Nyanra Njekawkulege 18:15 - Nouveau Testament en Gulay 2004

¹⁵ Nè ke nè á è tà ke nange ke ɔje dè naje nan tàge karè éké ɔje dè rige éké ɔje dè gute-ndu le si ɓaa, sei kuwe an-in tà le si. Man m’ndige le k’ee njègangtà de tàge ke titeke bè nga lé.

Nyanra Njekawkulege 18:15 ပူးပေါင်းရင်းမြစ်များ

Matthieu 27:24

Loo ke Pilate an titeke nyan ke soo’t goto nè doobulege rai nyan wuu ke kété-kété ɓaa, è unn mann togo’n ji’n tàkum dooge’t malang ede nè: – Man ɓaa, tà le mese njè ra nyan se dè naje’n nè nga uwe dè’m man lé. E tà le si sei kuwe.

Matthieu 27:4

E ede de ede nè: – M’ra majelé tede m’ule è ke tà uwe dè’n lé ji si’t. Nè njékɔr non Juipge edi Judas edi nè: – Usu jè nyan karé lé ta. E tà kingei i kuwe.

Jean 18:31

Pilate ede de ede nè: – Sei kuwe i taai nin, i gangi tà dènn’t se go gute-ndu le si. Juipge teli ilei Pilate dè’t edi nè: – Gute-ndu le jè inye loo ade jè le tɔl doo lé.

Nyanra Njekawkulege 18:13

– Doo nè nga sule dooge ade ilei koje dè Nube’t se go rebe ke tò gai se le gute-ndu.

Nyanra Njekawkulege 23:29

Man m’an titeke Juipge ilei tà dènn’t ɔje dè gute-ndu le de ei kuwe. Nè man ɓaa, m’an majelé karé bè ke ra ke kum tɔl’n éké kuwe’n dangai lé.

Nyanra Njekawkulege 25:11

Ke nè á m’ra majelé ke asekum kade m’wei’n ɓaa, m’a m’naje’n kade yo lé. Nè ke nè á tàge malang ke d’ile dèm’t nga, è se dè naje’n lé ɓaa, doo karé bè géa asekum kuwe’m kule’m ji de’t lé. Man m’ndige le kade César tá gangtà le’m, ɓeekon ke Rome nú.

Nyanra Njekawkulege 25:19

Dé naje se Paul tàge ke nange ke ɔje dè rebe manm Nube le de dé Juipge a, se tà ke ɔje dè doo karé bè ke ri’n nè Jésu. Doo nè nga dé Juipge d’ede nè wei se non’n, nè Paul uwe tà’n mong ede nè Jésu nga ndi kumgajer se non.

Nyanra Njekawkulege 26:3

I ger nyan girkà se tà najege le Juipge nga maje dum doo ke rang. Gir’n ke nè á m’deji le kade ile kêmi pon oo’n tà le’m.

1 Timothee 1:4

M’adi i ndi kem̂ ɓee-bò ke Ephèse le kade in se doo ke nange dè liger dè sú tàge’t se dè kɔrgir kàge ke kété-kété anje kunde ngang’n. Kɔrgir kàge ke titeke bè nga oje tà najege m ade nyan ke Nube ɔje le kade doo inge se go kundekem̂ tee kɔde lé.

1 Timothee 6:4

è doo ke ti ra libe kum’n m è ger nyan karé lé. E doo ke ngur naje tà se kɔl nan ra’n pênn-pênn. Naje tàge ke titeke bè nga oje kɔl nan se kem̂kein se taje ndu se girtà ke majelé dè nan’t

2 Timothee 2:23

Tà naje neng-neng ke raikarè nga, ute de mbeng kɔke. I ger mbak titeke tà najege nè nga à oji rɔ nan.

Tite 3:9

Nè tà najege ke raikarè se tute girkàge se tà tin nan, se tà najege ke ɔje dè gute-ndu nga, maje kade ute de mbeng. Tede ei nyange ke rai karè ke asikum rai se doo lé.