Nyanra Njekawkulege 16:26 - Nouveau Testament en Gulay 2004

²⁶ Loo ke tà nain tà dè’t ɓai ɓaa, nang yei ɓuk-ɓuk ade gir kei dangai ule yirk-yirk. Ke loon’t nè kuwe, tàbitkeige bere mbak teein se dè ra de a, kage ke nja dangaige’t malang jɔrè nang yɔgrɔm a tɔ.

Nyanra Njekawkulege 16:26 ပူးပေါင်းရင်းမြစ်များ

Matthieu 28:2

An! ke loon’t nè kuwe nang yei ɓuk-ɓuk. Kuwe-ɓee ule doo le’n ade in danrán ree ndubri her ke bòi ke d’utu’n tà be ɓade nè nga ile rang al ndi dè’t.

Nyanra Njekawkulege 12:10

Loo ke doo ke danrán ei se Pierre deri ra njéngonm tà keige ke desêin se njé ke njèkon’t joo ɓá ɓaa, ei awi teei tu tà kei ke bòi ke ra se nar. Tà kei nè nga aw ke ɓee-bò’t. Tà kei nè nga, è kuwe teen ra’n se dè’n non de’t kété. Taɓai doo ke danrán se Pierre awi teei nata tà rebe karé’t bè. Ke loon’t nè kuwe, doo ke danrán ke Kuwe-ɓee ule’n nga inye Pierre, goto njêl.

Nyanra Njekawkulege 12:7

An! doo ke danrán le Kuwe-ɓee unde loo tee pan ade loo ke kêm kei dangai’t ndogó kotong. Doo ke danrán nè nga unde kàde Pierre ɗe^-ɗe^ ndel’n ede nè: – In dɔ kalang. Ke loon’t nè kuwe, sulge ke dé tɔɔ’n ji’n jɔré nang yɔgrɔm.

Nyanra Njekawkulege 4:31

Loo ke d’ɔje tà se Nube titeke bè gir gang ɓá ɓaa, loo ke dé kebe nan tutu ule yirk-yirk. Ndil-Kêmnda taa kêm de pel-pel malang ade d’ile mber tà le Nube se kêmnda káng.

Nyanra Njekawkulege 5:19

Nè dann ndɔ ɓaa, Kuwe-ɓee ule doo le’n ke danran ade ree teen tàbit-kei dangai inye wei. E ade njékawkulege undei loo teei kêm kei dangai’t ɓaa, è ede de ede nè:

Lookilera’n 11:13

Ke loon’t nè kuwe, nang yei ɓuk-ɓuk. Debe ɓee-bò ke karé dann ke dɔg’t ɔr oso. Loo ke nang yei ɓuk-ɓuk nga, dooge aru dɔg loo ji sejimute weii kabak. Ɓel unde gute dooge ne nan-in ndàt gang de ade teli ulei ndubra dè Nube’t ke ndi danrán.

Lookilera’n 6:12

Loo ke Ngonn bate teen tà nyankorji ke njèkon’t mute mute nga, m’an loo gerer ɓaa, nang unn gir yei ɓuk-ɓuk. Ke loon’t nè kuwe kàde tel ndul ndang-ndang tite kubu ndoo bè. Ra nan bere mbak tel ker tite mese bè.