Nyanra Njekawkulege 18:18 - Nouveau Testament en Gulay 2004

¹⁸ Paul tel ndi kêm ɓee-bò ke Corinthe ase tà’t. Go’t gugu, è inye njétaakêm-Kristge, è al kêm bato’t tel aw ɓeekon ke Syrie. Priscille se Aquilas géa awi se’n nan’t tɔ. Paul ade dé ndise dè’n nda kêm ɓee ke Cenchrées tede ndu’n ke ndɔ ke è unn.

Nyanra Njekawkulege 18:18 ပူးပေါင်းရင်းမြစ်များ

Matthieu 4:24

Kɔbe nyan ke Jésu ra nga, oso se loo mbit-mbit kêm ɓeekon ke Syrie bere mbak. Dé ree se njératurge ke raturge gai-gai rai kum de ndoo ra Jésu’t. E ɔr ratur dè de’t malang: Njé ke ndilge ke majelé tooi kêm de’t se njé ke kɔnon tɔte de a, njé ke kêl ra de wei tonrin a tɔ.

Marc 6:46

Loo ke è inye de ade d’aw ɓá ɓaa, è ɔte aw kum’n ke dè mbal’t tede kɔje tà se Nube.

Nyanra Njekawkulege 1:15

Ndɔ karé bè, njétaakêm-Kristge kebi nan asi aru se kɔr-joo. Pierre ɔse nang in dɔ dann de’t ede de ede nè:

Nyanra Njekawkulege 15:23

Dé ndang magtub d’ade de ji de’t se tàge ke nè d’ede nè: «Jè njékawkulege se ngatɔgege a, se njétaakêm-Kristge a tɔ, jè ndang magtub nè j’ade sei njétaakêm-Kristge ke sei Juipge lé ke i ndii kêm ɓee-bò ke Antioche, ɓeekon ke Syrie se Cilicie. Jè ner sei.

Nyanra Njekawkulege 15:41

E aw se loo-loo kêm ɓeekonge ke Syrie se Cilicie ule dingem kêm njékebe nange’t le Nube.

Nyanra Njekawkulege 18:2

Kêm ɓee’t nè nga, Paul inge Juip karé bè ri’n nè Aquilas, ɓee koje’n è Pont. Aquilas se neen’n Priscille in-in kêm ɓeekon ke Italie reei ngɔr ɓai, tede Claude unn ndu’n le kade Juipge malang undei loo teei kɔke kêm ɓee-bò ke Rome. Paul aw ra de’t um se de nan’t bɔk.

Nyanra Njekawkulege 18:26

E unn gir kile mber kêm kei kebe nan’t se kêmnda káng. Nè loo ke Aquilas se Priscille ooi tà le’n bè ɓaa, ei uwei nin ke ra de’t ɔri gir tà le Nube se ngang’n bêrêr-bêrêr adi oo maje dum ke kété.

Nyanra Njekawkulege 18:27

Titeke ke Apollos ɔje njáng le kaw kêm ɓeekon ke Achaie nga ɓaa, njétaakêm-Kristge ulei dingem kêmn’t le kade aw. Gir’n ke nè á ei ndangi magtub adi njétaakêm-Kristge ke Achaie le kade uwei Apollos ke ra de’t. Loo ke è tee nú ɓá ɓaa, Nube uwe se’n noje ade tel è kage-gete njétaakêm-Kristge.

Nyanra Njekawkulege 21:23

I ra nyan ke j’à j’edi nè. Dingemge sɔ ke unni ndu de adi Nube le ndisei dè de lé ndii dann jéi’t laa.

Nyanra Njekawkulege 21:24

Aw se de ade d’ɔr sei gonm. Uge dè de ade dé ndise dè de kɔke. Titeke bè á dooge malang à geri titeke sertà ke ɓar tchoo ɔje dèi nga, è tà lanm karè. Nè i kuwe géa, an dè gute-ndu Moise sêw-sêw tɔ.

Nyanra Njekawkulege 21:3

Nè loo ke j’an dè goré loo ke Chypre non jé’t dil ɓaa, j’inye’n dè jigel jé’t, j’aw kum jé ke ɓeekon ke Syrie j’aw jè rise nang kêm ɓee-bò ke Tyr. Jè nda nang loo’t nè j’ade d’ɔr nyange ke kêm bato’t nang.

Nje Ke Rome 16:1

Man m’tɔje sei kon nann jéi Phoebé. E ndi ra kule dann njékebe nange’t le Nube ke ndii kêm ɓee-bò ke Cenchrées.

1 Nje Ke Corinthe 9:20

Loo ke man m’ee se Juipge ɓaa, m’ra ra’m ke Juip bè tɔ tede le kinge’n Juipge kade Krist. M’ndi gir gute-ndu’t lé. Nè loo ke m’ndi dann njé ke ilei koje dè gute-ndu Moise’t ɓaa, m’ra ra’m m’ase nan se doo ke ndi gir gute-ndu’t le Nube ke Moise ndang. M’ra titeke bè tede le kinge’n njé ke ndii gir gute-ndu’t kade Krist.

Nje Ke Galatie 1:21

Go’t gugu, m’in m’aw kem̂ ɓeege’t le ɓeekon ke Syrie se ɓeekon ke Cilicie.