Nyanra Njekawkulege 19:26 - Nouveau Testament en Gulay 2004

²⁶ Nyan ke Paul ra nga, sei an-in se kum si a, ooi tà’n se mbi si a tɔ. E kêm ɓee-bò ke Ephèse nè á se kar’n lé, nè nain ngɔr kade è ɓeekon ke Asie bere mbak kuwe Paul nè nga um tà kêm doobulege’t ase tà’t ade teli ei lennge. Taɓai è tam titeke magege ke dooge rai de se ji de nga, ei magege lé.

Nyanra Njekawkulege 19:26 ပူးပေါင်းရင်းမြစ်များ

Nyanra Njekawkulege 14:15

–Made jége, ké bain á i rai nyange ke titeke bè wa? Jè géa, jè doo ndul made sige tɔ. Tà ke maje á jè ree j’ile mber’n j’ade sei kade inyei go magege ke raikarè, ɔsi wan i teli ke ra Nube ke njèndi kumgajer. Nube ke njèndi kumgajer nga kuwe á unde danran se nang, se ba-bò kate a, se nyange malang ke tooi tutu a tɔ.

Nyanra Njekawkulege 17:29

Titeke jè girkà le Nube nga, gar-gar jè gir kêm jé’t j’ede nè: Nube tò asenan se nar-ɔr éké nar-nda éké her ke dé tɔl de se gos ger tɔl nyan a, se go tàgir le dooge nga bè lé.

Nyanra Njekawkulege 18:19

Loo ke ei reei risi nanga kêm ɓee-bò ke Ephèse ɓaa, Paul inye njémade-loo-kawge le’n. E aw kêm kei kebe nan’t ɔje tà se Juipge.

Nyanra Njekawkulege 19:1

Loo ke Apollos nain kêm ɓee-bò ke Corinthe ɓai ɓaa, Paul unde kêm ɓeekon ke kàde mbalge’t se njà’n dɔ gang aw kêm ɓee-bò ke Ephèse. E inge pajage le Jean ke njèkule dooge manné njonm. E deje de ede nè:

Nyanra Njekawkulege 19:10

E ra titeke bè ase ɓal joo ade dooge malang ke ndii kêm ɓeekon ke Asie, Juipge se njé ke ei Juipge lé ooi tà le Kuwe-ɓee.

Nyanra Njekawkulege 19:25

E ɔse nja njé ra kule leen nyange se kɔde madennge ke rang nan’t ede de ede nè: – Sei geri mbak tite ke nyanbaw le jéi tò ɔje dè kule nè nga.

1 Nje Ke Corinthe 12:2

Sei geri mbak, kété ke i geri Nube lé ɓai nga, sei inyei ra si adi dé mbule sei d’aw se si non magege ke tà mundu.

1 Nje Ke Corinthe 8:4

Ndɔ ke kété sei deji man edi nè: Ké j’ase kuse dan ke dé gugu’n magege nga wa? Jè ger maje titeke mage karé bè goto dè nang nè a, jè ger njai titeke Nube kuwe se kar’n bere luk-luk m Nube ke rang goto a tɔ.

Nje Ke Galatie 4:8

Kété mari ke sei geri Nube lé ɓai nga, sei rai ɓer le mage polége ke d’ase k’ee Nube ke get lé.

1 Nje Ke Thessalonique 1:9

Loo ke ndɔ ke j’aw ɓéee le si nga, sei uwei jè ke ra si’t. Sei turi gide si adi mage polége ɔsi wan i teli ke ra Nube’t tede le ra kule kade’n è Nube ke get ke njèndi kumgajer. Nyange nè malang ke ndɔ ke i rai nga, dooge à ɔdi nan kɔr ser’n ɓai.

Lookilera’n 9:20

Gute dooge malang ke por se sà por a, se nyan karé ke ker jengleng tɔl de lé nga mbati turi hal de. Ei ɗɔyi ndilge ke majelé a, se mage polége ke asi kan-in loo éké kooi tà éké njiyei lé a tɔ. Mage polége nè nga, è dé dooge nè kuwe á dé leen de se nar-ɔr, se nar-nda, se ninge-kase éké se mbal éké se kagege ke dé tɔl a tɔ.