Nyanra Njekawkulege 19:10 - Nouveau Testament en Gulay 2004

¹⁰ E ra titeke bè ase ɓal joo ade dooge malang ke ndii kêm ɓeekon ke Asie, Juipge se njé ke ei Juipge lé ooi tà le Kuwe-ɓee.

Nyanra Njekawkulege 19:10 ပူးပေါင်းရင်းမြစ်များ

Nyanra Njekawkulege 13:12

Loo ke Sergius njèkonɓee an nyan ke tee dè Elimas’t nè nga bè ɓaa, è unde kêm’n dè Jésu’t tede ɓel ra’n ngain dè tɔgmong’t le nyan-ndó ke ɔje dè Kuwe-ɓee.

Nyanra Njekawkulege 16:6

Paul se Silas undei kêm ɓeekonge ke Phrygie se Galatie gangi se nja de dɔ tede Ndil-Kêmnda ɔge de kile mber tà le Nube kêm ɓeekon ke Asie.

Nyanra Njekawkulege 18:11

Paul ndi se de kêm ɓee-bò ke Corinthe ɓal karé se nan mute-mute ndó dooge malang tà le Nube.

Nyanra Njekawkulege 18:4

Se ndɔ taa kebe karé-karé malang, Paul aw ɔje tà se njé ei Juipge se njé ke ei Juipge lé a tɔ, kêm kei kebe nan’t. E sang le kade kum de gang dè tà’t le Nube.

Nyanra Njekawkulege 19:20

Titeke bè á tà le Kuwe-ɓee ra’n tɔg ke kété-kété a, taa’n loo pel-pel a tɔ, takul tɔgmong le Kuwe-ɓee.

Nyanra Njekawkulege 19:22

Paul ule njé ra sennge joo, Timothée se Eraste ade awi kêm ɓeekon ke Macédoine; nè è ɓaa tel ndi kêm ɓeekon ke Asie ade kò’n tò mbɔr.

Nyanra Njekawkulege 19:8

Paul aw kêm kei kebe nan’t ede de tà se kêmnda káng. E ɔje se de tà ase nan mute ade kum Juipge gang dè Konɓee’t le Nube.

Nyanra Njekawkulege 2:9

Njé ke nange dann jéi’t in-in kêm ɓeekon ke Parthes se Médie se Elam se njé ke in-in ɓeekon ke Mésopotamie se Judée se Cappadoce se Pont se Asie,

Nyanra Njekawkulege 20:18

Loo ke ei reei ingei nin ɓá ɓaa, è ede de ede nè: – Unn gir kêm ndɔ ke desêin ke m’ile’n nja’m kêm ɓeekon ke Asie nga, sei geri pa njiye’m ke m’njiye’n se si se loo malang.

Nyanra Njekawkulege 20:31

Gir’n ke nè á m’ede’n sei kade i ndii kum adi kêm si olé titeke m’ndeje sei karé-karé malang kada a, ndɔɔ a, se mann non kum’t m m’ebe ra’m lé a tɔ.

Nyanra Njekawkulege 6:9

Kêm ndɔn’t nè nga, Juipge ke nange ke kêm ɓee-bò ke Cyrène, Alexandrie se njé ke kêm ɓeekon ke Cilicie a, se Asie a tɔ reei kêm kei kebe nan’t . Kei kebe nan nè nga d’ede nè è kei kebe nan le ɓerge ke teli ndii dè de pal. Juipge nè nga malang in-in naji tà se Etienne.

Nje Ke Rome 1:16

Ma m’ra rasɔl dè tà kile mber Tà ke Maje’t nga lé, tede è tɔgmong le Nube le kaje’n nanan ke um kêm’n dè’t, Juipge kuwe kété ɓita njé ke ei Juipge lé ɓai.

Nje Ke Rome 10:12

Bè ɓaa, ɗarinè tò gai le Juipge se njé ke ei Juipge lé goto ta. Nube karé bere á è Kuwe-ɓee le de malang. Dooge malang ke ɓari ri’n nga, è uwe se de noje se nyanbawge.

Nje Ke Rome 10:18

A ɓaa, ké m’a m’tam kede nè: Ndɔ ke Juipge ooi tà nè nga ndan lé wa? Ḿ-m̀, ei ooi mbak kuwe! Magtub le Nube tam ede nè: «D’oo ndu njékile mberge ke ɔje dè Tà ke Maje se loo malang dè nang nè. Mber kile le de aw sár ɔse ngei dè nang ndi dooge bere mbak.»

Nje Ke Galatie 3:28

Doo ke è Juip éké è Juip lé goto ɗarinè ta. Ɓer éké doo ke ndi dè’n pal goto ta, dingem éké dinye goto ta; tede sei malang sei dooge ke karé takul kum ke umi nan’t bɔk se Jésu-Krist.

Nje Ke Colosses 3:11

Ɗarinè tò gai le Juipge se njé ke ei Juip lé goto, tò gai le doo ke njè kuje tà mɔte’n se è ke nal kuje tà mɔte’n goto. Doo ke dɔ éké doo ke raikarè goto ta. Ɗarinè tò gai le ɓer éké doo ke ndi dè’n pal goto a tɔ. Nè Krist kuwe karé bere á è doo dè dooge malang a, ndi kem̂ de’t malang a tɔ.

2 Timothee 1:15

I ger mbak titeke njé ke ndii kem̂ ɓeekon ke Asie malang turi gide de adi man. Phygèle se Hermogène ei dann njé tur gide kadi man nga tɔ.

1 Pierre 1:1

Man Pierre, njèkawkule le Jésu-Krist, m’ndang magtub nè m’ade njé ke Nube ɔr de unde de se ninn de ke ei njé nanmge ke sanrin nan awi ndii kem̂ ɓeekonge ke Pont, Galatie, Cappadoce, Asie a, se Bithynie a tɔ.

Lookilera’n 1:11

Ndu doo ke ɓar beng á m’oo nè nga, ede’m ede nè: «Nyan ke i an se kumi ɗarinè nga, i ndang kem̂ magtub’t ule’n ade njékebe nange le gir ji sejimute ke ɓeekon ke Asie: Ephèse, Smyrne, Pergame, Thyatire, Sardes, Philadelphie a, se Laodicée a tɔ.»

Lookilera’n 1:4

Man Jean, m’ndang magtub m’ade njékebe nange le Nube ke gir ji sejimute ke ndii kem̂ ɓeekon ke Asie. Maje kade Nube ade sei kem̂noje se kem̂lom. E nga ndi tutu kété mari sár ɗarinè. E ndi à ree sei non a tɔ. Maje kade ndilge ke ji sejimute ke ndai non kutu-ngar’t le Nube adi sei kem̂noje se kem̂lom.