Nyanra Njekawkulege 17:28 - Nouveau Testament en Gulay 2004

²⁸ Kerɔte kuwe, «takul’n è á jè ndii’n kumgajer, jè yei’n ra jéi a, jè ndii’n tutu ɓai a tɔ.» Njé nder gir kumkunjuge le si ke nange tami kété edi nè: «Jè géa jè girkà le’n kuwe tɔ.»

Nyanra Njekawkulege 17:28 ပူးပေါင်းရင်းမြစ်များ

Tà ke Maje ke Luc ndang 20:38

Nube nga è Nube le njé ke weii lé, nè è Nube le njé ke ndii kumgajer tede Abraham se Isaac se Jacob, ei mbak ei dooge ke ndii kumgajer tàkum Nube’t.

Tà ke Maje ke Luc ndang 3:38

ngonnkà Enos, ngonnkà Seth, ngonnkà Adam, Adam è ngonn le Nube.

Jean 11:25

Jésu tel ede Marthe ede nè: – Man nga m’ee njèkade dooge undei loo teei dann njé ke koo’t. Man nga, m’ee njèkade dooge ndii kumgajer a tɔ. Nanan ke unde kêm’n dèm’t, ke nè á wei géa à tel ndi kumgajer ɓai.

Jean 5:26

Titeke Bɔ Ngonn è ngire ndikumgajer nga, Ngonn’n géa è ngire ndikumgajer tite Bɔ’n bè tɔ.

Nje Ke Colosses 1:17

Krist nga ndi tutu kété ke desêin ɓita nyankundege malang tooi tutu ɓai. E ngire ndikumgajer le nyan nyankundege malang.

Tite 1:12

Njèribe-dè-tà le de karé ke kinge de kuwe tam ede nè: «Dooge ke ndii kem̂ ɓee ke Crète nga, ei njé lanmge se ndɔge malang. Ei tooi asinan se dan-tonge ke majelé a, ei doo nyankusege ke njé dabege a tɔ.»

Hebreuge 1:3

Ngonn nè nga, è njè kade ndubra le Bɔ’n Nube kile ra’n ke nata a, è kum gute tà Bɔ’n kuwe tcha-tcha a tɔ. Ngonn nè nga gete nyankundege malang se go tà ke tee tànn’t. Loo ke Ngonn nè nga ɔr se-kaiyage tɔl kon’n ɓá ɓaa, è aw ndi dɔ nú dè jikon Nube ke njè dum dè nyange malang.

Hebreuge 12:9

Bɔ jéige ke d’oje jèi nga, loo ke d’ɔje jèi kumkunju tede kade jè ndii maje ɓaa, j’ulei dè jéi j’adi de. Bɔ jéi Nube ke njè kade jèi ndikumgajer nga, ké j’à kulei dè jéi kadi nin dum bɔ jéige ke oji danra jéi nga ɓai lé wa?

Hebreuge 2:11

Jésu togo se-kaiyage le dooge ɔr de unde de se ninn de gai. E a, dooge ke è unde de se ninn de gai a tɔ nga, ei girkà karé. Gir’n ke nè á ra Jésu sɔl’n dè ɓar dooge ngakonnge lé.