Nyanra Njekawkulege 17:30 - Nouveau Testament en Gulay 2004

³⁰ Nyanra dooge kêm ndɔge ke kété mari ke geri Nube lé ɓai nga, Nube unn kum’n mbeng dè’t kɔke. Nè ɗarinè è unn ndu’n ade dooge malang se loo malang kade turi hal de.

Nyanra Njekawkulege 17:30 ပူးပေါင်းရင်းမြစ်များ

Matthieu 20:7

Dé tel d’ede’n d’ede nè: «Doo karé bè ke njè kɔi jè kule’t goto.» Kuwe-kei nè nga ede de ede nè: «Sei géa, ɔti awi kêm ndɔr nduu’t le’m tɔ.»

Matthieu 3:2

– I turi hal si tede Konɓee ke danran nain ngɔr ta.

Matthieu 4:17

Unn gir kêm ndɔn’t nè, Jésu ile mber ede nè: – I turi hal si tede konɓee ke danrán nain ngɔr ta.

Marc 1:15

– Ndɔ ke Nube ɔje nga ase deĵ ɗarinè ta, Konɓee le Nube nain ngɔr. I turi hal si, undei kêm si dè Tà ke Maje’t a tɔ.

Marc 6:12

Njékuwe-gir-Jésuge ke dɔg-gidé-joo ɔti awi ilei mber edi nè: – I turi hal si le kade i ndii kumgajer se non.

Tà ke Maje ke Luc ndang 13:5

Ḿ-m̀, è bè lé. Nè sei géa, ke nè á sei turi hal si lé ɓaa, a i tuji malang titeke bè tɔ.

Tà ke Maje ke Luc ndang 15:10

Titeke bè á man m’ede sei ndàt, Nube se ngann njéndige le’n ke danrán ali ra de ngain tede tà le njèkaiya karé ke inye go kaiya le’n tel tur hal’n.

Tà ke Maje ke Luc ndang 24:47

Tà ke ɔje dè tur hal se tà ke ɔje dè kêm tin mbit dè kaiyage’t nga, gar-gar d’a d’ile’n mber se ri’m kade girkoje dooge gai-gai. Tà nè nga d’a d’unn gir kile’n mber kêm ɓee ke Jérusalem kété ɓita d’a kaw’n ke nata ɓai.

Nyanra Njekawkulege 11:18

Loo ke Juipge ke njétaakêm-Kristge ooi tàge nè nga bè ɓaa, ebi’t kɔl se Pierre ta. Nè ei ulei ndubra dè Nube’t edi nè: – Nube ade dooge ke ei Juipge lé géa turi hal de le ndii kumgajer tɔ ta.

Nyanra Njekawkulege 14:16

Kêm loge ke kété mari Nube inye dooge ke ei Juipge lé adi rai nyange ke kêm de ndige.

Nyanra Njekawkulege 17:23

Kerɔte kuwe, loo ke m’a m’dere kêm ɓee-bò’t le si nga, m’ter nyange ke sei i ɗɔyi de nga ɓaa, m’tee dè ɗinger loo nyankuje-mese karé ke dé ndang nyan dè’t d’ede nè: «Nube ke doo ger’n lé.» E Nube ke sei i ɗɔyi nin nal ger’n nè nga kuwe á m’ree le kede sei tà le’n ɗarinè.

Nyanra Njekawkulege 20:21

M’ile mber m’ade Juipge se njé ke ei Juipge lé le kade ɔsi wan teli ke ra Nube’t a, undei kêm de dè Kuwe-ɓee’t le jéi Jésu nga a tɔ.

Nyanra Njekawkulege 3:19

I turi hal si ɔsi wan i teli ke ra Nube’t le kade bɔr kaiyage le si kɔke.

Nje Ke Rome 1:28

Ngarakum ger Nube nga, dé ndige kum kêm de dè’t lé. Gir’n ke nè á Nube inye’n de dann tàgir’t ke se go rebe’n lé ade dé ra’n nyange ke kum ra lé.

Nje Ke Rome 2:4

Ké bò kêm-maje se kêmkile se korè ke Nube orè tà’n njak ndi nginei nga, ké i an ke nyan lé wa? Bò kêm-maje le Nube ke ɔsi balang-balang le kade i tur hali nga, ké i ger lé wa?

Nje Ke Rome 3:23

Dooge malang rai majelé. Gir’n ke nè á nali kingei riɓar ke Nube ɔje le kile dè de’t nga.

Nje Ke Rome 3:25

Jésu-Krist nga, Nube ɔr’n unde’n ke nyan kɔr kaiya. Jésu-Krist wei ade mese’n an-in nang tede majelé le dooge. Njé ke undei kêm de dènn’t nga, Nube ade kêm’n tin mbit dè majelége’t le de. Nube tɔje titeke è njè ra nyan se dè naje’n. Kété mari Nube ile kêm’n pon dè majelége’t le dooge ade kure’n ɔde kum de lé.

2 Nje Ke Corinthe 7:10

Kumndoo ke se go kêmndige le Nube nga à ade doo à tur’n hal’n kinge’n kaje m à tel ndinge ra’n gugu lé. Nè kumndoo ke in ra dooge ke dè nang nè nga oje yo.

1 Pierre 4:3

Kété mari sei ndigi rai nyange ke uwei kem̂ dooge ke geri Nube lé tá ngain. Nè adi ase bè ɗarinè ta. Tede kété mari sei rai nyange ke pás-pàs. Sei njé ra ɓer le ngur nyange gai-gai a tɔ. Kété nga, sei njé ra ɓer le yibege a, sei doo nyankusege a, sei gon kain yibege a, se njé kule ra de mbiriri dann polé mage ke tò yêr tàkum Nube’t.