Nyanra Njekawkulege 18:5 - Nouveau Testament en Gulay 2004

⁵ Loo ke Silas se Timothée in-in kêm ɓeekon ke Macédoine reei ɓá ɓaa, Paul tel orè kum’n dè kɔrgirtà’t le Nube kuwe deri. E ede Juipge ndàt titeke Jésu nga è Krist kuwe.

Nyanra Njekawkulege 18:5 ပူးပေါင်းရင်းမြစ်များ

Tà ke Maje ke Luc ndang 12:50

Gar-gar nyankêmkon à pujur dè’m tite doo ke d’ule’n manné njonm bè. Nyan nè nga à nder dèm’t sár kade aw’n loon’t deĵ.

Tà ke Maje ke Luc ndang 16:28

Ngakonmge ke ndêin mi ndii tutu ɓai. Ade aw ede de kade turi hal de nè bainléa à reei ndii dann loo nyantosowur’t titeke man m’ndii’n danné nè bè tɔ.»

Jean 1:41

André aw inge Simon ngokon’n ke le’n kuwe kété ede’n ede nè: – Jè j’inge Messie ke dé ɓar’n Krist nga ɓá.

Jean 10:24

Juipge an-in dè Jésu girm ulei nan’t ɓaa, deji nin edi nè: – Ké ndɔ ke ra a ade kêm jé à oso nang pon wa? Ke nè á i Krist nga ɓaa, ede jè ndàt ade j’oo.

Jean 15:27

Sei géa a k’ei njékɔrgo tàge le’m tede sei se’m nan’t kété mari loo kunn gir kule’t le’m.

Jean 3:28

Sei kuwe géa asikum kɔrgo tà le’m titeke dɔ-dɔ m’tam’n m’ede nè: «Man m’ee Krist nga lé ɓai, nè d’ule’m kété nonn’t ke kule karè.»

Nyanra Njekawkulege 10:42

E Jésu nè nga kuwe á unn ndu’n ade jè le kade j’ile mber j’ade kosdooge. Taɓai è unn ndu’n le kade j’ede kosdooge ndàt titeke è nè nga kuwe á Nube ɔr’n unde’n ke njègangtà le dooge ke ndii kumgajer se njé ke wei ɓá a tɔ.

Nyanra Njekawkulege 15:22

Njékawkulege se ngatɔgege a, se njékebe nange le Nube bere mbak ɔji njáng le kɔr dooge joo dann de’t le kule de kade awi se Paul se Barnabas kêm ɓee-bò ke Antioche, ɓeekon ke Syrie. Dooge ke d’ade awi nan’t se Paul se Barnabas nga è Jude ke dé ɓar’n Barsabbas a, Silas a tɔ. Jude se Silas nga ei ngawtà njétaakêm-Kristge ke ndii kêm ɓee-bò ke Jérusalem.

Nyanra Njekawkulege 16:1

Paul ree tee kêm ɓee-bòge ke Derbe se Lystre. An! njètaakêm-Krist karè bè ri’n nè Timothée ndi kêm ɓee-bò ke Lystre. E ngonn le dinye karé ke è Juip ke njètaakêm-Krist. Nè Timothée nga, bɔ’n è Grec.

Nyanra Njekawkulege 16:12

J’in loon’t nè j’aw kêm ɓee-bò ke Philippes; è ɓee-bò ke desêin le ɓeekon ke Macédoine. Nè njékonɓeege ke Rome taai ndii dè’t. Jè ndi kêm ɓee-bò’t nè nga ase tà’t.

Nyanra Njekawkulege 16:9

Loo ke dé tò ndɔɔ ɓaa, nyanpinde Paul ade an dingem karé ke ɓeekon ke Macédoine. Doo ke Paul an’n nga, nda se nja’n dɔ. Doo nè nga ra ndoo rann’t ede nè: – Al garang ke kêm ɓeekon ke Macédoine i din jè.

Nyanra Njekawkulege 17:3

E ɔrgir unde non de’t tite ke Krist nga gar-gar nyankêmkon à ra’n a, à unde loo tee dann njé ke koo’t gar-gar a tɔ. Paul ede de ede nè: – Jésu-Krist ke man m’ede sei tà le’n nè nga, è kuwe á è Krist.

Nyanra Njekawkulege 18:28

E ɔr lanm tà Juipge’t nata ndái-ndái. E tɔje de se go tà ke tò kêm Magtub’t le Nube tite Jésu è Krist nga kuwe.

Nyanra Njekawkulege 2:36

Pierre ede kosdoo-bulege ede nè: – Maje kade sei kosdooge ke Israel malang, i geri tà nè maje: Jésu nè ke sei ɓeri nin kàde kage-ke-dese’t nga, Nube tel ade è Kuwe-ɓee a, Krist a tɔ.

Nyanra Njekawkulege 20:21

M’ile mber m’ade Juipge se njé ke ei Juipge lé le kade ɔsi wan teli ke ra Nube’t a, undei kêm de dè Kuwe-ɓee’t le jéi Jésu nga a tɔ.

Nyanra Njekawkulege 20:23

Nè nyan karé ɓaa, Ndil-Kêmnda ede’m ndàt ede nè: Kêm ɓee-bòge karé-karé malang ke m’a m’aw tutu nga, sulge se nyantosowurge tooi nginei man.

Nyanra Njekawkulege 20:24

Ndikumgajer le’m dè nang nè nga, m’an ke nyan ke ngain le tɔse kum dè’t lé. Nè kɔr son ngɔde le’m se kule ke Kuwe-ɓee Jésu-Krist um jim’t á ke nyan ke uwe kêm’m. Kule ke Kuwe-ɓee um jim’t nga, è kule kile mber Tà ke Maje ke ɔje dè kêmnoje le Nube.

Nyanra Njekawkulege 4:20

Nyan ke j’an se kum jé a, j’oo tà’n se mbi jé a tɔ nga, j’asekum kebe ra jé tam tà’n ndan lé.

Nyanra Njekawkulege 9:22

Nè Saul nda garang-garang se ndɔge malang de kundekêm’t le’n. E ede Juipge ke Damas ndàt titeke Jésu nga è Krist kerɔte kuwe.

2 Nje Ke Corinthe 1:19

Tede Jésu-Krist Ngonn Nube, ke man a, Silas a, Timothée a tɔ, j’ile mber tà le’n dann si’t nga, è njè kum tà minye’t joo lé. Ke nè á tam ede nè: «ḿ-m̀» ɓaa, è «ḿ m̀». Ke nè á tam ede nè : «oiyo» ɓaa, è «oiyo». Jésu-Krist è njè tam ngarankum tà se ndɔge malang.

2 Nje Ke Corinthe 11:9

Loo ke ndɔ ke m’ra kule dann si’t nga ndoo nyan ra’m kuwe, nè m’ɔi dè doo karé bè dann si’t lé. E ngakon jéige ke njétaakêm-Kristge ke Macédoine á ndɔ ke rai se’m dè nyan ke nal’m. M’unde kumkunju dè ram’t tede kade m’tel m’ee nyankoto ke wɔi dè si’t lé. M’a m’ra bè-bè kum’m ke kété ɓai.

2 Nje Ke Corinthe 5:14

Tár ke Krist tár jè nga ɔse jè balang-balang. Ke nè á doo karé inye ra’n ade yo tede dooge malang ɓaa, dooge malang kuwe weii se’n tɔ.

Nje Ke Philippes 1:23

Nyange ɔsi kàde’m loo joo, ngur kin kaw ndi se Krist ra’m pênn-pênn. E á m’an ke nyan ke à too’m soo’t ngain.

1 Nje Ke Thessalonique 3:2

Gir’n ke nè á jè j’ule’n ngokon jéi Timothée ra si’t. Timothée nga è njè njèkule le Nube made jé ke ile mber Tà ke Maje le Krist. Jè j’ule’n le kade ule dingem kem̂ si’t a, le kade ndeje sei a tɔ, tede kade kundekem̂ dè Nube’t le si ɓeɓere’n.

1 Nje Ke Thessalonique 3:6

Timothée in ra si sei’t tel ree ra jé’t ngɔr nè ɓai. E tel ree se ser tàge ke maje ke ɔje dè kundekem̂ le si se tár nan le si ade j’oo. Timothée ede jè titeke kem̂ si olé dè jé’t dɔ-dɔ. Taɓai, è ede jè titeke ngur tel kan kum jé ra sei pênn-pênn dum le jé jè ɓai.

1 Pierre 5:12

Man m’an Silas ke ngokon jéi ke get. Takul’n è á m’ndang’n magtub ndêin bè m’ade sei le kule’n dingem kem̂ si’t, le kede’n sei ngarankum noje ke Nube uwe se si nga kade i ligri tutu lagr-lagr.