Nyanra Njekawkulege 19:9 - Nouveau Testament en Gulay 2004

⁹ Nè njé ke nange ei njékêmnderge se njé kunn mbi dè tàge’t. Ei tami tà ke majelé dè rebe’t le Kuwe-ɓee tàkum doobulege’t. Paul ɔr ra’n ra de’t kɔke ɓaa, è ɔr kum njétaakêm-Kristge gai ɔje de tà se ndɔ karé-karé kêm kei ndó nyan’t le Tiranus.

Nyanra Njekawkulege 19:9 ပူးပေါင်းရင်းမြစ်များ

Matthieu 15:14

Inyei de! tede dé njékumtɔge ke njékɔr non njékumtɔ made dege. Ke nè á njèkumtɔ ɔr non njèkumtɔ made’n ɓaa, ei joo mbak à osoi kêm bolè’t.

Matthieu 16:4

Sei dooge ke njé kêm majelége se njétur gide si kade Nube ke ɗarinè i ndii dè nang nè nga, i sangi le kan-in nyankɔbe. Nè nyankɔbe karé ke rang géa a an-in lé. Jonas njèribe-dè-tà ke tà Nube’t ke è nyankɔbe ke ndɔ ke an-in kété ɓá non kuwe ase. Loo ke Jésu tam tà nè nga bè ɓaa, è inye de ɔte aw.

Matthieu 26:55

Kêm kàdenn’t nè nga, Jésu deje kosdoo-bulege ede nè: – Ké man m’ee ngar le njékɔse tà se njékonɓeege á i reei se kuye kaskarge se ɗugur kagege ji si’t kêl-kêl tá le kuwe’m wa? Ndɔ karé-karé malang m’ndi nang dann si’t m’ndó dooge nyan kêm kei’t le Nube a tɔ. Nè sei uwei man lé.

Jean 12:40

«Kosdooge nè nga, Nube libe kum de ade an-in loo lé. E ade ngarankêm de tɔ kuju tà mbêt lé. Ke nè á kum kosdooge an loo a, ngarankêm de tɔ kuju tà a tɔ ɓaa, bainléa à ɔsi wan teli ke ra Nube’t kade aje de.»

Nyanra Njekawkulege 11:26

Loo ke Barnabas inge’n ɓá ɓaa, è ree se’n Antioche. Ase ɓal karé deri, Barnabas se Saul rai kule nan’t se njékebe nange le Nube ke Antioche ɓeekon ke Syrie. Ei ndói doobulege nyan ase tà’t. Antioche nga è loo ke kété desêin dooge ɓari njékuwe-gir Kristge «njétaakêm-Kristge» tutu.

Nyanra Njekawkulege 14:4

Dooge ke kêm ɓee-bò’t nè nga kayai nan danné joo: njé ke nange umi gir Juipge’t a, njé ke nange osoi gir njékawkulege’t a tɔ.

Nyanra Njekawkulege 17:4

Njé ke nange dann Juipge’t ke kum de gang dè tà’t nè nga teli umi go Paul se Silas bɔk. Kos Grecge ke ilei koje dè Nube’t se dinyege ke njényan-kingege se konmolége ngain géa teli umi go Paul se Silas a tɔ.

Nyanra Njekawkulege 19:23

Kêm ndɔge’t nè nga, tà ke bò asetam oso ade dooge awi de nan’t ngater-ngater ɔje dè tà le Kuwe-ɓee Jésu.

Nyanra Njekawkulege 19:30

Paul ndige kal garang ree dann kosdooge’t nè nga, nè njétaakêm-Kristge á ɔgi nin.

Nyanra Njekawkulege 20:31

Gir’n ke nè á m’ede’n sei kade i ndii kum adi kêm si olé titeke m’ndeje sei karé-karé malang kada a, ndɔɔ a, se mann non kum’t m m’ebe ra’m lé a tɔ.

Nyanra Njekawkulege 22:4

Dooge ke unni rebe le Kuwe-ɓee Jésu nga, m’ra kum de ndoo sár ase yo de. M’ade dé tuwe dingemge a, dinyege a, dé tɔ de se sul d’um de dangai’t.

Nyanra Njekawkulege 24:21

Kêm ndɔ’n nè nga, nyan karé luk-luk ke m’ra ɓaa, è tà ke m’in m’nda’n dɔ dann de’t m’tam se ndu’m ke bòi beng m’ede nè: «E tede tà ke ɔje dè kunde loo tee dann njé ke koo’t á ɓila m’nda’n loo gangtà’t non si’t.»

Nyanra Njekawkulege 28:22

Nè maje ngain le kade i kuwe ɔrgir tà nè nga se tài ade j’oo. Oiyo, tà ke ɔje dè Jésu, doo nyan le doo nè nga ɓaa, jè ger titeke dooge utei nin mbeng se loo malang.

Nyanra Njekawkulege 7:51

Etienne tam tà se njégangtàge ede nè: – Sei njé dum nange se njékêmnderge se njé mbi koo tà lége. Sei teli sei njé kile rɔ kade Ndil-Kêmnda tite kà sige kuwe ɓai-ɓai.

Nyanra Njekawkulege 9:2

deje’n magtubge tede kaw’n kêm kei kebe nange’t kêm ɓee-bò ke Damas. Saul ra titeke bè tede kade ke nè á inge dingemge éké dinyege ke nange ke unni rebe le Kuwe-ɓee Jésu ɓaa, ayé tuwe de, tɔ de ree se de kêm ɓee-bò ke Jérusalem.

Nje Ke Rome 11:7

Ké tà nè nga gir’n è ri wa? Kosdooge ke Israel sangi le kade tà ɔr dè de’t non Nube’t, nè loo’n dum de. Nè né è bè géa, kalè dege ke ndêin bè ke Nube tɔr de á tà ɔr dè de’t. Gute kosdooge ke rang malang ɓaa unni mbi de dè tà’t le Nube,

Nje Ke Rome 9:18

Titeke bè, Nube ra kêmkanm se nanan ke è ndige le ra se’n kêmkanm a, è ade kêm doo nder titeke è Nube ndige a tɔ.

1 Nje Ke Corinthe 16:9

Tà rebe teen ra’n inye wei bendeng ade’m kade m’ra kule kêm ɓee-bò ke Ephèse nè nga. Nè njébange le’m á bulei ngain tutu.

1 Timothee 6:5

se naje tàge ke nal kunde ngang’n dann dooge ke tàgir le de ndum. Dooge ke tàgir le de majelé nga geri ngarankum tà lé ta. Dé nè nga dé gir titeke kundekem̂ dè Nube’t è rebe kinge nyan.

2 Timothee 1:15

I ger mbak titeke njé ke ndii kem̂ ɓeekon ke Asie malang turi gide de adi man. Phygèle se Hermogène ei dann njé tur gide kadi man nga tɔ.

2 Timothee 3:5

Kem̂ ndɔge ke ngeinn’t nga, dooge à rai ra de ke njékile koje dè Nube’t, nè à ei njé naje se ra de dè tɔgmong’t le Nube. Dooge ke titeke bè nga, ute rai mbeng ra de’t kɔke.

2 Timothee 4:2

Né loo maje éké majelé géa, uwe rai mong ile mber Tà ke Maje. In se de dè majelé’t i ndáng de, ule dingem kem̂ de’t, i ndó de nyan se kem̂kile ke deri.

Hebreuge 3:13

Nè sei kuwe i ndeji nan sár-sár adi ndɔ ke dé ɓar’n «ɓila» nga tee’n. I rai titeke bè se ndɔ si-ndɔ si tede kade majelé libe kum doo karé dann si’t ade tel è njè kem̂ nder lé ta.

2 Pierre 2:12

Dé dooge nè nga, dé ra nyan nal gir tite dange ke dé ndon ɓaa, d’uwe de se gum a, dé tɔl a tɔ bè. Nyan ke dé gir njai lé géa, d’in dé tam tà ke majelé dè’t. Yo de à tò tite le dange ke walé bè tɔ.

2 Pierre 2:2

Dooge bule à ndolèi go nyanra pás-pàs le de. Dooge ngain à nedi nyanra si se tà tam si tede nyanrage ke pás-pàs.

Jude 1:10

Nè dé dooge ke m’ede sei tà le de nè nga, nyan ke dé ger gir njai lé nga ndɔr de aw se de loo tuju’t tite dange ke tàgir le de goto bè.