Nyanra Njekawkulege 16:5 - Nouveau Testament en Gulay 2004

⁵ Njékebe nange le Nube rai tɔge dè kundekêm’t le de a, kɔr de in dè made’t ke kété-kété se ndɔge malang a tɔ.

Nyanra Njekawkulege 16:5 ပူးပေါင်းရင်းမြစ်များ

Nyanra Njekawkulege 11:21

Nube è der-gir njétaakêm-Kristge ade dooge bule ɔsi wan teli undei kêm de dè Kuwe-ɓee Jésu’t.

Nyanra Njekawkulege 12:24

Loo ke ngar Hérode wei ɓá ɓaa, tà le Nube ra tɔge ke kété-kété a, taa loo pel-pel a tɔ.

Nyanra Njekawkulege 15:41

E aw se loo-loo kêm ɓeekonge ke Syrie se Cilicie ule dingem kêm njékebe nange’t le Nube.

Nyanra Njekawkulege 2:47

Dé pite Nube a, dé taa kum dooge ɗekm a tɔ. Njé ke ingei kaje nga, Kuwe-ɓee ade kɔr de in dè made’t se ndɔge malang dann njékebe nange’t le Nube.

Nyanra Njekawkulege 4:4

Nè né è bè géa, dooge ngain ke nange dann njé ke ooi tàge le de kété, teli ei njétaakêm-Kristge. Kɔr de ase aru dɔg loo mi.

Nyanra Njekawkulege 5:14

Kosdoo-bulege ngain, dingemge se dinyege ke undei kêm de dè Kuwe-ɓee Jésu’t nga kɔr de in dè made’t ke kété kété.

Nyanra Njekawkulege 6:7

Tà le Nube ra tɔge ke kété-kété a, kɔr njékuwe-gir-Jésuge in dè made’t ke kété-kété kêm ɓee-bò ke Jérusalem. Kos njékuje nyan-mesege bule géa, teli undei kêm de Kuwe-ɓee Jésu’t tɔ.

Nyanra Njekawkulege 9:31

Titeke bè á njékebe nange le Nube bere mbak ke ɓeekon ke Judée se Galilée a, se Samarie teli ndii se kêmlom. Njétaakêm-Kristge rai tɔge a, ilei koje dè Kuwe-ɓee a tɔ. Kɔr de in dè made’t ke kété-kété takul nain ke tɔgmong le Ndil-Kêmnda nain se de.

Nje Ke Rome 16:25

Ade j’ilei riɓar dè Nube’t. E aw se tɔgmong le kule’n dingem kêm si’t se go Tà ke Maje le Jésu Krist ke m’ile mber’n nga. Tà ke Maje nè nga kété mari è nyan ke tò loo ɓɔyɔn’t.

1 Nje Ke Corinthe 15:58

Titeke bè á, ngakonmge ke m’tár sei ngain, i ndai dè nja si’t njáng m i lengi lé. Awi kum si ke kété-kété dè kule’t le Kuwe-ɓee. Sei geri mbak titeke kule le Kuwe-ɓee ke sei ulei ra si ndibe i rai adi Krist nga à tel k’ee nyan ke raikarè lé.

Nje Ke Galatie 5:1

Krist taa jèi ji ɓer’t inye jèi dɔ ɗarinè tede le kade jè ndii dè jéi pal kerɔte. I ndai dè nja si’t njáng m adi dé tel d’ile kule ɓer kɔbe si’t gugu lé ta.

Nje Ke Colosses 2:6

Titeke sei an-in Jésu-Krist ke Kuwe-ɓee nga ɓaa, i njiyei se go rebe le’n ke è tɔje sei.

1 Nje Ke Thessalonique 3:13

Maje kade Kuwe-ɓee Nube ade ɓengre si ɓisir. Titeke bè á ndɔ tel ree le Kuwe-ɓee le jéi Jésu se njé ke ei lennge malang ɓaa a k’eei dooge ke i tooi se ninn si non Bɔ jéi Nube’t. Doo karé à kase kile tà dè si’t ndan lé.

1 Nje Ke Thessalonique 3:2

Gir’n ke nè á jè j’ule’n ngokon jéi Timothée ra si’t. Timothée nga è njè njèkule le Nube made jé ke ile mber Tà ke Maje le Krist. Jè j’ule’n le kade ule dingem kem̂ si’t a, le kade ndeje sei a tɔ, tede kade kundekem̂ dè Nube’t le si ɓeɓere’n.

2 Nje Ke Thessalonique 2:16

Bɔ jéi Nube tár jéi, è sɔl kem̂ jéi sár se non ade jèi kundekem̂ tchên ke maje ngain. Jè deje Bɔ jéi Nube a, jè deje Kuwe-ɓee le jéi Jésu-Krist a tɔ,

Hebreuge 13:9

Inyei loo adi njéndó dooge nyan ke se ri de-ri de ke rang libi kum si lé. Nyan ke soo’t ɓaa, è noje ke Nube uwe se jéi á ule dingem kem̂ jéi’t m è ndukunnge ke ɔje dè nyankusege lé. Nè dooge ke ilei koje dè ndukunnge ke ɔje dè nyankuse nè nga, nyan karé ke è soo de’t tutu goto sár.

1 Pierre 5:10

Nyankem̂konge ke à rai sei nga, kò’n à tò mbɔr lé. Nè Nube ke ɓar sei nga, nyan-nojege malang in rann’t. E ɓar sei le kade oréi nan se’n dè ndubra’t le’n ke à tò sár se non takul kum ke sei umi nan’t bɔk se Krist. Nube kuwe à tel gɔl sei kade i teli i ndai dè nja si’t njáng anje tɔ pum.