Nyanra Njekawkulege 18:8 - Nouveau Testament en Gulay 2004

⁸ Nè né è bè géa, Crispus ngar dè kei kebe nan se njé ke kêm kei le’n bere mbak undei kêm de dè Kuwe-ɓee’t. Dooge ngain ke kêm ɓee-bò ke Corinthe ke uri mbi de ooi tà le Paul nga teli njétaakêm-Kristge ade d’ule de manné njonm.

Nyanra Njekawkulege 18:8 ပူးပေါင်းရင်းမြစ်များ

Matthieu 28:19

Awi, i teli dooge malang ke ei Juipge lé ke njékuwe-girmge. Ulei de manné njonm se ri Bɔ’m a, se ri Ngonn a, se ri Ndil-Kêmnda a tɔ.

Marc 5:22

Dingem karé bè ri’n nè Jairus. E ngar dè kei kebe nan karé dann madennge’t aw ra Jésu’t. Loo ke è an’n ɓaa, è ɔse keje’n nang nonn’t.

Marc 5:35

Loo ke tà nè nain tà Jésu’t ɓai ɓaa, dooge in-in kêm kei le Jairus ngar dè kei kebe nan, reei edi nin edi nè: – Ngonni ke dinye nga wei ɓá ta. Ké ri taɓai á ɔge’n njèndó dooge nyan taa kebe wa?

Nyanra Njekawkulege 10:2

Corneille se njékêmkeige le’n malang ilei koje dè Nube’t a, ɓeli Ndil’n a tɔ. E uwe noje se kosdooge malang se ndɔ’n-ndɔ’n. E ɔje tà se Nube se ndɔ karé-karé.

Nyanra Njekawkulege 11:14

Simon à ede sei tàge kade aje’n, i se njékêmkeige lei malang.»

Nyanra Njekawkulege 13:15

Dooge tutei magtub gute-ndu Nube ke ndɔ ke Moise ndang a, tutei magtubge le njéribe-dè-tàge ke tà Nube’t a tɔ. Go’t ɓaa, njékan dè kei kebe nan ulei kule ra de’t edi de edi nè: – Ngakon jége, ke nè á awi se tà ndeje ke nange tede le kosdooge nè nga ɓaa, i tami edi de ɗarinè ta.

Nyanra Njekawkulege 16:34

Nè njè ngonm tà dangai ade Paul se Silas awi se’n ɓéee le’n ra de mba. E se njénojege le’n malang rai ranel tede kêm de ke undei dè Nube’t.

Nyanra Njekawkulege 18:1

Go’t gugu ɓaa, Paul in kêm ɓee-bò ke Athènes aw kêm ɓee-bò ke Corinthe.

Nyanra Njekawkulege 18:17

Juipge malang uwei Sosthène, ngar dè kei kebe nan, ei tundei nin loo gangtà’t nè nga. Nè usu Gallion nyan karé géa lé.

Nyanra Njekawkulege 19:1

Loo ke Apollos nain kêm ɓee-bò ke Corinthe ɓai ɓaa, Paul unde kêm ɓeekon ke kàde mbalge’t se njà’n dɔ gang aw kêm ɓee-bò ke Ephèse. E inge pajage le Jean ke njèkule dooge manné njonm. E deje de ede nè:

Nyanra Njekawkulege 8:12

Nè ɗarinè loo ke Philippe ile mber Tà ke Maje ke ɔje dè ɓeekon le Nube se ri Jésu-Krist ade de ɓaa, dingemge se dinyege ke umi kêm de dè tà’t le’n nga, adi d’ule de manné njonm.

1 Nje Ke Corinthe 1:2

jè ndang magtub nè j’ade njékebe nange le Nube ke ndii kêm ɓee-bò ke Corinthe. Jè ndang magtub nè nga j’ade sei ke i tooi se ninn si takul kum ke umi nan’t bɔk se Jésu-Krist. Sei nga Nube ɓar sei kade sei dooge le’n ke i tooi se ninn si. Magtub nè nga, jè ndang j’ade dooge malang se kêm ɓee-ɓee ke ɓari ri Kuwe-ɓee le jéi Jésu-Krist. Jésu-Krist nga è Kuwe-ɓee le de a, le jéi jèi a tɔ.

2 Nje Ke Corinthe 1:1

Man Paul, njèkawkule le Jésu-Krist se go kêmndige le Nube. Jè se ngokon si Timothée, jè ndang magtub nè j’ade njékebe nange le Nube ke ndii kêm ɓee-bò ke Corinthe. Magtub nè nga jè ndang j’ade njé ke tooi se ninn de malang ke ndii kêm ɓeekon ke Achaie bere mbak a tɔ.

2 Nje Ke Corinthe 1:23

Ke nè á m’tam è tà lanm karè ɓaa, maje kade Nube ade m’wei kɔke. M’ebe ra’m kaw kêm ɓee-bò ke Corinthe tede kute’n tà nyange ke nange dè si’t kɔke ndêin.

2 Nje Ke Corinthe 6:11

Sei ngakon jége ke kêm ɓee-bò ke Corinthe nga, j’ede sei tàge ke dè ɓengre jé’t ndàt m jè ɓɔyɔ sei kêm jé lé.

2 Timothee 4:20

Eraste nain kem̂ ɓee-bò ke Corinthe. Trophime nga ndɔ ke ra’n tur’n ade m’inye’n kem̂ ɓee ke Milet.