Nyanra Njekawkulege 18:26 - Nouveau Testament en Gulay 2004

²⁶ E unn gir kile mber kêm kei kebe nan’t se kêmnda káng. Nè loo ke Aquilas se Priscille ooi tà le’n bè ɓaa, ei uwei nin ke ra de’t ɔri gir tà le Nube se ngang’n bêrêr-bêrêr adi oo maje dum ke kété.

Nyanra Njekawkulege 18:26 ပူးပေါင်းရင်းမြစ်များ

Marc 10:15

Kerɔte kuwe, man m’ede sei ndàt, nanan ke ndige kade Nube on’n titeke ngonn ra’n lé ɓaa, à ile nja’n kêm Konɓee’t le’n ndan lé.

Tà ke Maje ke Luc ndang 19:26

Kuwe ngann njéndige nè tel ede de ede nè: «Man m’ede sei ndàt, doo ke nyan tò jinn’t á d’a d’ade’n made dè’t. Doo ke nyan è jinn’t ndêin bè ɓaa, è ke ndêin bè nè kuwe d’a d’uwe’n taa jinn’t kɔke.

Tà ke Maje ke Luc ndang 24:27

Go’t gugu, Jésu ɔr gir nyange malang ke dé ndang d’ɔje’n dè’n kêm Magtub’t le Nube. E unn gir dè magtubge’t le Moise sár tee’n dè le njéribe-dè-tàge ke tà Nube’t.

Jean 7:17

Ke nè á doo karé ndige ra nyan ke kêm njèkule’m Nube ndige ɓaa, à ger tite nyan-ndó nè nga in ra Nube’t. E man kuwe á m’in se dè’m m’ndó nyan dooge lé.

Nyanra Njekawkulege 14:3

Nè né è bè géa, Paul se Barnabas ndii kêm ɓee ke Icone ase tà’t. Ei geri tite Kuwe-ɓee è der-gir de. Gir’n ke nè á, ei tami tà se kêmnda káng adi dooge a, dè noje ke Kuwe-ɓee uwe se de a tɔ. Nube ade Paul se Barnabas rai nyankɔbege se nyange ke dum kum geti ngarankumtàge ke ei tami.

Nyanra Njekawkulege 18:18

Paul tel ndi kêm ɓee-bò ke Corinthe ase tà’t. Go’t gugu, è inye njétaakêm-Kristge, è al kêm bato’t tel aw ɓeekon ke Syrie. Priscille se Aquilas géa awi se’n nan’t tɔ. Paul ade dé ndise dè’n nda kêm ɓee ke Cenchrées tede ndu’n ke ndɔ ke è unn.

Nyanra Njekawkulege 18:25

E doo ke dé ndó’n rebe le Kuwe-ɓee d’ade ger maje. E doo ke tàgir le’n ndi kum. Apollos ile mber a, ndó dooge nyan ke ɔje dè Jésu se ngang’n bêrêr-bêrêr. Nè mber kile le Jean ke njèkule dooge manné njonm kuwe karé á ger.

Nyanra Njekawkulege 19:8

Paul aw kêm kei kebe nan’t ede de tà se kêmnda káng. E ɔje se de tà ase nan mute ade kum Juipge gang dè Konɓee’t le Nube.

Nyanra Njekawkulege 28:23

Paul se Juipge ɔji ndɔ tede tel kinge’n nan. Loo ke ndɔ nè ase deĵ ɓaa, Juipge reei ngain dum ke kété ingei nin kêm kei ndinn’t kuwe. Paul ɔrgir tà se ndɔgé sár loo sɔlé a, ile mber Konɓee le Nube nga ndàt ade de a tɔ. E uwe ra’n mong le kade kum de gang dè Jésu’t se go tà ke kêm magtub gute-ndu’t le Moise sár tee’n dè magtubge’t le njéribe-dè tàge ke tà Nube’t.

Nyanra Njekawkulege 8:31

Njèkuju ile Philippe dè’t ede nè: – Ke nè á doo karé ɔr non’m dè’t lé ɓaa, m’a m’ger gir’n se dè ra’m bain wa? Njèkuju deje Philippe ade al ndi se’n kêm wotro rɔ ke ra se nar nè nga.

1 Nje Ke Corinthe 12:21

Kum doo asekum kede ji doo kede nè: «M’aw ndooi lé» lé éké dè doo asekum kede nja doo kede nè: «M’aw ndoo si lé» lé.

1 Nje Ke Corinthe 3:18

Maje kade doo karé bè ade kum’n sú’n dè tàge’t nè nga lé. Ke nè á doo karé dann si’t an ra’n ke njèkumkunju ke dè nang nè ɓaa, maje kade tel mbe tá à è njèkumkunju ke get ɓai.

1 Nje Ke Corinthe 8:2

Ke nè á doo karé an ra’n ke njè nyanger ɓaa, è ger ade ase loon’t deĵ lé ɓai.

Hebreuge 6:1

Bè ɓaa, ade j’inyei go nyan-ndóge ke desêin ke dé ndó jèi ɔje dè kundekem̂ dè Krist’t nga ɓaa, ade j’awi kum jéi ke kété dè nyan-ndó ke maje ɔr njêt le dooge ke tɔgi káng-káng. Ade jè teli dè nyan-ndó ke desêin’t lé ta. Nyan-ndó ke desêin nga ɔje dè kinye go nyanrage ke majelé ke à awi se jéi kile jèi tà yo’t a, ɔje dè kundekem̂ dè Nube’t a tɔ.

2 Pierre 3:18

Awi kum si ke kété-kété dè noje’t a, se dè ger Jésu-Krist Kuwe-ɓee le jéi ke njèkaje jèi nga a tɔ. Maje kade riɓar è le’n ɗarinè sár se non. Maje kade è titeke bè kuwe.