Nyanra Njekawkulege 17:16 - Nouveau Testament en Gulay 2004

¹⁶ Loo ke Paul ndi à ngine Silas se Timothée kêm ɓee-bò ke Athènes nga ɓaa, è an magege taai kêm ɓee-bò nè nga pel-pel. Gir’n ke nè á wong ra’n ade kêm’n aw biriri-biriri.

Nyanra Njekawkulege 17:16 ပူးပေါင်းရင်းမြစ်များ

Marc 3:5

Jésu an de ɗêrêr-ɗêrêr ɓaa, wur’n ndir’n njàk-njàk tede kêm majelé le de. Go’t gugu è ede dingem ke ji’n wei tonrin nè nga ede nè: – I ndaje jii. Dingem nè nga ndaje ji’n ɓaa, tel tò karé titeke kété.

Jean 2:13

Ndɔ ra nan Paque le Juipge nain ngɔr. Jésu in aw kêm ɓee-bò ke Jérusalem.

Nyanra Njekawkulege 17:15

Njé ke danni Paul nga awi se’n sár kêm ɓee-bò ke Athènes ɓita ɔsi teli ɓai. Paul unn ndu’n ade de kade d’aw d’ede Silas se Timothée kade reei kalang ingei nin kêm ɓee-bò ke Athènes.

Nyanra Njekawkulege 17:21

Dooge ke kêm ɓee-bò ke Athènes se mbage malang ke ndii dann de’t nga, kule ra de ke rang goto. Nè kɔr ser nyange a, kur mbi tchên koo’n ser nyange ke teei a tɔ á è kule ra de se ndɔge malang.

Nyanra Njekawkulege 17:23

Kerɔte kuwe, loo ke m’a m’dere kêm ɓee-bò’t le si nga, m’ter nyange ke sei i ɗɔyi de nga ɓaa, m’tee dè ɗinger loo nyankuje-mese karé ke dé ndang nyan dè’t d’ede nè: «Nube ke doo ger’n lé.» E Nube ke sei i ɗɔyi nin nal ger’n nè nga kuwe á m’ree le kede sei tà le’n ɗarinè.

Nyanra Njekawkulege 18:1

Go’t gugu ɓaa, Paul in kêm ɓee-bò ke Athènes aw kêm ɓee-bò ke Corinthe.

Nyanra Njekawkulege 20:22

An-in! m’ee dangai le Ndil-Kêmnda. Gar-gar m’a m’aw loo ke è ndige kɔr non’m kaw se’m tutu. Gir’n ke nè á ɗarinè m’ndi m’aw’n ke Jérusalem nal ger nyan ke à tee dèm’t tutu.

1 Nje Ke Thessalonique 3:1

Ndi se kar jé kem̂ ɓee-bò ke Athènes è soo’t ngain dum ndi nan’t nal koo ká si.

2 Pierre 2:7

Lot è doo ke njè ra nyan se dè naje’n. Wur’n ndir’n njàk-njàk tede nyanrage ke bann-bann le dooge. Nube ɔr Lot dann de’t aje’n.