Nyanra Njekawkulege 16:2 - Nouveau Testament en Gulay 2004

² Njétaakêm-Kristge ke ndii kêm ɓeege ke Lystre se Icone nga ɔri go tà le’n maje.

Nyanra Njekawkulege 16:2 ပူးပေါင်းရင်းမြစ်များ

Nyanra Njekawkulege 1:15

Ndɔ karé bè, njétaakêm-Kristge kebi nan asi aru se kɔr-joo. Pierre ɔse nang in dɔ dann de’t ede de ede nè:

Nyanra Njekawkulege 13:51

Nè Paul se Barnabas gegi bubur ke nja de’t gág-gág umi dè’t ɓita ɔti awi kêm ɓee ke Icone ɓai.

Nyanra Njekawkulege 14:1

Paul se Barnabas awi kêm kei kebe nan’t le Juipge titeke kété rai kêm ɓee-bò ke Antioche, ɓeekon ke Pisidie. Ei tami tà adi nunge tchanm adi dooge. Dooge ngain dann Juipge se njé ke ei Juipge lé teli njétaakêm-Kristge.

Nyanra Njekawkulege 14:21

Paul se Barnabas ilei mber Tà ke Maje kêm ɓee-bò ke Derbe ade doobulege teli ei njétaakêm-Kristge. Go’t gugu, ei teli dè nja de’t awi kêm ɓee ke Lystre a, Icone a, taɓai Antioche a tɔ, kêm ɓeekon ke Pisidie.

Nyanra Njekawkulege 14:6

Paul se Barnabas ooi kɔbe nyan ke d’ɔje le ra se de nga kété ɓaa, in-in an-in nan awi Lystre se Derbe, ɓee-bòge ke kêm ɓeekon ke Lycaonie se ɓeege ke an-in dè de.

Nyanra Njekawkulege 16:40

Loo ke Paul se Silas undei loo teei dangai’t ɓaa, ei teli awi kêm kei le Lydie ingei njétaakêm-Kristge ulei dingem kêm de’t pa ɓita in-in awi kété ɓai.

Nyanra Njekawkulege 6:3

Gir’n ke nè á, ngakon jége, i sangi dingemge ji sejimute dann si’t ɔri de le kade jè tel se kule nobo nyankuse j’umi ji de’t. Nè maje kade ei dooge ke d’ɔr tà le de maje. Maje kade ei dooge ke Ndil-Kêmnda se kumkunju taai ra de pel-pel a tɔ.

Nje Ke Philippes 2:22

Sei geri mbak, Timothée nga è doo ke ndɔ ke dé nan’n dé ger hal’n ɓá. Titeke ngonn ra’n se bɔ’n bè nga, è ra se’m kule kile mber Tà ke Maje nga nan’t.

1 Timothee 3:7

Gar-gar, njèkan dè njékebe nange le Nube nga, njé ke nata géa à tami tà le’n maje. Titeke bè á à ndii’n dann rasɔl’t le kade oso’n kem̂ gum’t le sú nga lé.

1 Timothee 5:10

Gar-gar, njèkei-kinge à è doo ke d’ɔrgo nyanra’n ke maje a, à è njè koto ngannenge maje a, à è njè ra mba a, à è njè togo nja dooge le Nube a, à è njè ra se njé ke ndii dann nyantosowurge’t a, à è njè ra kulege ke maje malang se ndɔ’n-ndɔ’n a tɔ.

1 Timothee 5:25

Kule rage ke maje nga géa tooi nata ndái-ndái tɔ. Kule rage ke majelé nga asikum ɓɔyɔi ra de sár-sár ndan lé a tɔ.

2 Timothee 3:11

M’oré tà’m njak dann nyantosowurge se nyankem̂konge ke ndɔ ke teei dèm’t kem̂ ɓee-bò ke Antioche ɓeekon ke Pisidie, se Iconium se Lystre a tɔ. Ké nyantosowurge ke rage á ndɔ ke kété rai man lé wa? Nè ndɔ ke Kuwe-ɓee ɔr’m dann nyantosowurge’t nè nga malang.

2 Timothee 3:15

Magtubge ke tooi se ninn de nga, i ger de se ngonni ndêin bè mari. Magtubge nè asikum kadi nin kumkunju kade inge’n kaje takul kem̂i ke unde dè Jésu-Krist’t.

Hebreuge 11:2

Dooge ke kété mari ri de ɓar ngain nga taai kum Nube takul kundekem̂ le de.