Nyanra Njekawkulege 18:7 - Nouveau Testament en Gulay 2004

⁷ Paul in loo’t nè aw kêm kei le doo karé bè ke ri’n nè Titus Justus. Doo nè nga è njè kile koje dè Nube’t. Kei le’n tò kɔte nan’t se kei kebe nan.

Nyanra Njekawkulege 18:7 ပူးပေါင်းရင်းမြစ်များ

Jean 9:31

Jè geri titeke Nube ur mbi’n oo’n tà le njé ra majelége lé. Taɓai è ile de dè tà ke d’ɔje senn’t nga lé a tɔ. Nè ke nè á doo karé ile koje dè Nube’t a, ra nyan ke kêm’n ndige ɓaa, Nube ur mbi’n oo’n tà le doo nè nga kerɔte.

Nyanra Njekawkulege 10:2

Corneille se njékêmkeige le’n malang ilei koje dè Nube’t a, ɓeli Ndil’n a tɔ. E uwe noje se kosdooge malang se ndɔ’n-ndɔ’n. E ɔje tà se Nube se ndɔ karé-karé.

Nyanra Njekawkulege 10:22

Ngann njékulege le Corneille edi Pierre edi nè: – E Corneille, kuwe njérɔge ke aru karé á ule jè. E nga è doo ke njè ra nyan se dè naje’n a, è njè ɓel Ndil Nube a tɔ. Kos Juipge bere mbak tami tà le’n maje. Doo ke danran le Nube ede Corneille ede nè: «I ɓar Simon ɓéee lei, oo tàge ke à edi.»

Nyanra Njekawkulege 13:42

Paul se Barnabas undei loo kêm kei kebe nan’t teei nata. Dé deje de le kade teli edi de tàge nè nga se ndɔ taa kebe ke à ree gugu.

Nyanra Njekawkulege 13:43

Loo ke gir kebe nan gang ɓá ɓaa, Juipge ngain se njé ke ei Juipge lé ke ɗɔyi Nube ndoléi go Paul se Barnabas. Paul se Barnabas oji se de tà a, ndeji de le kade dé liger dè noje’t ke Nube uwe se de ke kété.

Nyanra Njekawkulege 13:50

Dinyege ke njé ɗɔi Nubege ke ei njényan-kingege ndii kêm ɓee-bò’t nè tɔ. Juipge sulei de se dooge ke kum de unju ke kêm ɓee-bò’t nè nga adi unni gir rai kum Paul se Barnabas ndoo. Dé rɔ Paul se Barnabas kêm ɓeekon’t le de kɔke.

Nyanra Njekawkulege 16:14

Dinye karé dann de’t ri’n nè Lydie, è njè ra gate. Dinye nè nga in kêm ɓee le’n ke ri’n nè Thyatire á ree ndi kêm ɓee-bò ke Philippes ige kubuge ke ker perm-perm. Dinye nè è njè ɓel Ndil Nube. Lydie ndi ur mbi’n ke ra jé’t. Gir’n ke nè á Kuwe-ɓee teen’n ngarankêm’n ade ur’n mbi’n ngaw njêt oo’n tàge ke Paul à tam.

Nyanra Njekawkulege 17:4

Njé ke nange dann Juipge’t ke kum de gang dè tà’t nè nga teli umi go Paul se Silas bɔk. Kos Grecge ke ilei koje dè Nube’t se dinyege ke njényan-kingege se konmolége ngain géa teli umi go Paul se Silas a tɔ.

Nje Ke Colosses 4:11

Jésu ke dé ɓar’n Justus nga géa ra sei lapya tɔ. Dé ke mute nè nga kuwe se kar de á dé Juipge ke njétaakem̂-Krist ke dé ra se’m kule ke ɔje dè konɓee le Nube. E dé nè á dé njé sɔl kem̂’mge.