Nyanra Njekawkulege 17:32 - Nouveau Testament en Gulay 2004

³² Nè loo ke baw nyangerge ooi tà ke ɔje dè kunde loo tee dann njé ke koo’t ɓaa, njé ke karége tulei mbe dè Paul’t. Njé ke rang ke nange tami edi nè: – Ndɔ ke rang ɓita j’à tel koo tà lei ke ɔje dè tà nè ɓai.

Nyanra Njekawkulege 17:32 ပူးပေါင်းရင်းမြစ်များ

Tà ke Maje ke Luc ndang 14:18

Nè dooge nè nga nanan géa dann de’t unn gir ra gos. Njè ke desêin tam ede nè: «Aw ede kuwei ade ade kêm’n sɔl lom dèm’t tede m’ndogo loo ndɔr, m’a m’aw le kan.»

Tà ke Maje ke Luc ndang 22:63

Dooge ke uwei Jésu ngonmii nga telii ke kurkogo le de a, tundeii a tɔ.

Tà ke Maje ke Luc ndang 23:11

Hérode se kos njérɔge le’n t’ulei mbe dè Jésu’t a, ilei rasɔl dènn’t a tɔ. Taɓai Hérode ade d’ule kubu ke ndolé kein-kein rann’t ɓaa tel ule se’n gugu ade’n Pilate.

Tà ke Maje ke Luc ndang 23:36

Njérɔge géa teli Jésu ke kurkogo le de tɔ. Ei reei ngɔr ke rann’t undei mann-nduu ke mase tànn’t.

Nyanra Njekawkulege 13:41

«An-in! sei njé nede Nubege! Adi ndil si tee an-in soin soin ɓita weii ɓai. Loo ke i ndii se dè si dɔ ɓai nè kuwe, m’a m’ra nyan karé ke dum kum. Ke nè á doo ɔr ser’n ade sei géa, sei a umi kêm si dè’t lé.» Adi nyan nè tee dè si’t lé gar-gar.

Nyanra Njekawkulege 17:18

Baw nyangerge ke nange ke ei njé ndó nyange le Epicure se Zénon ɔji tà se Paul. Njé ke karége tami edi nè: – Ké tà ri á hel kêm-ngarr nè ndige tam wa? Njé ke rang tami edi nè: – J’an titeke doo nè nga è njè kile mber le Nube ke mbage. Dé tam bè tede Paul ile mber Tà ke maje le Jésu a, se tà kunde loo tee le’n dann njé ke koo’t a tɔ.

Nyanra Njekawkulege 17:31

E ɔje ndɔ karé ke le gang’n tà se dè naje’n dè dooge malang ke ndii dè nang nè. Nube ɔr doo karé unde’n ke njègangtà ɓá. Doo nè nga, Nube ade unde loo tee dann njé ke koo’t tede kade dooge malang undei kêm de dènn’t.

Nyanra Njekawkulege 17:33

Titeke bè á Paul unde loo tee dann de’t aw.

Nyanra Njekawkulege 2:13

Nè njé ke nange ke rang tulei mbe dè njétaakêm-Kristge edi nè: – Kɔr yibe nduu rusu kêm de njin-njin.

Nyanra Njekawkulege 24:25

Paul unn gir tam tà ede nè: – Nube ndige kade dooge rai nyan se dè naje’n a, kade undei kumkunju dè ra de’t a tɔ, ɔji dè tà ke Nube à gang dè de’t ndɔ ke rang. Ɓel unde Félix ndàt gang’n ade tel ede Paul ede nè: – Ɔte aw ɗarinè ɓanm. Ndɔ ke m’inge kurloo ndêin ɓaa, m’a m’tel ɓari gugu rang ɓai.

Nyanra Njekawkulege 25:19

Dé naje se Paul tàge ke nange ke ɔje dè rebe manm Nube le de dé Juipge a, se tà ke ɔje dè doo karé bè ke ri’n nè Jésu. Doo nè nga dé Juipge d’ede nè wei se non’n, nè Paul uwe tà’n mong ede nè Jésu nga ndi kumgajer se non.

Nyanra Njekawkulege 26:8

Kunde ke Nube à ade dooge à undei loo teei dann njé ke koo’t nga, ké è tede ri á sei Juipge umi kêm si dè’t lé sár wa?

1 Nje Ke Corinthe 1:23

Nè jè ɓaa, j’ile mber tà le Krist ke dé ɓer’n kade kage-ke-dese’t. Krist ke dé ɓer’n kàde kage-ke-dese’t nga è jig ke tuge nja Juipge ile de a, è nyan mbe tàkum njé ke ei Juipge lé a tɔ.

1 Nje Ke Corinthe 15:12

J’ile mber j’ede nè: Krist unde loo tee dann njé ke koo’t ɓá. A ɓaa, ké bain á njé ke nange dann si’t tami edi nè: «Dooge à undei loo teei dann njé ke koo’t ndan lé» wa?

1 Nje Ke Corinthe 4:10

Jè tel mbe tede le Krist, nè sei ɓaa i teli njékumkunjuge tede kum ke umi nan’t bɔk se Krist. Jè tel jè njéyaige, nè sei ɓaa i teli njétɔgege. D’ile riɓar dè si’t, nè jè ɓaa dooge nedi jè.

2 Nje Ke Corinthe 6:2

Kerɔte kuwe, Nube tam ede nè: «Ndɔ karé ke kanm m’tel m’ilei dè ndu non’t lei a, m’din-in dè ndɔ kaje’t lei a tɔ.» An! ɓila è ndɔ ke kanm, an! ɗarinè è ndɔ kaje.

Hebreuge 11:36

Nè njé ke nange ke rang ɓaa, ndɔ ke d’ule mbe dè de’t a, dé tunde de se ndêin a tɔ. Ndɔ ke dé tɔ njé ke nange se sul a, dum de dangai’t a tɔ.

Hebreuge 13:13

Bè ɓaa, ade jè taai nyan rasɔl le’n j’otoi dè jéi’t j’awi jè tilei non’n gide loo ndi’t nata heb.