Nyanra Njekawkulege 18:12 - Nouveau Testament en Gulay 2004

¹² Loo ke Gallion ee’n njèkonɓee ke ɓeekon ke Achaie nga, Juipge umi tà le de nan’t karé in-in uwei Paul awi se’n loo gangtà’t edi nè:

Nyanra Njekawkulege 18:12 ပူးပေါင်းရင်းမြစ်များ

Matthieu 27:19

Loo ke Pilate ndi nang dè ɗinger loo gangtà’t ɓaa, neen’n ule doo karé rann’t ede nè: – Ile tài tu tà’t le njè ra nyan se dè naje’n nè nga lé. Ndɔɔ laa m’nin se’n tò ɓel ngain.

Jean 19:13

Loo ke Pilate oo tàge nè bè ɓaa, è ade dé tee se Jésu d’aw se’n nata. Pilate al aw ndi dè ɗinger loo gangtà ke d’ube se her. Loo nè nga ri’n ke se tà hébreu è «Gabbatha.»

Nyanra Njekawkulege 13:12

Loo ke Sergius njèkonɓee an nyan ke tee dè Elimas’t nè nga bè ɓaa, è unde kêm’n dè Jésu’t tede ɓel ra’n ngain dè tɔgmong’t le nyan-ndó ke ɔje dè Kuwe-ɓee.

Nyanra Njekawkulege 13:50

Dinyege ke njé ɗɔi Nubege ke ei njényan-kingege ndii kêm ɓee-bò’t nè tɔ. Juipge sulei de se dooge ke kum de unju ke kêm ɓee-bò’t nè nga adi unni gir rai kum Paul se Barnabas ndoo. Dé rɔ Paul se Barnabas kêm ɓeekon’t le de kɔke.

Nyanra Njekawkulege 13:7

E ndi gir Sergius Paulus njèkonɓee dè goré loo’t nè nga. Njèkonɓee nè nga è doo ke njèkumkunju. Ngur koo tà le Nube ra’n ngain. Gir’n ke nè á ule’n kule ɓar’n Barnabas se Saul.

Nyanra Njekawkulege 13:8

Bar-Jésu ke njè mbeli nga ri’n karé ke rang ke se tà Grec è Elimas. E ute Barnabas se Saul mbeng tede è sang rebe le kɔge njèkonɓee kunde kêm’n dè Jésu’t.

Nyanra Njekawkulege 14:19

Nè mbɔr go’t gugu ɓaa, Juipge in-in kêm ɓee ke Antioche ɓeekon ke Pisidie, se kêm ɓee ke Icone reei umi tà kêm doobulege’t ade in-in tilei Paul se kuberi her mbàs-mbàs. Dé ndɔr’n d’aw se’n d’ile’n gide ɓee-bò’t nata. Dé gir kêm de’t d’ede nè è wei ɓá.

Nyanra Njekawkulege 14:2

Nè Juipge ke nange ke njé kunn mbi de dè tà’t le Jésu sulei njé ke ei Juipge lé dè Paul se Barnabas.

Nyanra Njekawkulege 17:13

Nè loo ke Juipge ke Thessalonique ooi tite ke Paul ile mber tà le Nube kêm ɓee ke Bérée tɔ ɓaa, ei reei sulei dooge. Juipge rai titeke bè adi kos dookêmɓeege awi dè nan’t kutri taɓai.

Nyanra Njekawkulege 17:5

Nè jang ra Juipge ade ɔri dooge ke njékile dɔ se njékêmyêr ke nange umi de go de’t ade sulei dooge. Ei rai titeke bè adi tà oso’n ade dookêmɓeege awi dè nan’t kutri. Go’t gugu, ei in-in awi kêm kei le Jason sangi Paul se Silas tede le kaw se de non kosdooge’t nata.

Nyanra Njekawkulege 18:11

Paul ndi se de kêm ɓee-bò ke Corinthe ɓal karé se nan mute-mute ndó dooge malang tà le Nube.

Nyanra Njekawkulege 18:27

Titeke ke Apollos ɔje njáng le kaw kêm ɓeekon ke Achaie nga ɓaa, njétaakêm-Kristge ulei dingem kêmn’t le kade aw. Gir’n ke nè á ei ndangi magtub adi njétaakêm-Kristge ke Achaie le kade uwei Apollos ke ra de’t. Loo ke è tee nú ɓá ɓaa, Nube uwe se’n noje ade tel è kage-gete njétaakêm-Kristge.

Nyanra Njekawkulege 19:21

Loo ke gir nyange nè gang ɓá ɓaa, Paul ɔje kêmn’t le kunde kêm ɓeekon ke Macédoine se Achaie se nja’n dɔ gang tede le kaw kêm ɓee-bò ke Jérusalem. E tam ede nè: – Loo ke m’a m’tee nú ɓaa, gar-gar m’a m’aw kan ɓee-bò ke Rome se kum’m.

Nyanra Njekawkulege 25:10

Nè Paul ilé dè’t ede nè: – Ḿ-m̀, dé ree se’m loo gangtà’t le ngar César. E è á à gangtà dèm’t. Man m’ra majelé karé bè se Juipge lé. I kuwe géa i ger maje.

Nje Ke Rome 15:26

Njétaakêm-Kristge ke kêm ɓeekonge ke Macédoine se Achaie in-in se kêm de rai nyan-noje le ra’n se njétaakêm-Kristge ke Jérusalem ke ndoo oso dè de’t.

Nje Ke Rome 16:5

I rai lapya njétaakêm-Kristge ke kebi nan kêm kei le de adi man tɔ. I rai lapya kotár le’m Epainète adi man. E kuwe è doo ke desêin kêm ɓeekon ke Asie ke unde kêm’n dè Krist’t nga.

1 Nje Ke Corinthe 16:15

Ngakonmge, sei geri tite Stéphanas se njékêmkei le’n, ei kuwe ei njétaakêm-Kristge ke desêin kêm ɓeekon ke Achaie bere mbak. Taɓai, sei geri mbak titeke ulei ra de bàj dann kule ke ɔje dè ra se njétaakêm-Kristge.

2 Nje Ke Corinthe 1:1

Man Paul, njèkawkule le Jésu-Krist se go kêmndige le Nube. Jè se ngokon si Timothée, jè ndang magtub nè j’ade njékebe nange le Nube ke ndii kêm ɓee-bò ke Corinthe. Magtub nè nga jè ndang j’ade njé ke tooi se ninn de malang ke ndii kêm ɓeekon ke Achaie bere mbak a tɔ.

2 Nje Ke Corinthe 11:10

M’tel m’ede sei ndàt titeke doo karé bè ke kêm ɓeekon ke Achaie ase kɔge’m dè pite ram’t nga ndan lé. Krist ger mbak titeke m’tam ngarankum tà m m’lanm lé.

2 Nje Ke Corinthe 11:26

Dɔ-dɔ m’aw mba se nja’m, ba ayé kuwe’m a, njéɓog-ge umi man rebe le tɔli man, girkojege le’m sangi tɔli man, Juipge se njé ke ei Juipge lé sangi le tɔli man a tɔ. Dooge ke ndii kêm ɓee-bòge’t se njé ke ndii kêm dile’t géa sangi tɔli man a, ba-bò kate ayé kuwe’m a tɔ. Dooge ke rai ra de ke ngakonmge ke njétaakêm-Kristge sangi tɔli man a tɔ.

2 Nje Ke Corinthe 9:2

Oiyo, m’ger rakɔlé le si kuwe. Gir’n ke nè á dè’m in’n tchakm non dooge ke kêm ɓeekon ke Macédoine ade m’ede’n de m’ede nè: «Njé ke kêm ɓeekon ke Achaie uwei dè nja nyan-nojege le de mari kál laa bere.» Njé ke nange bule dann de’t ndaji kum si dè rakɔlé’t le si nè nga tɔ.

1 Nje Ke Thessalonique 2:14

Ngakon jége, ndɔ ke nyankem̂kon ra njékebe nange le Nube ke ndii kem̂ ɓeekon ke Judée ke umi nan’t bɔk se Jésu-Krist. Nyankem̂kon ke dooge ke ɓee le si rai se si nè nga, è gar è ke ndɔ ke Juipge rai se se de dé njékebe nange le Nube ke ndii kem̂ ɓeekon ke Judée nga tɔ.

1 Nje Ke Thessalonique 2:16

D’ɔge jè loo kile mber le kade dooge ke ei Juipge lé ingei kaje. Dé ra titeke bè d’ile’n kaiyage le de dè made’t se ndɔge malang. Nè loo tɔl tà’n ɓaa, wong le Nube oso dè de’t ɓai.

Jacques 2:6

Nè sei ɓaa, ilei rasɔl dè njèndoo’t. Ké nange á ei njékon sei njanm-njanmge a, njé kali sei kawi se si loo gangtà’t nga wa? Ké è dé bawge nè nga lé ɓai wa?