Nyanra Njekawkulege 2:20 - Nouveau Testament en Gulay 2004

²⁰ Kàde à tel ndul ndin-ndin a, nan à tel mese a tɔ, kété ɓita ndɔ gangtà le Kuwe-ɓee à ree bai. Ndɔ nè nga, è ndɔ ndubra ke bò ngain.

Nyanra Njekawkulege 2:20 ပူးပေါင်းရင်းမြစ်များ

Matthieu 24:29

Go ndɔ nyantosowurge’t nè nga ɓaa, ke loon’t nè kuwe kàde à tel ndul a, nan à nda lé a, kɔnyonge à unni gir tosoi nang a, tɔgmong-ge ke uwei nyange ke danrán nan’t sêm-sêm nga, à yeyi ɓuk-ɓuk a tɔ.

Matthieu 27:45

Kàde nda dann ɓee bɔp. Tilkus sebe rip dè nang nè bere mbak sár ade kàde ke mute ke loo sɔlé ase’n.

Marc 13:24

Nyantosowur à ra dooge ngain kêm ndɔn’t nè. Go’t gugu ɓaa, kàde à tel tuge ndul ndáng-ndáng, nan à nda lé.

Tà ke Maje ke Luc ndang 21:25

Nyange ke tooi ɓel ngain ke doo an ndɔ karé lé ɓai à undei loo teei kum kàde’t a, kum nan’t a tɔ. Dooge malang ke dè nang nè ɓel à unde de ndàt gang de kade tà ige de sêl. D’a d’an nyan karé ke kum ra lé tede mann ba-bò ke ule ade kɔr’n tal bungus-bungus a, tede ká’n ke ɓar ngain a tɔ.

Nyanra Njekawkulege 2:19

M’a m’ade nyange ke dum kum à teei kade danrán’t dɔ a, nyankɔbege à teei dè nang nè á tɔ: mese se ndon por a, se sà por undei loo teei a tɔ.

Nyanra Njekawkulege 2:21

Nanan ke ɓar ri Kuwe-ɓee kêm ndɔn’t nè ɓaa, d’a d’aje’n.» Pierre tel tam ede nè:

1 Nje Ke Corinthe 5:5

ɔri doo nè nga dann si’t kɔke ilei nin ji Sú’t. Tede kade Kuwe-ɓee Jésu tuju danra’n. Nè ngarankum ra’n à inge kaje ndɔ tel ree’t le Kuwe-ɓee.

1 Nje Ke Thessalonique 5:2

Sei kuwe i geri maje, titeke ndɔ tel ree le Kuwe-ɓee nga è tite njèɓog ke ree jêke^ dann ndɔɔ bè.

2 Pierre 3:10

Ndɔ tel ree le Kuwe-ɓee nga à è tite ndɔ ree le njèɓog bè. Kem̂ ndɔn’t nè nga, danran à ndubu tong-tong le kɔte goto njêl karè. Nyange malang ke danrán à leein larr-larr. Nang nè se nyange malang ke tooi tutu nga, por à ró de rák-rák a tɔ.

2 Pierre 3:7

Nè danran se nang ke ɗarinè nga, Nube unde de konn se go tà ke in tànn’t kuwe ɓai ngine’n ndɔ ke à gang’n tà dè njékaltàge le tuju’n de kɔke. Ndɔ’n nè nga, danran se nang nè géa por à ró de rák-rák a tɔ.

Lookilera’n 16:8

Doo ke danrán ke njèkon’t sɔ unn nyantosowur ke kem̂ bai wong’t le’n ɓêngle dè kàde’t gangang. D’inye loo d’ade’n le kade ró dooge se por rák-rák.

Lookilera’n 6:12

Loo ke Ngonn bate teen tà nyankorji ke njèkon’t mute mute nga, m’an loo gerer ɓaa, nang unn gir yei ɓuk-ɓuk. Ke loon’t nè kuwe kàde tel ndul ndang-ndang tite kubu ndoo bè. Ra nan bere mbak tel ker tite mese bè.