Nyanra Njekawkulege 17:12 - Nouveau Testament en Gulay 2004

¹² Dooge ngain dann de’t teli njétaakêm-Kristge. Dinyege ke ei njényan-kingege se konmolége a, se dingemge ase tà’t teli njétaakêm-Kristge tɔ.

Nyanra Njekawkulege 17:12 ပူးပေါင်းရင်းမြစ်များ

Marc 15:43

Joseph, doo ke ɓee le’n è Arimathée, unde loo tee pan. Doo nè nga è balkum njégangtà le Juipge ke d’ile koje dènn’t ngain. Joseph nè ndi ngine ndɔ ke Nube ayé kon’n ɓee nga tchên. E njiye masas aw ra Pilate’t deje’n ninn Jésu.

Jean 7:17

Ke nè á doo karé ndige ra nyan ke kêm njèkule’m Nube ndige ɓaa, à ger tite nyan-ndó nè nga in ra Nube’t. E man kuwe á m’in se dè’m m’ndó nyan dooge lé.

Nyanra Njekawkulege 13:46

Paul se Barnabas ndai kêm de káng edi de ndàt edi nè: – E sei Juipge á né j’ayé kede sei tà le Nube nga desêin. Nè sei utei tà nè nga mbeng a, an-in ra si ke dooge ke asi ndii kumgajer se non lé. Gir’n ke nè á, ɗarinè j’a tel tur kum jé ke ra njé ke ei Juipge lé tá ta.

Nyanra Njekawkulege 13:50

Dinyege ke njé ɗɔi Nubege ke ei njényan-kingege ndii kêm ɓee-bò’t nè tɔ. Juipge sulei de se dooge ke kum de unju ke kêm ɓee-bò’t nè nga adi unni gir rai kum Paul se Barnabas ndoo. Dé rɔ Paul se Barnabas kêm ɓeekon’t le de kɔke.

Nyanra Njekawkulege 14:1

Paul se Barnabas awi kêm kei kebe nan’t le Juipge titeke kété rai kêm ɓee-bò ke Antioche, ɓeekon ke Pisidie. Ei tami tà adi nunge tchanm adi dooge. Dooge ngain dann Juipge se njé ke ei Juipge lé teli njétaakêm-Kristge.

Nyanra Njekawkulege 2:47

Dé pite Nube a, dé taa kum dooge ɗekm a tɔ. Njé ke ingei kaje nga, Kuwe-ɓee ade kɔr de in dè made’t se ndɔge malang dann njékebe nange’t le Nube.

1 Nje Ke Corinthe 1:26

Ngakonmge, an-in! dann si sei ke Nube ɓar sei’t nga, njégos nyangerge ke ɔje dè dooge ke dè nang nè ei ngain lé, njétɔgmong-ge ei ngain lé, njé riɓarge ei ngain lé a tɔ.

Nje Ke Ephese 5:14

Nyan malang ke loo unju dè’t nga tel è lookar tɔ. Gir’n ke nè á dé tam’n d’ede nè: «I ke i tò ɓi nga, i teen kumi, unde loo i tee dann njé ke koo’t ɓaa, Krist à ndoin non-in’t.»

Jacques 1:10

Maje kade njètaakem̂-Krist ke è baw ade dè’n in tchakm tede tel ke Nube tel se’n gugu. Baw tò asenan se putu kage éké walè bè.

Jacques 1:21

Gir’n ke nè á ɔri ra si kɔke dann nyan ke mine’t bere mbak se gute nyange ke rang ke majelé. I taai Tà ke Maje ke Nube dubu ɓengre si’t se ngonn koje. Tà nè nga ase kaje ngarankum ra si.