Nyanra Njekawkulege 17:18 - Nouveau Testament en Gulay 2004

¹⁸ Baw nyangerge ke nange ke ei njé ndó nyange le Epicure se Zénon ɔji tà se Paul. Njé ke karége tami edi nè: – Ké tà ri á hel kêm-ngarr nè ndige tam wa? Njé ke rang tami edi nè: – J’an titeke doo nè nga è njè kile mber le Nube ke mbage. Dé tam bè tede Paul ile mber Tà ke maje le Jésu a, se tà kunde loo tee le’n dann njé ke koo’t a tɔ.

Nyanra Njekawkulege 17:18 ပူးပေါင်းရင်းမြစ်များ

Marc 9:14

Jésu se njékuwe-girnge ke mute teli à reei ke ra njékuwe-girnge ke rang. Ei an-in doobulege gugi dè njékuwe-girnge ke rang nè nga wàk. Njékɔrgir gute-nduge ndii à naji se de tà ke kété-kété.

Tà ke Maje ke Luc ndang 11:53

Loo ke Jésu unde loo tee nata kêm kei le Pharisien nè nga ɓaa, Pharisienge ke ei njékɔrgir gute-nduge se gute de ke rang nga, wong ra de dè Jésu’t ngain ade osoi rann’t dejii tàge bule adi tà tée tànn’t pɔt-pɔt.

Nyanra Njekawkulege 26:23

Njéribe-dè-tàge ke tà Nube’t se Moise nga, ndɔ ke tami edi nè: Krist nga, nyankêmkon à ra’n, è doo ke desêin sàk-sàk ke unde loo tee dann njé ke koo’t. Gar-gar à ile mber lookar kade kosdooge le jéi se njé ke rang.

Nyanra Njekawkulege 4:2

Dooge nè nga kêm de on de ngain dè nyan ke Pierre se Jean ndói kosdooge. Pierre se Jean ndói kosdooge edi nè: Jésu nga unde loo tee dann njé ke koo’t ɓá. Takul tɔgmong le’n á dooge à undei loo teei dann njé ke koo’t.

Nyanra Njekawkulege 5:42

Se ndɔ karé-karé malang, njékawkulege ebi ra de dè ndó nyan dooge éké kile mber Tà ke Maje le Jésu-Krist nga lé. Dé ra titeke bè kêm kei le Nube a, se kêm kei-kei a tɔ.

Nyanra Njekawkulege 6:9

Kêm ndɔn’t nè nga, Juipge ke nange ke kêm ɓee-bò ke Cyrène, Alexandrie se njé ke kêm ɓeekon ke Cilicie a, se Asie a tɔ reei kêm kei kebe nan’t . Kei kebe nan nè nga d’ede nè è kei kebe nan le ɓerge ke teli ndii dè de pal. Juipge nè nga malang in-in naji tà se Etienne.

Nje Ke Rome 1:22

Dooge nè nga tami edi nè n’ei njékumkunjuge, nè ei mbege karè.

1 Nje Ke Corinthe 3:18

Maje kade doo karé bè ade kum’n sú’n dè tàge’t nè nga lé. Ke nè á doo karé dann si’t an ra’n ke njèkumkunju ke dè nang nè ɓaa, maje kade tel mbe tá à è njèkumkunju ke get ɓai.

1 Nje Ke Corinthe 4:10

Jè tel mbe tede le Krist, nè sei ɓaa i teli njékumkunjuge tede kum ke umi nan’t bɔk se Krist. Jè tel jè njéyaige, nè sei ɓaa i teli njétɔgege. D’ile riɓar dè si’t, nè jè ɓaa dooge nedi jè.

Nje Ke Colosses 2:8

Undei kumkunju dè ra si’t le kade dé sú kum si se tà ndóge ke lanm a, se tà sú ke raikarè se go nyangirkà le dooge ke dè nang nè nga lé a tɔ. Nyan-ndóge nè nga in-in ra Krist’t lé, nè in-in ra dooge ke dè nang nè.