Nyanra Njekawkulege 18:19 - Nouveau Testament en Gulay 2004

¹⁹ Loo ke ei reei risi nanga kêm ɓee-bò ke Ephèse ɓaa, Paul inye njémade-loo-kawge le’n. E aw kêm kei kebe nan’t ɔje tà se Juipge.

Nyanra Njekawkulege 18:19 ပူးပေါင်းရင်းမြစ်များ

Nyanra Njekawkulege 18:20

Ei nè nga deji nin le kade ndi se de mbɔr ɓita, nè è ndige lé.

Nyanra Njekawkulege 18:21

E ube de inye de, ede de ede nè: – Ke nè á Nube ndige ɓaa, m’a tel ree ra si’t ɓai. Paul al kêm bato’t aw kêm ɓee-bò ke Ephèse.

Nyanra Njekawkulege 18:24

Dingem karé bè è Juip ri’n nè Apollos, ɓee koje’n è Alexandrie, ree kêm ɓee-bò ke Ephèse tɔ. Dingem nè nga è doo ke ger tam tà ngain a, ger magtubge le Nube ngain a tɔ.

Nyanra Njekawkulege 18:4

Se ndɔ taa kebe karé-karé malang, Paul aw ɔje tà se njé ei Juipge se njé ke ei Juipge lé a tɔ, kêm kei kebe nan’t. E sang le kade kum de gang dè tà’t le Nube.

Nyanra Njekawkulege 19:1

Loo ke Apollos nain kêm ɓee-bò ke Corinthe ɓai ɓaa, Paul unde kêm ɓeekon ke kàde mbalge’t se njà’n dɔ gang aw kêm ɓee-bò ke Ephèse. E inge pajage le Jean ke njèkule dooge manné njonm. E deje de ede nè:

Nyanra Njekawkulege 19:17

Dooge malang ke ndii kêm ɓee-bò ke Ephèse, Juipge se njé ke ei Juipge lé geri nyan ke tee nè nga. Ɓel unde de ndàt gang de malang ade ilei riɓar dè ri Kuwe-ɓee Jésu’t.

Nyanra Njekawkulege 19:26

Nyan ke Paul ra nga, sei an-in se kum si a, ooi tà’n se mbi si a tɔ. E kêm ɓee-bò ke Ephèse nè á se kar’n lé, nè nain ngɔr kade è ɓeekon ke Asie bere mbak kuwe Paul nè nga um tà kêm doobulege’t ase tà’t ade teli ei lennge. Taɓai è tam titeke magege ke dooge rai de se ji de nga, ei magege lé.

Nyanra Njekawkulege 19:28

Loo ke dooge ooi tàge nè nga bè ɓaa, wong rusu kêm de njin-njin ade rai nyan beng-beng edi nè: – Artémis le dooge ke kêm ɓee-bò ke Ephèse nga, è ke bò!

Nyanra Njekawkulege 19:35

Nè né è bè géa, njèndang magtub le ɓee-bò ke Ephèse ree ngɔr ra doobulege’t ede nè: – Sei dooge ke kêm ɓee ke Ephèse, ké doo ke ra á nal ger titeke ɓee-bò ke Ephèse è njè ngonm kei le Artémis ke dinye ke bò nga wa? Ké nan nal ger titeke ɓee-bò ke Ephèse nè nga è kum gute tà kei le Artémis ke in danrán oso wa?

Nyanra Njekawkulege 20:16

Paul ɔje njáng le kunde kêm ɓee-bò ke Ephèse se nja’n dɔ gang m è ndige nda nang tuju ndɔge le’n kêm ɓeekon ke Asie lé. E ute ra’n kalang ké n’a kasekum tee Jérusalem se ndɔ ra nan Pentecote nga lé wa?

Nyanra Njekawkulege 20:17

Nè né è bè géa, loo ke Paul tee kêm ɓee ke Milet ɓaa, è ule kule ɓar ngatɔgege le njékebe nange le Nube ke kêm ɓee-bò ke Ephèse.

Nyanra Njekawkulege 21:29

Ndɔ ke kété d’an Trophime, dingem ke Ephèse se Paul nan’t kêm ɓee-bò’t. Gir’n ke nè á d’ede nè bainléa Paul ade’n aw se’n nan’t kêm kei’t le Nube.

1 Nje Ke Corinthe 15:32

Rɔ ke ndɔ ke m’rɔ se dooge kêm ɓee-bò ke Ephèse ke tooi asinan se dan-tonge bè nga, ke nè á ndɔ ke è se go riɓar le dooge ke dè nang nè karè ɓaa, ké ri á m’a m’inge tutu kade è soom’t wa? Ke nè á dooge à undei loo teei dann njé ke koo’t lé ɓaa, né «j’ayé kusei a, kain a, tede barè j’à j’wei» titeke dooge tami nga.

1 Nje Ke Corinthe 16:8

Nè né è bè géa, m’a m’nain kêm ɓee-bò ke Ephèse nè kuwe sár tee’n ndɔ ra nan ree le Ndil-Kêmnda ke dé ɓar’n Pentecote.

Nje Ke Ephese 1:1

Man Paul, njèkawkule le Jésu-Krist se go kem̂ndige le Nube. M’ndang magtub nè m’ade njé ke tooi se ninn de se njé ke awi kum de ke kété-kété de kundekem̂ dè Jésu-Krist’t [ke ndii kem̂ ɓee-bò ke Ephèse].

1 Timothee 1:3

Loo ke ndɔ ke m’in le kaw kem̂ ɓeekon ke Macédoine nga, m’deji kade i nain kem̂ ɓee-bò ke Ephèse. M’inyei kem̂ ɓee-bò’t nè le kade in se njé ke nange ade ebi ra de dè ndó dooge tàge ke raikarè.

2 Timothee 1:18

Maje kade Kuwe-ɓee Nube ade inge kem̂kanm ra Kuwe-ɓee Jésu’t kem̂ ndɔ ke ngeinn’t. Kulege ngain ke è ra ade’m kem̂ ɓee-bò ke Ephèse nga, i ɓaa, i ger maje dum dooge ke rang.

2 Timothee 4:12

Tychique ɓaa, m’ule’n kem̂ ɓee-bò ke Ephèse.

Lookilera’n 1:11

Ndu doo ke ɓar beng á m’oo nè nga, ede’m ede nè: «Nyan ke i an se kumi ɗarinè nga, i ndang kem̂ magtub’t ule’n ade njékebe nange le gir ji sejimute ke ɓeekon ke Asie: Ephèse, Smyrne, Pergame, Thyatire, Sardes, Philadelphie a, se Laodicée a tɔ.»

Lookilera’n 2:1

Doo ke m’an’n nga, ede’m ede nè: «I ndang magtub ade doo ke danrán ke njèkan dè njékebe nange le Nube ke kem̂ ɓee-bò ke Ephèse. E ke njè kuwe kɔnyonge ke ji sejimute jikonn’t rige’n dadann lampege ke ra se nar-ɔr nga tam ede nè: