Nyanra Njekawkulege 16:23 - Nouveau Testament en Gulay 2004

²³ Loo ke d’unde de dé gang ra de dàp-dàp ɓá ɓaa, d’aw se de d’um de dangai’t. Njékan dè njérɔge unni ndu de adi njè ngonm tà kei dangai le kade ngonm de tchên.

Nyanra Njekawkulege 16:23 ပူးပေါင်းရင်းမြစ်များ

Matthieu 26:48

E njèkule Jésu ji de’t ra nyan karé tɔje’n dè loo kuwe’n ede nè: – Doo ke m’a m’ra’n lapya a, m’uwe’n kàdem’t sêm a tɔ ɓaa, è doo’n nga kuwe, uwei nin.

Tà ke Maje ke Luc ndang 21:12

Nè kété ɓita kade nyange nè teei ɓai nga, d’a tuwe sei a, d’a ra kum si ndoo a, d’a d’ule sei ji ngar dè kei kebe nan a, d’ade ɓuku sei dangai’t a, d’ade kali sei kaw se si non ngar-ɓeege’t se non njékonɓeege’t a tɔ. D’a ra se si nyange nè nga titeke bè tede’m man.

Nyanra Njekawkulege 12:18

Loo ke loo ar yerer ɓaa, njérɔge awi dè nan’t ngater-ngater edi nè: – Ké Pierre tel ri wa?

Nyanra Njekawkulege 12:4

Loo ke Hérode ade d’uwe Pierre d’ile’n dangai’t ɓaa, è ade njérɔge dɔg-gidé-mute-mute taai gute nan sɔ-sɔ nja sɔ ngonmi nin tchên. E ndige le tee se’n nata kum kosdooge’t loo ke gir ndɔ ra nan nyan Paque à gang.

Nyanra Njekawkulege 16:27

Loo ke njè ngonm tà kei dangai in-in gir ɓi’t ɓaa, è an titeke tà kei dangaige malang tooi wei. E ɔr kuye kaskar le’n lêw le tɔl’n ra’n, tede è gir kêmn’t titeke dangaige teei an-in nan wont ta.

Nyanra Njekawkulege 16:36

Njè ngonm tà kei dangai ree ede Paul tà nè nga ede nè: – Njékonɓeege ulei kade m’inye sei dɔ. I teei awi se kêmlom ɗarinè.

Nyanra Njekawkulege 5:18

uwei njékawkulege umi de kêm kei dangai’t le njékonɓeege.

Nyanra Njekawkulege 5:23

– Loo ke j’aw ɓaa, j’inge tàbit kei dangai tò se kutu’n jêke^. Njé ngonm tà kei dangaige géa ndai à ɔdi nan ngonm loo a tɔ. Nè loo ke jè teen tà kei ɓaa, j’inge doo karé géa kêm kei dangai’t lé.

Nyanra Njekawkulege 8:3

Nè Saul ra kum njékebe nange le Nube ndoo, yal de karé-karé. E toso kêm keige malang tɔr njétaakêm-Kristge ke dingemge se njé ke dinyege nata ndát-ndát ɓuku de dangai’t.

Nyanra Njekawkulege 9:2

deje’n magtubge tede kaw’n kêm kei kebe nange’t kêm ɓee-bò ke Damas. Saul ra titeke bè tede kade ke nè á inge dingemge éké dinyege ke nange ke unni rebe le Kuwe-ɓee Jésu ɓaa, ayé tuwe de, tɔ de ree se de kêm ɓee-bò ke Jérusalem.

2 Nje Ke Corinthe 11:23

Ke nè á dooge nè nga ei ngann njékulege le Krist ɓaa, man géa m’ee ngonn njèkule le’n m’dum de ɓai. M’tam tà nè asenan se mbe doo bè. M’ule ra’m ndibe loo kule’t m’dum de malang. M’ra dangai ngain m’dum de malang. D’unde’m dé gang ra’m dàp-dàp dum de a, dɔ-dɔ m’ndi tà yo’t nja bule m’dum de a tɔ.

2 Nje Ke Corinthe 6:5

Dé tunde jè a, d’ile jè dangai’t a tɔ. Dé sule dooge dè jé’t a, j’ule ra jé ndibe loo kule’t a tɔ. J’ɔge kum jé ɓi a, j’ɔge ra jé dè nyankuse’t se dè kain mann’t a tɔ.

Nje Ke Ephese 3:1

E tede è ke nè á man Paul m’ee’n dangai le Jésu-Krist tede le si sei ke sei Juipge lé nga.

Nje Ke Ephese 4:1

Man ke m’tò dangai’t tede tà le Kuwe-ɓee nga, m’ndeje sei kade adi pa njiye si uwe made nan se ɓar ke Nube ɓar sei nga.

2 Timothee 2:9

E tede Tà ke Maje nè nga m’inge’n nyankem̂konge sár ade dé tɔɔ’m se sul tite njè ra majelé bè. Nè né è bè géa, tà le Nube ɓaa dé tɔ’n lé.

Philemon 1:9

Nè m’ra ndoo rai’t tede k’ee ke i kotár le’m. Man Paul ke m’ee ngatɔg doo nga, m’tò dangai’t ɗarinè tede tà le Jésu-Krist.

Lookilera’n 1:9

Man m’ee ngokon si Jean á m’ndang magtub nè. M’um se Jésu nan’t bɔk tite si sei tɔ. Man nga m’ee made ɓee le si ɔje dè konɓee le Nube. Nyantosowur ke ra sei á oréi tà si njak i ndii nginei ndɔ tel ree le Krist nga, man géa ra’m se si tɔ. Man Jean nga d’uwe’m d’aw se’m d’ile’m dè goré loo ke ri’n nè Patmos tede tà le Nube ke ndɔ ke m’ile mber’n a, tede tà le Jésu ke ndɔ ke m’ɔrgo a tɔ.

Lookilera’n 2:10

I ɓel nyankumndoo ke à rai nga lé. An! njè kem̂ majelé à tile dooge ke nange dann si’t dangai’t tede nan’n sei. Nyantosowur à ra sei ndɔ dɔg. Um kem̂i dèm’t i nda njang sár ndɔ kwei’t ɓaa, m’a m’adi jɔkɔ kunn banga ke ndikumgajer nga tɔ.