Nyanra Njekawkulege 2:10 - Nouveau Testament en Gulay 2004

¹⁰ se ɓeekon ke Phrygie se Pamphylie se Egypte se njé ke in-in kêl ɓeekon ke Libye kɔte Cyrène se njé ke ei mbage ke in-in Rome reei ndii nè a tɔ.

Nyanra Njekawkulege 2:10 ပူးပေါင်းရင်းမြစ်များ

Matthieu 2:15

E ndi tutu nú sár ade Hérode weii’n. Titeke bè á tà ke ndɔ ke kété Kuwe-ɓee ade njèribe-dè-tà ke tann’t tam ede nè: «M’ɓar ngonn’m kade unde loo tee kêm ɓeekon ke Egypte’t kɔke» aw’n loon’t deĵ.

Matthieu 23:15

Sei njékɔrgir gute-nduge se sei Pharisienge ke njékede gosge, a an-in ɓai! Sei asi loo nák-nák dann ba-bò’t se dè nang nè, tede kinge doo karé ke njè ger Nube tite si. Nè loo ke è tel è njè ger Nube ɓá ɓaa, sei telii ke doo ke aw dann loo ke tur’t dum sei nja joo ɓai.

Matthieu 27:32

Loo ke njérɔge à undei loo le teei se Jésu kawi se’n gide ɓee-bò’t nata ɓaa, ei ingei dingem karé ke ɓee le’n è Cyrène deĵ. Ei undei tɔg dènn’t le kade unn kage-ke-dese le Jésu nga oto. Dingem nè nga ri’n nè Simon.

Marc 15:21

Simon karé bè ke ɓee le’n è Cyrène. E bɔ Alexandre se Rufus. Loo ke è in kêm ngonn ɓee karé’t bè ree le dere ɓaa, njérɔge undei tɔg dènn’t le kade taa kage-ke-dese le Jésu oto.

Nyanra Njekawkulege 11:20

Nè né è bè géa, njétaakêm-Kristge ke nange dann de’t ke in-in Chypre a, se Cyrène a, awi kêm ɓee-bò ke Antioche ilei mber Tà ke Maje le Kuwe-ɓee Jésu adi dooge ke ei Grecge tɔ.

Nyanra Njekawkulege 13:1

Njékebe nange le Nube ke ndii kêm ɓee-bò ke Antioche, ɓeekon ke Syrie nga, njéribe-dè-tàge ke tà Nube’t se njéndó dooge nyan ndii tutu. Dooge nè nga, ri de a tò nè: Barnabas a, Siméon ke dé ɓar’n «Niger» a, Lucius doo ke Cyrène a, Manaen ke ndɔ ke d’oto de nan’t se Hérode Antipas a, se Saul a tɔ. Ɓeekon ke Galilée nga, dé gaje danné loo sɔ. Hérode Antipas on ɓee dè gaje’n karé.

Nyanra Njekawkulege 13:13

Paul se njémade-loo-kawge le’n in-in kêm ɓee ke Paphos ali kêm bato’t awi kêm ɓee ke Perge ɓeekon ke Pamphylie. Nè Jean-Marc inye de ɔse wan tel ree kêm ɓee-bò ke Jérusalem.

Nyanra Njekawkulege 13:43

Loo ke gir kebe nan gang ɓá ɓaa, Juipge ngain se njé ke ei Juipge lé ke ɗɔyi Nube ndoléi go Paul se Barnabas. Paul se Barnabas oji se de tà a, ndeji de le kade dé liger dè noje’t ke Nube uwe se de ke kété.

Nyanra Njekawkulege 14:24

Go’t gugu Paul se Barnabas undei kêm ɓeekon ke Pisidie gangi awi kêm ɓeekon ke Pamphilie.

Nyanra Njekawkulege 15:38

Kule ke ndɔ ke Jean-Marc aw le ra se Barnabas se Paul kêm ɓee-bò ke Pamphilie nga, è ra ɔrgir son’n lé ɓai kuwe ɓaa, è inye de tà’t ɔte aw loo le’n. Gir’n ke nè á Paul ndige le kade Jean-Marc tel aw’n se de lé ta.

Nyanra Njekawkulege 16:6

Paul se Silas undei kêm ɓeekonge ke Phrygie se Galatie gangi se nja de dɔ tede Ndil-Kêmnda ɔge de kile mber tà le Nube kêm ɓeekon ke Asie.

Nyanra Njekawkulege 17:21

Dooge ke kêm ɓee-bò ke Athènes se mbage malang ke ndii dann de’t nga, kule ra de ke rang goto. Nè kɔr ser nyange a, kur mbi tchên koo’n ser nyange ke teei a tɔ á è kule ra de se ndɔge malang.

Nyanra Njekawkulege 18:2

Kêm ɓee’t nè nga, Paul inge Juip karé bè ri’n nè Aquilas, ɓee koje’n è Pont. Aquilas se neen’n Priscille in-in kêm ɓeekon ke Italie reei ngɔr ɓai, tede Claude unn ndu’n le kade Juipge malang undei loo teei kɔke kêm ɓee-bò ke Rome. Paul aw ra de’t um se de nan’t bɔk.

Nyanra Njekawkulege 18:23

Paul ndi kêm ɓee-bò ke Antioche mbɔr ɓita in aw se loo-loo kêm ɓeekonge ke Galatie se Phrygie, è ule dingem kêm njétaakêm-Kristge’t malang.

Nyanra Njekawkulege 2:11

Jèi ke nange jèi Juipge ke koje ɓee, njé nange ei Juipge telge, njé ke nange in-in kêm ɓee ke Crète se ɓeekon ke Arabie a tɔ. Nè né è bè géa, dooge nè nga ɔri gir nyanrage le Nube ke maje dum adi j’ooi se tà koje jéi, koje jéi.

Nyanra Njekawkulege 23:11

Ndɔ ke njèkutu go made Kuwe-ɓee tee dè Paul’t pan dann ndɔɔ, ede’n ede nè: – Paul oré tài njak! Kété ndɔ ke ede dooge ke kêm ɓee-bò Jérusalem nè tà le’m. Gar-gar, ede dooge ke kêm ɓee-bò ke Rome tà le’m titeke ndɔ ke ede’n dooge ke kêm ɓee-bò Jérusalem nga tɔ.

Nyanra Njekawkulege 27:5

Go’t gugu, jè gang ba-bò kate ngɔr se kɔte ɓeekonge ke Cilicie se Pamphylie, j’aw jè rise nanga kêm ɓee ke Myra, ɓeekon ke Lycie.

Nyanra Njekawkulege 28:15

Loo ke ngakon jé ke njétaakêm-Kristge ke ɓee-bò ke Rome ooi ser jé ɓaa, ei reei tilei non jé sár ingei jè loo kase-ko’t ke Appius a, taɓai ei ingei jè loo ke d’unde ri’n nè «Kei kuse nyan le mbage ke mute» a tɔ. Loo ke Paul an de ɓaa, è ra Nube oiyo, taɓai korè tà njak taa ra’n pel-pel.

Nyanra Njekawkulege 6:5

Tà nè nga nel njétaakêm-Kristge malang ade ɔri Etienne dingem ke kundekêm le’n ii ngain a, Ndil-Kêmnda taa kêm’n pel-pel. D’ɔr Philippe se Procore se Nicanor se Timon se Parménas se Nicolas dingem ke ɓee le’n è Antioche ke tel ra’n ke Juip nga a tɔ.

Nyanra Njekawkulege 6:9

Kêm ndɔn’t nè nga, Juipge ke nange ke kêm ɓee-bò ke Cyrène, Alexandrie se njé ke kêm ɓeekon ke Cilicie a, se Asie a tɔ reei kêm kei kebe nan’t . Kei kebe nan nè nga d’ede nè è kei kebe nan le ɓerge ke teli ndii dè de pal. Juipge nè nga malang in-in naji tà se Etienne.

Nje Ke Rome 1:15

Gir’n ke nè á, sei ke i ndii kêm ɓee-bò ke Rome nga géa, ngur kaw kile mber Tà ke Maje kade sei ra’m pênn-pênn tɔ.

Nje Ke Rome 1:7

Sei malang ke kêm ɓee-bò ke Rome nga Nube tár sei á ɓar sei kade sei dooge le’n ke i tooi se ninn si. Maje kade Bɔ jéi Nube se Kuwe-ɓee Jésu-Krist adi sei kêmnoje se kêmlom.

2 Timothee 1:17

Nè loo ke è ree tee kem̂ ɓee-bò ke Rome ɓaa, ke loon’t nè kuwe sang’m par-par inge’m.

Lookilera’n 11:8

Ninn de à tò nang ka-rebe kɔse’t kem̂ ɓee-bò ke dé ɓer Kuwe-ɓee le de kàde kage-ke-dese’t tutu nga. Ɓee-bò nè nga dé ɓar’n se gos d’ede nè: Sodome se Egypte.