Nyanra Njekawkulege 19:19 - Nouveau Testament en Gulay 2004

¹⁹ Dooge bule dann njé ra nyan mbelige reei se magtub ra mbelige le de ɓei dè nan’t loo karé rói rák-rák tàkum dooge’t nata ndái-ndái. Dé mbɔje nar magtubge nè nga ɓaa, d’inge asekum nar-nda aru dɔg loo kɔr-mige bè.

Nyanra Njekawkulege 19:19 ပူးပေါင်းရင်းမြစ်များ

Tà ke Maje ke Luc ndang 14:33

Jésu tɔl ngang tà nè nga ede nè: – Sei géa è titeke bè tɔ. Ke nè á doo karé dann si’t inye go nyankingege le’n lé ɓaa, è asekum k’ee njèkunn dè nja’m têr-têr lé.

Tà ke Maje ke Luc ndang 15:8

Eké loo ke dinye karé aw se nar kule ke ndɔ dɔg jinn’t. Ke nè á nar karé tee dann madege’t oso nang kêm kei le’n. Ké dinye nè nga à unde por tu lampe’t kɔii’n loo tede le sang’n nar nè nga jêke^-jêke^ sár kade tel inge gugu lé wa?

Nyanra Njekawkulege 13:6

Loo ke dé d’unde dè goré loo bere mbak dé gang d’aw sár dé tee kêm ɓee ke Paphos. Loo ɓee’t nè, d’inge dingem karé bè ke njè mbeli. Dingem nè nga ri’n nè Bar-Jésu. Doo nè girkoje’n è Juip nè è ra ra’n ke njèribe-dè-tà ke tà Nube’t.

Nyanra Njekawkulege 13:8

Bar-Jésu ke njè mbeli nga ri’n karé ke rang ke se tà Grec è Elimas. E ute Barnabas se Saul mbeng tede è sang rebe le kɔge njèkonɓee kunde kêm’n dè Jésu’t.

Nyanra Njekawkulege 19:18

Dooge ngain dann njétaakêm-Kristge reei ɔri gir nyanra dege ke majelé ke nata.

Hebreuge 10:34

Sei an-in kumndoo le dangaige. Loo ke dooge ɔyi nyankinge sige géa, sei rai ranel tede sei geri mbak titeke nyankinge le si ke maje dum ke doo à taa ji si’t lé tò ra Nube’t non ɓai.