Nyanra Njekawkulege 17:5 - Nouveau Testament en Gulay 2004

⁵ Nè jang ra Juipge ade ɔri dooge ke njékile dɔ se njékêmyêr ke nange umi de go de’t ade sulei dooge. Ei rai titeke bè adi tà oso’n ade dookêmɓeege awi dè nan’t kutri. Go’t gugu, ei in-in awi kêm kei le Jason sangi Paul se Silas tede le kaw se de non kosdooge’t nata.

Nyanra Njekawkulege 17:5 ပူးပေါင်းရင်းမြစ်များ

Matthieu 27:18

Pilate ger kété titeke d’uwe Jésu d’ule’n jinn’t se go kêmkein karè.

Nyanra Njekawkulege 13:45

Njé ke reei le kooi tà bulei ngain. Loo ke Juipge an-in kosdoo-bulege nè nga bè ɓaa, jang unn gir ra de. Gir’n ke nè á, d’ute’n tàge le Paul mbeng-mbeng a, dé taje’n a tɔ.

Nyanra Njekawkulege 14:19

Nè mbɔr go’t gugu ɓaa, Juipge in-in kêm ɓee ke Antioche ɓeekon ke Pisidie, se kêm ɓee ke Icone reei umi tà kêm doobulege’t ade in-in tilei Paul se kuberi her mbàs-mbàs. Dé ndɔr’n d’aw se’n d’ile’n gide ɓee-bò’t nata. Dé gir kêm de’t d’ede nè è wei ɓá.

Nyanra Njekawkulege 14:2

Nè Juipge ke nange ke njé kunn mbi de dè tà’t le Jésu sulei njé ke ei Juipge lé dè Paul se Barnabas.

Nyanra Njekawkulege 17:13

Nè loo ke Juipge ke Thessalonique ooi tite ke Paul ile mber tà le Nube kêm ɓee ke Bérée tɔ ɓaa, ei reei sulei dooge. Juipge rai titeke bè adi kos dookêmɓeege awi dè nan’t kutri taɓai.

Nyanra Njekawkulege 17:6

Loo ke d’inge de lé ɓaa, d’uwe Jason se njétaakêm-Kristge ke nange. Dé ndɔr de ngander-ngander d’aw se de non njégangtàge ke kêm ɓee-bò’t nè nga. Taɓai dé tam tà se ndu de ke bòi beng d’ede nè: – Dooge ke njé bungul loo dè nang nè bere mbak nga, ɗarinè teei laa tɔ ta.

Nyanra Njekawkulege 17:7

Dooge nè malang ei njé kute ndukunnge le César, ngar ke bò nga mbeng. Taɓai dooge nè nga tami edi nè ngar karé ke rang ke ri’n nè Jésu ndi tutu non ɓai. Nè Jason uwe de ke rann’t.

Nyanra Njekawkulege 17:9

Nè njégangtàge adi Jason se njétaakêm-Kristge ugei nar ase tà’t ɓita inyei de dɔ ɓai.

Nyanra Njekawkulege 18:12

Loo ke Gallion ee’n njèkonɓee ke ɓeekon ke Achaie nga, Juipge umi tà le de nan’t karé in-in uwei Paul awi se’n loo gangtà’t edi nè:

Nyanra Njekawkulege 19:40

Ke nè á d’ile tà ke ɔje dè sule dooge dè njékonɓeege’t dè jéi’t, ɔje dè gir kebe nan le jéi ke ɓila nè ɓaa, j’asikum kingei tà karé bè le tam kedi de lé.

Nyanra Njekawkulege 7:9

Kà jéige ke dɔg-gidé-joo nè nga rai kêmkein dè Joseph’t uwei nin igii ade d’aw se’n kêm ɓeekon ke Egypte. Nè Nube è der gir’n.

Nje Ke Rome 16:21

Timothée, njèmade kule le’m ra sei lapya. Lucius se Jason se Sosipater ke ei njénojege le’m, rai sei lapya tɔ.

1 Nje Ke Corinthe 3:3

tede sei dooge ke karè m nyan le Ndil goto kêm si’t. Ke nè á ra jang se kɔl nan tooi dann si’t ɓaa, ké sei dooge ke kundekêm le si goto ade majelé on ɓee dè si’t lé ɓai wa? Ké nyanra si se tà tam si è nyanra dooge ke nang nè karè lé ɓai wa?

2 Nje Ke Corinthe 11:26

Dɔ-dɔ m’aw mba se nja’m, ba ayé kuwe’m a, njéɓog-ge umi man rebe le tɔli man, girkojege le’m sangi tɔli man, Juipge se njé ke ei Juipge lé sangi le tɔli man a tɔ. Dooge ke ndii kêm ɓee-bòge’t se njé ke ndii kêm dile’t géa sangi tɔli man a, ba-bò kate ayé kuwe’m a tɔ. Dooge ke rai ra de ke ngakonmge ke njétaakêm-Kristge sangi tɔli man a tɔ.

Nje Ke Galatie 5:21

Ra ngur nyan pênn-pênn, ra ɓer le yibe, kunn gon nyankuse se nyange ke nange ke taai nan se de bè. Man m’ede sei ndàt kété titeke ndɔ ke m’ede’n sei nga: Dooge ke inyei ra de nyein dann nyange ke nè nga, loo le de goto kem̂ Konɓee’t le Nube sár se non.

Nje Ke Galatie 5:26

Ade jè rai ngur riɓar ke raikarè lé a, ade jè tɔsi nan tà lé a, ade jè rai kem̂kein dè nan’t lé a tɔ.

1 Nje Ke Thessalonique 1:6

Sei i ndaji nyanra jé jè se nyanra Kuwe-ɓee. Sei taai Tà ke Maje se ranel le Ndil-Kem̂nda dann nyantosowurge gai-gai ke ndɔ ke ra sei.

Jacques 4:5

Tà ke dé ndang kem̂ Magtub’t d’ede nè: «Kebe ke Nube ade urkei kem̂ jéi’t nga, ngur konɓee dènn’t ra Nube pênn-pênn. Ké sei giri titeke Magtub tam tà nè nga kenon-non karè wa?