Nyanra Njekawkulege 16:9 - Nouveau Testament en Gulay 2004

⁹ Loo ke dé tò ndɔɔ ɓaa, nyanpinde Paul ade an dingem karé ke ɓeekon ke Macédoine. Doo ke Paul an’n nga, nda se nja’n dɔ. Doo nè nga ra ndoo rann’t ede nè: – Al garang ke kêm ɓeekon ke Macédoine i din jè.

Nyanra Njekawkulege 16:9 ပူးပေါင်းရင်းမြစ်များ

Nyanra Njekawkulege 10:3

Ndɔ karé bè, ase kàde mute ke loo sɔlé, nyan pinde’n. Doo ke danran ke Nube ule’n aw goon’t kei ade an’n njai-njai. Doo ke danran le Nube nga ɓar Corneille ede nè: – Corneille!

Nyanra Njekawkulege 10:30

Corneille ede Pierre ede nè: – Ase ndɔ sɔ ɗarinè, se kade ke mute ke loo sɔlé tite made bè kuwe, m’ndi kêm kei le’m m’a m’ɔje tà se Nube. An! dingem karé bè ule kubu ke nda káng-káng unde loo tee pan nda nonm’t ede’m ede nè:

Nyanra Njekawkulege 16:10

Go nyanpinde’t nè nga, j’in ke loon’t nè kuwe jè sang le kaw Macédoine. Jè j’an titeke è Nube kuwe á ɓar jè kade j’aw j’ile mber Tà ke Maje j’ade dooge ke kêm ɓeekon ke Macédoine nè nga.

Nyanra Njekawkulege 16:12

J’in loon’t nè j’aw kêm ɓee-bò ke Philippes; è ɓee-bò ke desêin le ɓeekon ke Macédoine. Nè njékonɓeege ke Rome taai ndii dè’t. Jè ndi kêm ɓee-bò’t nè nga ase tà’t.

Nyanra Njekawkulege 18:5

Loo ke Silas se Timothée in-in kêm ɓeekon ke Macédoine reei ɓá ɓaa, Paul tel orè kum’n dè kɔrgirtà’t le Nube kuwe deri. E ede Juipge ndàt titeke Jésu nga è Krist kuwe.

Nyanra Njekawkulege 19:21

Loo ke gir nyange nè gang ɓá ɓaa, Paul ɔje kêmn’t le kunde kêm ɓeekon ke Macédoine se Achaie se nja’n dɔ gang tede le kaw kêm ɓee-bò ke Jérusalem. E tam ede nè: – Loo ke m’a m’tee nú ɓaa, gar-gar m’a m’aw kan ɓee-bò ke Rome se kum’m.

Nyanra Njekawkulege 19:22

Paul ule njé ra sennge joo, Timothée se Eraste ade awi kêm ɓeekon ke Macédoine; nè è ɓaa tel ndi kêm ɓeekon ke Asie ade kò’n tò mbɔr.

Nyanra Njekawkulege 19:29

Dooge malang ke kêm ɓee-bò’t nè awi dè nan’t ngater-ngater, an-in ɗiriri reei loo ra nyan-tɔjege’t. D’uwe njémade-loo-kawge le Paul, Gaius se Aristarque dé ndɔr de ngander-ngander dé ree se de loo ra nyan-tɔjege’t nè nga. Gaius se Aristarque nga, ei dooge ke ɓeekon ke Macédoine.

Nyanra Njekawkulege 20:1

Loo ke ká loo tel pan keng ɓaa, Paul ade dé ɓar njétaakêm-Kristge ade reei ingei nin. E ndeje de a, è ra de lapya a tɔ, ɓita è inye de ɔte aw kêm ɓeekon ke Macédoine ɓai.

Nyanra Njekawkulege 20:3

Loo ke nain ngɔr kade Paul al kêm bato’t le kaw kêm ɓeekon ke Syrie ɓá ɓaa, d’ede’n mêt titeke Juipge ɔri nan tà dènn’t le kumi nin rebe. E ɔse wan tel dè njann’t se rebe ke ɓeekon ke Macédoine.

Nyanra Njekawkulege 27:2

J’al kêm bato’t ke in Adramytte à aw kum’n ke loo nda batoge kêm ɓeekon ke Asie. Bato ɔte se jé aw se jé. Aristarque, doo ke Thessalonique, ɓeekon ke Macédoine nga è se jé nan’t tɔ.

Nyanra Njekawkulege 9:38

Ɓee ke Joppé nga tò ngɔr se ɓee ke Lidda. Loo ke njékuwegir-Jésuge ooi titeke Pierre ndi kêm ɓee ke Lidda ɓaa, ei ulei dingemge joo rann’t. Dooge joo ke d’ule de rann’t nga, ndêti nin edi nè: – Kɔkrɔ karè, in se jé nan’t nal tile mbɔr.

Nje Ke Rome 15:26

Njétaakêm-Kristge ke kêm ɓeekonge ke Macédoine se Achaie in-in se kêm de rai nyan-noje le ra’n se njétaakêm-Kristge ke Jérusalem ke ndoo oso dè de’t.

2 Nje Ke Corinthe 11:9

Loo ke ndɔ ke m’ra kule dann si’t nga ndoo nyan ra’m kuwe, nè m’ɔi dè doo karé bè dann si’t lé. E ngakon jéige ke njétaakêm-Kristge ke Macédoine á ndɔ ke rai se’m dè nyan ke nal’m. M’unde kumkunju dè ram’t tede kade m’tel m’ee nyankoto ke wɔi dè si’t lé. M’a m’ra bè-bè kum’m ke kété ɓai.

2 Nje Ke Corinthe 12:7

Nyange ke Nube ribe dè ade’m nga, ei nyange ke dum kum. Gir’n ke nè á ngonn njèkule le Sú ɓer’n konn ram’t tede kɔge’m loo kunde’m kàde’m dè nyange ke tooi loo ɓɔyɔn’t gai ke Nube tɔje’m ade m’an nè nga.

2 Nje Ke Corinthe 7:5

Loo ke ndɔ ke jè tee kêm ɓeekon ke Macédoine nga, j’inge loo taa kebe ke ndêin bè ndɔ karé ndan lé. Nè nyantosowur an-in dè jé king-king se loo malang. Dooge an-in dè jé king-king ade ɓel rusu kêm jé njin-njin.

2 Nje Ke Corinthe 8:1

Ngakon jége, jè ndige le kade an-in noje ke Nube uwe se njékebe nange le Nube ke ɓeekon ke Macédoine.

2 Nje Ke Corinthe 9:2

Oiyo, m’ger rakɔlé le si kuwe. Gir’n ke nè á dè’m in’n tchakm non dooge ke kêm ɓeekon ke Macédoine ade m’ede’n de m’ede nè: «Njé ke kêm ɓeekon ke Achaie uwei dè nja nyan-nojege le de mari kál laa bere.» Njé ke nange bule dann de’t ndaji kum si dè rakɔlé’t le si nè nga tɔ.

1 Nje Ke Thessalonique 4:10

E nyan ke sei rai se ngakon sige ke ndii kem̂ ɓeekon ke Macédoine bere mbak ɓá. Nè né è bè géa jè j’ule dingem kem̂ si sei ngakon jége’t le kade awi kum si ke kété-kété kuwe ɓai.