Nyanra Njekawkulege 19:11 - Nouveau Testament en Gulay 2004

¹¹ Nube ade Paul ra nyankɔbege ke deri se ji’n.

Nyanra Njekawkulege 19:11 ပူးပေါင်းရင်းမြစ်များ

Jean 14:12

Kerɔte kuwe, man m’ede sei ndàt, doo ke um kêm’n dèm’t ɓaa à ra nyange ke m’a m’ra nè nga tɔ. Doo nè nga à ra nyange ke bò dum dè ège ke nè ɓai, tede m’a m’tel kaw ra Bɔm’t nú ta.

Nyanra Njekawkulege 14:3

Nè né è bè géa, Paul se Barnabas ndii kêm ɓee ke Icone ase tà’t. Ei geri tite Kuwe-ɓee è der-gir de. Gir’n ke nè á, ei tami tà se kêmnda káng adi dooge a, dè noje ke Kuwe-ɓee uwe se de a tɔ. Nube ade Paul se Barnabas rai nyankɔbege se nyange ke dum kum geti ngarankumtàge ke ei tami.

Nyanra Njekawkulege 15:12

Kosdooge malang ke ndii loo kebe nan’t nga teli ndii sibik. Go’t gugu ɓaa, dé bere mbak d’ur mbi de d’oo’n ser nyankɔbege se nyange ke dum kum ke Nube ade Barnabas se Paul ndɔ ke rai dann dooge ke ei Juipge lé. E Barnabas se Paul kuwe á ɔri ser nyange nè adi d’oo.

Nyanra Njekawkulege 16:18

E ra titeke bè kum’n ke kété-kété ase ndɔ bule. Wong ra Paul ade tel tur ra’n dè ndil ke majelé’t ke tò kêm ngonn ke dinye’t nè nga, ede’n ede nè: – M’unn ndu’m se ri Jésu-Krist m’adi, unde loo i tee kêm ngonn ke dinye’t nè kɔke. Kêm kàdenn’t nè kuwe, ndil ke majelé nga unde loo tee.

Nyanra Njekawkulege 5:12

Nyankɔbege se nyange ke dum kum oji nan ji njékawkulege’t nyanmi-nyanmi dann kosdooge’t. Njétaakêm-Kristge malang ndii se kêm karé gir pal’t le Salomon.

Nyanra Njekawkulege 8:13

Simon nga géa unde kêm’n dè tà’t le Philippe tɔ. Loo ke d’ule’n manné njonm ɓá ɓaa, è liger go Philippe’t lagr-lagr. Ndil’n tee an-in soin-soin dè nyan-tɔjege se nyankɔbege ke bòii ke Philippe ra ade an se kum’n.

Nje Ke Galatie 3:5

Nube ade sei Ndil-Kem̂nda, taɓai è ra nyankɔbege dann si’t utu’n go. Ké Nube ra nyankɔbege takul kule rage ke ɔje dè gute-ndu wa? Ḿ-m̀, è ra nyankɔbege dann si’t takul Tà ke Maje ke ooi a, Tà ke Maje ke undei kem̂ si dè’t nga a tɔ.

Hebreuge 2:4

Nube kuwe géa ra nyan-tɔjege se nyange ke dum kum a, se nyankɔbege gai-gai le kade njékɔrgo tàge an-in tà tam de ke ngarankum tà le’n è Nube kuwe. Taɓai, Nube kai nyan-nojege le Ndil-Kem̂nda se go kem̂ndige le’n è kuwe.