Nyanra Njekawkulege 17:21 - Nouveau Testament en Gulay 2004

²¹ Dooge ke kêm ɓee-bò ke Athènes se mbage malang ke ndii dann de’t nga, kule ra de ke rang goto. Nè kɔr ser nyange a, kur mbi tchên koo’n ser nyange ke teei a tɔ á è kule ra de se ndɔge malang.

Nyanra Njekawkulege 17:21 ပူးပေါင်းရင်းမြစ်များ

Nyanra Njekawkulege 17:15

Njé ke danni Paul nga awi se’n sár kêm ɓee-bò ke Athènes ɓita ɔsi teli ɓai. Paul unn ndu’n ade de kade d’aw d’ede Silas se Timothée kade reei kalang ingei nin kêm ɓee-bò ke Athènes.

Nyanra Njekawkulege 17:16

Loo ke Paul ndi à ngine Silas se Timothée kêm ɓee-bò ke Athènes nga ɓaa, è an magege taai kêm ɓee-bò nè nga pel-pel. Gir’n ke nè á wong ra’n ade kêm’n aw biriri-biriri.

Nyanra Njekawkulege 17:20

Nyange ke i tee se tà’n ade j’oo nè nga, è tà ke gai ke ra jè ɓel. Jè ndige le ger gir tà nè nga njai ɗarinè.

Nyanra Njekawkulege 2:10

se ɓeekon ke Phrygie se Pamphylie se Egypte se njé ke in-in kêl ɓeekon ke Libye kɔte Cyrène se njé ke ei mbage ke in-in Rome reei ndii nè a tɔ.

Nje Ke Ephese 5:16

I pabrai loo ke Nube inye ade sei nga par-par tede ndɔge ke jè ndii tutu ɗarinè nga, ei ndɔge ke majelé.

Nje Ke Colosses 4:5

I njiyei se kumkunju’n ra njé ke nata’t a, i pabri kurloo ke Nube ade sei nga parr-parr a tɔ.

1 Timothee 5:13

Dé njékei-kingege ke titeke bè nga kule ra de ke get goto, nè d’ase loo nák-nák se tà kei, tà kei. E ke nè á se kar lé ɓai, nè dé njé kɔje tà neng-neng-ge a, se njé kal bal kur dann nyange ke ndête de’t lé a tɔ. Tà ke kum tam lé géa, dé tam a tɔ.