Nyanra Njekawkulege 17:20 - Nouveau Testament en Gulay 2004

²⁰ Nyange ke i tee se tà’n ade j’oo nè nga, è tà ke gai ke ra jè ɓel. Jè ndige le ger gir tà nè nga njai ɗarinè.

Nyanra Njekawkulege 17:20 ပူးပေါင်းရင်းမြစ်များ

Marc 9:10

Njékuwe-gir-Jésuge ilei koje dè tà ke è ede de’t nga. Nè né è bè géa, ei deji nan tà dann de’t edi nè: – Kunde loo tee dann njé ke koo’t leyé ke n’tam tà’n nga, ké gir’n è ri wa?

Jean 6:60

Loo ke d’oo tàge le Jésu nè nga bè ɓaa, njékuwe-girnge bule tami edi nè: – Tà nè nga ngang ngain. Ké nan asekum ndi kur mbi’n koo’n ɓai-ɓai wa?

Nyanra Njekawkulege 10:17

Pierre tel ndi giw à girtà dè nyanpinde ke kété an. Ke loon’t nè kuwe, njékulege le Corneille reei teei pan. Ei deji kei le Simon ke njèkɔr gide ndar edi nè: – Ké kei le Simon è ra wa? Ei reei ndai tàbit kei’t nata.

Nyanra Njekawkulege 17:19

D’uwe Paul d’aw se’n dè mbal ke dé ɓar’n «Aéropage», dé deje’n d’ede nè: – Nyan-ndó ke kige ke i tam tà’n nè nga, ké asekum kɔrgir kade j’oo lé wa?

Nyanra Njekawkulege 17:21

Dooge ke kêm ɓee-bò ke Athènes se mbage malang ke ndii dann de’t nga, kule ra de ke rang goto. Nè kɔr ser nyange a, kur mbi tchên koo’n ser nyange ke teei a tɔ á è kule ra de se ndɔge malang.

Nyanra Njekawkulege 2:12

Ndil de tee an-in soin-soin malang ade dé tel ndi tchên. Njé ke nange deji nan tà edi nè: – Ké nyan nè nga gir’n è ri wa?

1 Nje Ke Corinthe 1:18

Kerɔte kuwe, kile mber tà ke ɔje dè kwei le Krist kàde kage-ke-dese’t nga, njé ke ndii à tuji ooi ke tà mbe karè. Nè jèi ke Nube ndi à aji jèi nga ɓaa, j’an-in ke tɔgmong le’n kuwe.

1 Nje Ke Corinthe 1:23

Nè jè ɓaa, j’ile mber tà le Krist ke dé ɓer’n kade kage-ke-dese’t. Krist ke dé ɓer’n kàde kage-ke-dese’t nga è jig ke tuge nja Juipge ile de a, è nyan mbe tàkum njé ke ei Juipge lé a tɔ.

1 Nje Ke Corinthe 2:14

Doo ke karé ke Ndil Nube ndi kêmn’t lé ɓaa asekum taa nyan le Ndil Nube lé. Nyan le Ndil Nube tò asenan se nyan mbe tàkumn’t m è asekum ger gir lé. Oiyo, Ndil le Nube è njè kade doo ter nyange ger gir.

Hebreuge 5:11

J’aw se tàge ngain le kede sei dè eige ke nè ɓai. Nè loo kɔrgir nyange nè nga ɗêi-ɗêi tur se jé tede sei i teli i rai rakate dè koo girtà kɔr sonn’t.

1 Pierre 4:4

Kebe ke sei ebi ra si dè ra nyange ke pás-pàs nan’t se njé ke geri Nube lé nga, ɗarinè an-in ke nyankɔbe. Gir’n ke nè á ei unni gir taji sei mbɔk-mbɔk.