke ndɔ ke ayé kule’n kade ree dè nang nè nga kuwe gar-gar á nda nè.

Jean 6:27

I rai kule tede nyankuse ke dè’n à ngei karè nga lé. Nè i rai kule tede nyankuse ke à tò sár-sár se non. Nyankuse ke à tò sár se non nga, è Ngonn doo á à ade sei, tede Ngonn doo nga nyankorji le Nube Bɔ dooge tò rann’t.

Jean 7:31

Dooge ngain dann doobulege’t umi kêm dè Jésu’t. Ei tami edi nè: – Loo ke ndɔn’t Krist à ree nga, ké à ra nyankɔbege ngain dum ège ke doo nè ra nga wa?

Jean 9:33

Ke nè á dingem ke njè kade njèkumtɔ an loo nè in ra Nube’t lé ɓaa, ayé k’asekum ra nyan karé lé.

Nyanra Njekawkulege 13:16

Paul ɔse nang in dɔ, yei de ji’n le kade dé ndi jêke^. E ede de ede nè: – Sei dooge ke Israel, sei malang ke i ɓeli Nube, i neli mbi si maje ooi tà le’m.

Nyanra Njekawkulege 14:27

Loo ke njékawkulege ke joo nè teli reei Antioche, ɓeekon ke Syrie ɓá ɓaa, ɔsi nja njékebe nange le Nube ɔri ser nyange malang ke Nube ra se de a, se tà rebe ke è ɔr inye wei ade dooge ke ei Juipge lé undei kêm de dènn’t a tɔ adi d’oo.

Nyanra Njekawkulege 2:19

M’a m’ade nyange ke dum kum à teei kade danrán’t dɔ a, nyankɔbege à teei dè nang nè á tɔ: mese se ndon por a, se sà por undei loo teei a tɔ.

Nyanra Njekawkulege 2:43

Njékawkulege rai nyange ke dum kum se nyankɔbege ngain. Dooge malang ɓeli ndil de.

Nyanra Njekawkulege 21:28

Juipge tami tà beng edi nè: – Sei ngannkà Israel ke dingem, i din-in jè! An-in! doo ke njè kaw se loo-loo ndó dooge nyan le kade utei jéi kosdooge le Nube se gute-ndu’n éké kêm kei le Nube mbeng nga á nda nè. Taɓai dooge ke ei Juipge lé géa ɔr de ree se de kêm kei ke tò se ninn’n le Nube ade telii ke nyan ke mine.

Nyanra Njekawkulege 22:8

«Ngar ké i nan wa?» E tel ede’m ede nè: «Man m’ee Jésu ke Nazareth ke ɔr’n kororoi nga.»

Nyanra Njekawkulege 24:5

Dingem nè nga, j’an’n tò asenan se yo-kos ke tee kêm ɓee’t bè. E njè tule Juipge nan’t ade tà oso’n se kêm ɓee-ɓee. E á è ngol njé le Jésu ke Nazareth, doo nyan le doo nga.

Nyanra Njekawkulege 26:26

Ngar Agrippa nga, d’ede’n tà dè nyange’t nè d’ade oo mbak ɓá ta. Gir’n ke nè á, m’nda m’a m’tam’n tà nonn’t se kêmnda káng. Nyange nè malang nga, karé ke è nal ger goto, tede ei nyange ke teei adi dooge geri se loo malang.

Nyanra Njekawkulege 26:9

Kerɔte kuwe, man nga kété m’gir kêm’t le tuju ri Jésu ke Nazareth nè nga gar-gar kɔke.

Nyanra Njekawkulege 3:12

Nè loo ke Pierre an kosdooge ke reei ra de’t nè nga bè ɓaa, è deje de ede nè: – Sei dooge ke ɓeekon ke Israel, ké bain á adi ndil si tee an-in soin-soin dè njiye ke dɔgemete nè in njiye nga wa? Ké bain á adi kum si tò dè jé jè’t kakak titeke è tɔgmong le jé, éké kile koje dè Nube’t le jé á j’ade dɔgemete nè njiye’n wa? Ḿ-m̀, è jè lé.

Nyanra Njekawkulege 3:6

Nè Pierre ede dingem nè nga ede nè: – M’aw se nar-nda éké nar-ɔr jim’t le kadi lé. Nè nyan ke tò jim’t nga, m’a m’adi se ri Jésu-Krist ke Nazareth, ɔse nang in dɔ i njiye.

Nyanra Njekawkulege 4:10

Maje kade sei a, kosdooge ke Israel malang a tɔ, i geri tà nè maje. Jésu-Krist ke Nazareth nga sei ɓeri kàde kage-ke-dese’t, nè Nube ade unde loo tee dann njé ke koo’t. Takul ri’n á ɓila doo nè nda mong’n ɗaj-ɗaj tàkum si’t malang.

Nyanra Njekawkulege 5:35

Loo ke njékawkulege teei nata ɓá ɓaa, Gamaliel ede njégangtà madennge ede nè: – Sei dooge ke Israel, undei kumkunju dè ra si sei’t kuwe ɔje dè nyan ke a i rai se dooge nè nga.

Nyanra Njekawkulege 6:14

N’ee karé ke n’nda nè kuwe n’tel n’tam ɓai n’ede nè: «Jésu ke Nazareth nga à tête kei le Nube nè kɔke a, à tel tur girkà ke Moise inye ade jèi nga a tɔ.» Jè kuwe j’oo tà nè se mbi jé.

2 Nje Ke Corinthe 12:12

Sei an-in korè tà njak le’m ke deri, sei an-in nyan-tɔjege se nyange ke dum kum a, se nyankɔbege gai-gai ke ndɔ ke m’ra dann si’t. Nyange nè malang nga tɔji sei titeke man m’ee njèkawkule le Jésu ke get.

Hebreuge 2:4

Nube kuwe géa ra nyan-tɔjege se nyange ke dum kum a, se nyankɔbege gai-gai le kade njékɔrgo tàge an-in tà tam de ke ngarankum tà le’n è Nube kuwe. Taɓai, Nube kai nyan-nojege le Ndil-Kem̂nda se go kem̂ndige le’n è kuwe.