Nyanra Njekawkulege 18:25 - Nouveau Testament en Gulay 2004

²⁵ E doo ke dé ndó’n rebe le Kuwe-ɓee d’ade ger maje. E doo ke tàgir le’n ndi kum. Apollos ile mber a, ndó dooge nyan ke ɔje dè Jésu se ngang’n bêrêr-bêrêr. Nè mber kile le Jean ke njèkule dooge manné njonm kuwe karé á ger.

Nyanra Njekawkulege 18:25 ပူးပေါင်းရင်းမြစ်များ

Marc 1:3

E ndu dingem karé ke njèkile mber kêm dile’t ede nè: I gɔli rebe le Kuwe-ɓee Krist, i rai kile rebe le’n adi asenan lêtêt.»

Marc 12:14

Ei reei rann’t edi nin edi nè: – Ngar, jè ger titeke i njè tam ngarankum tà kuwe. I njè ndête kum doo lé a, i njèkɔr kum doo lé a tɔ. I ndó dooge ngarankum nyan ke Nube ɔje a tɔ. Kuge tir le ngar ke bò César nga, è loon’t lé wa? Gar-gar, j’à j’ugei éké j’à j’ugei lé wa? Ede jè.

Tà ke Maje ke Luc ndang 1:4

M’ra titeke bè le kade i ger’n titeke nyange nè ke d’ɔr ser’n d’edi nga, ei nyange kerɔte.

Tà ke Maje ke Luc ndang 7:29

Kosdooge malang se njétaa tirge ke ooi tà nè nga adi Jean ule de manné njonm tede an-in Nube ke njèra nyan se dè naje’n.

Nyanra Njekawkulege 13:10

– An! i ke tà sú se nyanra ke majelé taa rai pel-pel. I ngonn le sú, i njèban le nyanra ke se dè naje’n malang. Rebege le Kuwe-ɓee ke ndai jap nga ke i uwe de i ɗuge de ngong-ngong, ké ndɔ ke ra á i a ebe rai dè’t wa?

Nyanra Njekawkulege 16:17

Ngonn ke dinye nè nga tɔse ngire gande jé se Paul ndêng-ndêng. E ra nyan go jé’t kaláng-kaláng ede nè: – Dooge nè nga ei ɓer kulege le Nube ke njèndi sêm danrán’t. Ei reei ilei mber rebe kaje adi sei.

Nyanra Njekawkulege 18:26

E unn gir kile mber kêm kei kebe nan’t se kêmnda káng. Nè loo ke Aquilas se Priscille ooi tà le’n bè ɓaa, ei uwei nin ke ra de’t ɔri gir tà le Nube se ngang’n bêrêr-bêrêr adi oo maje dum ke kété.

Nyanra Njekawkulege 19:23

Kêm ndɔge’t nè nga, tà ke bò asetam oso ade dooge awi de nan’t ngater-ngater ɔje dè tà le Kuwe-ɓee Jésu.

Nyanra Njekawkulege 19:3

Paul tel deje de ede nè: – A ɓaa, kule manné njonm le nan á d’ule sei tutu ta wa? Dé nè nga d’ile’n dè’t d’ede nè: – Kule manné njonm le Jean á d’ule jè tutu.

Nyanra Njekawkulege 19:9

Nè njé ke nange ei njékêmnderge se njé kunn mbi dè tàge’t. Ei tami tà ke majelé dè rebe’t le Kuwe-ɓee tàkum doobulege’t. Paul ɔr ra’n ra de’t kɔke ɓaa, è ɔr kum njétaakêm-Kristge gai ɔje de tà se ndɔ karé-karé kêm kei ndó nyan’t le Tiranus.

Nyanra Njekawkulege 9:2

deje’n magtubge tede kaw’n kêm kei kebe nange’t kêm ɓee-bò ke Damas. Saul ra titeke bè tede kade ke nè á inge dingemge éké dinyege ke nange ke unni rebe le Kuwe-ɓee Jésu ɓaa, ayé tuwe de, tɔ de ree se de kêm ɓee-bò ke Jérusalem.

Nje Ke Rome 12:11

Adi ra si wɔi sei lé. Nè i rai kule se rakɔlé adi Kuwe-ɓee.

2 Timothee 2:4

Njèrɔ ke rara ke aw ke loo rɔ’t nga à ndɔje ra’n tede nyange ke rang ke è inye goon’t gugu nga lé ta. Titeke bè á à taa’n kum kuwe’n ke njèkan dè njérɔge.

Jacques 5:16

Ɔri gir majelé le si adi nan. Ɔji tà se Nube tede nan le kade ratur ɔr’n dè si’t. Doo ke Nube ɔr tà dènn’t nga, nyan ke è deje’n se kundekem̂ ke nunge tchanm nga, è ase ra nyan ke bòi ngain.