Nyanra Njekawkulege 18:4 - Nouveau Testament en Gulay 2004

⁴ Se ndɔ taa kebe karé-karé malang, Paul aw ɔje tà se njé ei Juipge se njé ke ei Juipge lé a tɔ, kêm kei kebe nan’t. E sang le kade kum de gang dè tà’t le Nube.

Nyanra Njekawkulege 18:4 ပူးပေါင်းရင်းမြစ်များ

Tà ke Maje ke Luc ndang 16:31

Abraham tel ilé de’t ede nè: «Ke nè á ngakoinge uri mbi de ooi tà ke Moise ndang kêm magtub gute-ndu’t se tà ke njéribe-dè-tàge ke tà Nube tami nga lé ɓaa, né doo karé unde loo tee dann njé ke koo’t aw inge de géa, d’ade tur hal de lé.»

Tà ke Maje ke Luc ndang 4:16

Jésu in loon’t nè aw ɓee ke Nazareth. Nazareth nga, è ɓee ke ndɔ ke d’oto’n tutu d’ade tɔge. E aw se de kêm kei kebe nan’t se go ra ke è ra’n kété-kété se ndɔ taa kebe. E ɔse nang in dɔ le tute magtub le Nube kade de.

Jean 7:35

Juipge deji nan edi nè: – Ké loo ke ra n’a n’aw tutu á j’à j’asi kingei n’ee gugu lé wa? Ké n’a n’in le kaw ɓéee le dooge ke ei Juipge lé le tel rayé ke njè ndó de nyan ta wa?

Nyanra Njekawkulege 13:14

Paul se Barnabas in-in Perge awi teei kêm ɓee-bò ke Antioche, ɓeekon ke Pisidie. Ndɔ taa kebe ɓaa, ei awi kêm kei kebe nan’t ndii nang le koo tà.

Nyanra Njekawkulege 14:1

Paul se Barnabas awi kêm kei kebe nan’t le Juipge titeke kété rai kêm ɓee-bò ke Antioche, ɓeekon ke Pisidie. Ei tami tà adi nunge tchanm adi dooge. Dooge ngain dann Juipge se njé ke ei Juipge lé teli njétaakêm-Kristge.

Nyanra Njekawkulege 17:11

Juipge ke Bérée nga uwei Paul se Silas ke ra de’t maje dum njé ke kêm ɓee-bò ke Thessalonique. Dé taa Tà ke Maje kalang, nè se ndɔ karé-karé dé nder gir tà ke kêm magtubge’t le Nube le kan, ké tàge ke Paul ede nga è titeke bè kuwe wa?

Nyanra Njekawkulege 17:17

E ɔje tà se Juipge se njé ke ei Juipge lé ke ilei koje dè Nube’t kêm kei kebe nan’t. Se ndɔge malang, è ɔje tà se dooge ke inge de ndá-loo’t karè a tɔ.

Nyanra Njekawkulege 18:13

– Doo nè nga sule dooge ade ilei koje dè Nube’t se go rebe ke tò gai se le gute-ndu.

Nyanra Njekawkulege 18:19

Loo ke ei reei risi nanga kêm ɓee-bò ke Ephèse ɓaa, Paul inye njémade-loo-kawge le’n. E aw kêm kei kebe nan’t ɔje tà se Juipge.

Nyanra Njekawkulege 19:26

Nyan ke Paul ra nga, sei an-in se kum si a, ooi tà’n se mbi si a tɔ. E kêm ɓee-bò ke Ephèse nè á se kar’n lé, nè nain ngɔr kade è ɓeekon ke Asie bere mbak kuwe Paul nè nga um tà kêm doobulege’t ase tà’t ade teli ei lennge. Taɓai è tam titeke magege ke dooge rai de se ji de nga, ei magege lé.

Nyanra Njekawkulege 19:8

Paul aw kêm kei kebe nan’t ede de tà se kêmnda káng. E ɔje se de tà ase nan mute ade kum Juipge gang dè Konɓee’t le Nube.

Nyanra Njekawkulege 26:28

Nè Agrippa ede Paul ede nè: – Nain ngɔr ɓaa ayé tel’m ke njètaakêm-Krist ta.

Nyanra Njekawkulege 28:23

Paul se Juipge ɔji ndɔ tede tel kinge’n nan. Loo ke ndɔ nè ase deĵ ɓaa, Juipge reei ngain dum ke kété ingei nin kêm kei ndinn’t kuwe. Paul ɔrgir tà se ndɔgé sár loo sɔlé a, ile mber Konɓee le Nube nga ndàt ade de a tɔ. E uwe ra’n mong le kade kum de gang dè Jésu’t se go tà ke kêm magtub gute-ndu’t le Moise sár tee’n dè magtubge’t le njéribe-dè tàge ke tà Nube’t.

Nyanra Njekawkulege 9:20

Ke loon’t nè kuwe, è unn gir kile mber tà le Jésu kêm kei kebe nange’t titeke Jésu nga è Ngonn le Nube kerɔte kuwe.

2 Nje Ke Corinthe 5:11

Jè ɓel Ndil Kuwe-ɓee Nube. Gir’n ke nè á jè sang’n le kade dooge undei kêm de dènn’t. Jè nga Nube ger jè ndát-ndát mbak. Sei géa, m’gir titeke i geri jè kêm si’t maje titeke Nube ger’n jè bè tɔ.