Nyanra Njekawkulege 19:29 - Nouveau Testament en Gulay 2004

²⁹ Dooge malang ke kêm ɓee-bò’t nè awi dè nan’t ngater-ngater, an-in ɗiriri reei loo ra nyan-tɔjege’t. D’uwe njémade-loo-kawge le Paul, Gaius se Aristarque dé ndɔr de ngander-ngander dé ree se de loo ra nyan-tɔjege’t nè nga. Gaius se Aristarque nga, ei dooge ke ɓeekon ke Macédoine.

Nyanra Njekawkulege 19:29 ပူးပေါင်းရင်းမြစ်များ

Nyanra Njekawkulege 13:5

Loo ke awi teei kêm ɓee ke Salamine ɓaa, ei ilei mber tà le Nube kêm kei kebe nange’t le Juipge kuwe kété. Jean-Marc aw se de le ra se de dè kule ke nange.

Nyanra Njekawkulege 16:12

J’in loon’t nè j’aw kêm ɓee-bò ke Philippes; è ɓee-bò ke desêin le ɓeekon ke Macédoine. Nè njékonɓeege ke Rome taai ndii dè’t. Jè ndi kêm ɓee-bò’t nè nga ase tà’t.

Nyanra Njekawkulege 16:9

Loo ke dé tò ndɔɔ ɓaa, nyanpinde Paul ade an dingem karé ke ɓeekon ke Macédoine. Doo ke Paul an’n nga, nda se nja’n dɔ. Doo nè nga ra ndoo rann’t ede nè: – Al garang ke kêm ɓeekon ke Macédoine i din jè.

Nyanra Njekawkulege 17:8

Loo ke doobulege se njégangtàge ke kêm ɓee-bò’t nè ooi tàge nè nga bè ɓaa, ei awi dè nan’t kutri.

Nyanra Njekawkulege 19:21

Loo ke gir nyange nè gang ɓá ɓaa, Paul ɔje kêmn’t le kunde kêm ɓeekon ke Macédoine se Achaie se nja’n dɔ gang tede le kaw kêm ɓee-bò ke Jérusalem. E tam ede nè: – Loo ke m’a m’tee nú ɓaa, gar-gar m’a m’aw kan ɓee-bò ke Rome se kum’m.

Nyanra Njekawkulege 19:22

Paul ule njé ra sennge joo, Timothée se Eraste ade awi kêm ɓeekon ke Macédoine; nè è ɓaa tel ndi kêm ɓeekon ke Asie ade kò’n tò mbɔr.

Nyanra Njekawkulege 19:32

Dooge rai nyan wuu-wuu táai mbur nan yo ke nè tede dooge ke njékebe nange awi dè nan’t ngater-ngater ade njé ke nange ngain dann de’t geri gir nyan ke kebi nan tede nga lé.

Nyanra Njekawkulege 20:34

Sei kuwe i geri mbak titeke ji’m man kuwe á m’ra’n kule ɓita m’inge’n nyange ke man se njémade-loo-kawge le’m j’aw ndoo de.

Nyanra Njekawkulege 20:4

Sopater ngonn le Pyrrhus ke ɓee le’n è Bérée dann Paul aw se’n. Aristarque se Secondus ke ɓee le de è Thessalonique a, Gaius doo ke Derbe kêm ɓeekon ke Macédoine a, se Timothée a, Tychique se Trophime ke kêm ɓeekon ke Asie géa danni Paul a tɔ.

Nyanra Njekawkulege 21:30

Doobulege malang ke kêm ɓee-bò’t in-in awi dè nan’t kutri; kosdooge an-in som-som reei ɔsi nja nan. Taɓai ei uwei Paul kêm kei’t le Nube ndɔrii ngander-ngander awi se’n nata ɓá ɓaa, ke loon’t nè kuwe, ei uti tà kei le Nube.

Nyanra Njekawkulege 21:38

Ké i doo ke Egypte ke ndɔ ke sule dooge ade in-in rai wong nga lé wa? Ké i nga kuwe á ndɔ ke ɔr njé tɔl dooge aru dɔg loo sɔ uru’n walé kêm dile’t nè lé wa?

Nyanra Njekawkulege 27:2

J’al kêm bato’t ke in Adramytte à aw kum’n ke loo nda batoge kêm ɓeekon ke Asie. Bato ɔte se jé aw se jé. Aristarque, doo ke Thessalonique, ɓeekon ke Macédoine nga è se jé nan’t tɔ.

Nje Ke Rome 16:23

Gaius ke njè kei mba le’m ke njétaakêm-Kristge malang kebi nan kêm kei le’n, ra sei lapya. Eraste njè ngonm nar le njékonɓeege se ngokon jéi Quartus, rai sei lapya ngain. [

1 Nje Ke Corinthe 1:14

M’ra Nube oiyo tede m’ule doo karé ke rang bè dann si’t manné njonm lé, nè Crispus se Gaius kuwe á m’ule de manné njonm.

1 Nje Ke Corinthe 4:9

Jè njékawkulege nga, m’gir titeke Nube ade jè ngamutu go dooge a, è ade d’an jè ke dooge ke dé gangtà dè de’t le tɔl de nata tàkum dooge’t malang. Nube tel jè ke kurkogo le dè nang nè a, le dooge ke danrán se njé ke dè nang nè a tɔ.

2 Nje Ke Corinthe 8:19

Taɓai, njékebe nange le Nube ɔri ngokon jé nè nga ke njèmade kaw mba le jé. Mba ke j’à j’aw nga ɔje dè kaya nyan-noje ke dé tann tede le njétaakêm-Kristge ke ndii nú. Jè ra kule nè nga tede tà le si titeke bè tede kade dooge ilei riɓar dè Kuwe-ɓee’t a tɔ.

Nje Ke Colosses 4:10

Aristarque njèmade dangai le’m ei se Marc ngonn le ngokon Barnabas rai sei lapya tɔ. Marc nga ndɔ ke m’ede sei tàge ke ɔje dè’n kété ɓá. Ke nè á aw tee ra si’t ɓaa, uwei nin ke ra si’t se maje’n.

Philemon 1:24

Njé made kulege le’m, Marc, Aristarque, Démas se Luc rai nin lapya ngain.

3 Jean 1:1

Man ngatɔge doo nga, m’ndang magtub nè m’ade kotár le’m Gaius ke m’tár’n ke kerɔte kuwe.