Nyanra Njekawkulege 17:11 - Nouveau Testament en Gulay 2004

¹¹ Juipge ke Bérée nga uwei Paul se Silas ke ra de’t maje dum njé ke kêm ɓee-bò ke Thessalonique. Dé taa Tà ke Maje kalang, nè se ndɔ karé-karé dé nder gir tà ke kêm magtubge’t le Nube le kan, ké tàge ke Paul ede nga è titeke bè kuwe wa?

Nyanra Njekawkulege 17:11 ပူးပေါင်းရင်းမြစ်များ

Matthieu 13:23

Njar ko ke doo dubu dè nang ke maje’t nga tò asenan se doo ke oo tà a, ger gir’n a tɔ. Doo nè nga tò asenan se ko ke unde maje. E ke karé ann aru karé, è ke karé ke rang unde kum’n kɔr-mute-mute, è ke karé ke rang unde kum’n kɔr-mute tɔ.

Tà ke Maje ke Luc ndang 1:2

se gonan-gonan titeke njé ke an-in se kum de ɔri adi jéi. Njé ke kété an-in nyange nè se kum de nga, ɓila teli ei njékile mber Tà ke Maje le Nube.

Tà ke Maje ke Luc ndang 11:3

Ade jè nyankuse ke j’aw ndoo’n se ndɔ jé-ndɔ jé.

Tà ke Maje ke Luc ndang 16:29

Abraham tel edé ede nè: «Magtub gute-ndu ke Moise ndang se magtubge le njéribe-dè-tàge ke tà Nube’t tooi tutu. Gar-gar è tà le kade d’ile koje dè tàge’t le de.»

Tà ke Maje ke Luc ndang 24:44

Go’t gugu, è ede de ede nè: – An-in! è á è tà le’m ke ndɔ ke m’ede sei kété ke m’nain’n se si ɓai nga: nyange malang ke Moise se njéribe-dè-tàge ke tà Nube’t ndangi ɔji dè’m se tàge malang ke tò kêm Magtub pa’t nga, gar-gar à awi loon’t deĵ kuwe.

Jean 3:21

Nè doo ke nyan rannge uwe made nan se ngarankum tà ɓaa à ree dann lookar’t. E à ree dann lookar’t le kade kuje gir nyan rannge ke uwe made nan se le Nube nga ke nata kade d’an kuwe.

Jean 5:39

Sei teri kêm Magtub ke tò se ninn’n tede sei geri kêm si’t titeke takul de á a ingeii ndikumgajer se non. Nè Magtubge nè nga ei njékɔrgo tàge ke ɔje dè’m.

Nyanra Njekawkulege 10:33

Ke loon’t nè kuwe, m’ule m’ɓari ɓaa, i ra maje in i ree tɔ. Ɗarinè jè malang jè ndi non Nube’t le koo tàge malang ke Kuwe-ɓee ule tài’t le kade ede jè nga ta.

Nyanra Njekawkulege 11:1

Njékawkulege se njétaakêm-Kristge ke ndii kêm ɓeekon ke Judée ooi titeke njé ke ei Juipge lé géa taai tà le Nube ke le de tɔ ta.

Nyanra Njekawkulege 17:1

Paul se Silas undei kêm ɓee-bò ke Amphipolis se Appolonie gangi reei kêm ɓee-bò ke Thessalonique. Kei kebe nan le Juipge tò kêm ɓee-bò ke Thessalonique.

Nyanra Njekawkulege 2:41

Njé ke taai tà le Pierre umi dè madege’t ke kété ade d’ule de manné njonm nga, kɔr de in dè made’t ase aru dɔg loo mute kêm ndɔn’t nè.

1 Nje Ke Thessalonique 1:6

Sei i ndaji nyanra jé jè se nyanra Kuwe-ɓee. Sei taai Tà ke Maje se ranel le Ndil-Kem̂nda dann nyantosowurge gai-gai ke ndɔ ke ra sei.

1 Nje Ke Thessalonique 2:13

Loo ke ndɔ ke j’ede sei tà le Nube j’ade ooi nga, sei taai dè ɓengre si’t. Sei taai tà nè nga ke tà ke in tà Nube’t kerɔte kuwe m in tà doo’t karè lé. Gir’n ke nè á tà nè nga ra’n kule kem̂ si sei njétaakem̂-Kristge. E ke nè á è gir nyan karé ke rang ke ade jè ra’n oiyo se ndɔ jé-ndɔ jé nal kebe’t.

2 Nje Ke Thessalonique 2:10

Njè kɔse tà se Nube nè nga à ra nyange ke majelé ke se ri de-ri de le sú’n kum dooge kade tuji. Dooge ke njè kɔse tà se Nube à tuju de nga, ei dooge ke ndigi taai ngarankum tà ke ayé kaje de nga lé.

Jacques 1:21

Gir’n ke nè á ɔri ra si kɔke dann nyan ke mine’t bere mbak se gute nyange ke rang ke majelé. I taai Tà ke Maje ke Nube dubu ɓengre si’t se ngonn koje. Tà nè nga ase kaje ngarankum ra si.

1 Pierre 2:2

Adi ngur tà le Nube ra sei pênn-pênn titeke ngur kil kum kate mba ra’n ngann kidege bè tɔ. Takul mba á sei a rai tɔge ke kété-kété dè kaje’t.