Nyanra Njekawkulege 16:15 - Nouveau Testament en Gulay 2004

¹⁵ Loo ke d’ule Lydie manné njonm se njékêmkeige le’n ɓá ɓaa, è ɓar jè ede nè: – Ke nè á an-in man ke njètaakêm-Krist kerɔte ɓaa, i reei awi se’m ɓéee i ndii se’m ndêin ɓita. E aw se jé kabr-kabr ade j’aw se’n kêm kei le’n.

Nyanra Njekawkulege 16:15 ပူးပေါင်းရင်းမြစ်များ

Matthieu 10:41

Doo ke uwe njèribe-dè-tà ke tà Nube’t ke rann’t tede k’ee ke è njèribe-dè-tà ke tà Nube’t ɓaa, a inge nyan-kunde nja ke d’a d’ade njèribe-dè-tà ke tà Nube’t nga tɔ. Doo ke uwe njè ra nyan se dè naje’n ke rann’t tede k’ee ke è njè ra nyan se dè naje’n ɓaa, à inge nyan-kunde nja ke d’a d’ade njè ra nyan ke se dè naje’n nga a tɔ.

Matthieu 3:6

Dooge nè nga malang reei ra Jean’t ɔri gir kaiyage le de ke nata adi nin ade ule’n de manné njonm dann ba ke Jourdain.

Tà ke Maje ke Luc ndang 14:23

Kuwe ngonn njèndi nè nga tel ede’n ede nè: «Unde loo i tee aw kêm ngann ɓeege’t a, se ngang galige a tɔ. Dooge malang ke inge de nga, i kate de kàt-kàt ade dé ree dé rusu kêm kei le’m neĵ.

Tà ke Maje ke Luc ndang 24:29

Nè dé nda se’n kekek d’ede nè: – I ndi se jé tede ndɔ à il ngɔr ta. E aw se de kêm kei le de ndi se de.

Nyanra Njekawkulege 11:14

Simon à ede sei tàge kade aje’n, i se njékêmkeige lei malang.»

Nyanra Njekawkulege 16:31

Paul se Silas ilei nin dè’t edi nè: – Unde kêmi dè Kuwe-ɓee Jésu’t ɓaa, d’a d’aji i se njénojege lei.

Nyanra Njekawkulege 16:33

Kêm kàdenn’t dann ndɔɔ bɔp nè kuwe, è ɔr Paul se Silas aw se de togo tà dòge le de. Ke loon’t nè kuwe, d’ule’n è se njénojege le’n malang manné njonm.

Nyanra Njekawkulege 16:34

Nè njè ngonm tà dangai ade Paul se Silas awi se’n ɓéee le’n ra de mba. E se njénojege le’n malang rai ranel tede kêm de ke undei dè Nube’t.

Nyanra Njekawkulege 18:8

Nè né è bè géa, Crispus ngar dè kei kebe nan se njé ke kêm kei le’n bere mbak undei kêm de dè Kuwe-ɓee’t. Dooge ngain ke kêm ɓee-bò ke Corinthe ke uri mbi de ooi tà le Paul nga teli njétaakêm-Kristge ade d’ule de manné njonm.

Nyanra Njekawkulege 8:12

Nè ɗarinè loo ke Philippe ile mber Tà ke Maje ke ɔje dè ɓeekon le Nube se ri Jésu-Krist ade de ɓaa, dingemge se dinyege ke umi kêm de dè tà’t le’n nga, adi d’ule de manné njonm.

Nyanra Njekawkulege 8:38

Njèkuju unn ndu’n ade d’uwe wotro rɔ le’n nga nang. Ei se Philippe risi nang joo mbak awi dann mann’t. Philippe ule njèkuju manné njonm.

Nje Ke Rome 16:23

Gaius ke njè kei mba le’m ke njétaakêm-Kristge malang kebi nan kêm kei le’n, ra sei lapya. Eraste njè ngonm nar le njékonɓeege se ngokon jéi Quartus, rai sei lapya ngain. [

2 Nje Ke Corinthe 12:11

M’ra ra’m mbe’t. E sei á i ndɔji man adi m’tel’n mbe. E sei á né a i tami tà ke maje kunni tà’m. Sei an-in man ke nyan lé, nè njé ke an-in de ke njékawkulege ke bòii ngain nè nga dumi man se nyan karé bè lé.

2 Nje Ke Corinthe 5:14

Tár ke Krist tár jè nga ɔse jè balang-balang. Ke nè á doo karé inye ra’n ade yo tede dooge malang ɓaa, dooge malang kuwe weii se’n tɔ.

Nje Ke Galatie 6:10

Titeke bè á, loo ke j’ingei kurloo ɓaa, adi jè rai maje se dooge malang. Nè maje kade jè rai maje se ngakon jéige ke undei kem̂ de dè Nube’t j’adi dum dè le dooge ke rang malang.

Nje Ke Ephese 1:1

Man Paul, njèkawkule le Jésu-Krist se go kem̂ndige le Nube. M’ndang magtub nè m’ade njé ke tooi se ninn de se njé ke awi kum de ke kété-kété de kundekem̂ dè Jésu-Krist’t [ke ndii kem̂ ɓee-bò ke Ephèse].

Nje Ke Philippes 1:7

Gir ke m’gir dè si’t malang bè nga, è loon’t kuwe. M’ndige sei dè ɓengrem’t. Kété ndɔ ke m’nain se si ɓai nga, m’an-in ngang Tà ke Maje gar-gar m’ade tò loo toon’t njáng. Ɗarinè ke m’tò dangai’t nè nga géa, sei malang oréi se’m nan dè noje ke Nube uwe sem’t nga.

Philemon 1:17

Ke nè á an’m ke njèmade loo kaw lei ɓaa, uwe’n ke rai’t tite è man bè.

Hebreuge 13:2

Adi kem̂ si wei nal dè ra mba’t lé. Ra mba ke titeke bè á njé ke nange uwei dooge ke danrán ke ra de’t anje kade geri.

1 Pierre 5:12

Man m’an Silas ke ngokon jéi ke get. Takul’n è á m’ndang’n magtub ndêin bè m’ade sei le kule’n dingem kem̂ si’t, le kede’n sei ngarankum noje ke Nube uwe se si nga kade i ligri tutu lagr-lagr.

2 Jean 1:10

Ke nè á doo karé ree ra si’t á ree se nyan-ndó le Krist nè nga lé ɓaa, uwei nin ke ra si’t kem̂ kei le si lé a, edi nin edi nè: «I ree se maje’n» lé a tɔ.

3 Jean 1:5

Kotár le’m, i ra nyan ke maje se kem̂nda káng tede le njétaakem̂-Kristge ke ei mbage.

3 Jean 1:8

Dooge ke titeke bè nga, gar-gar adi j’ɔsi gir de loo kile mber ngarankum tà’t nga. Ke nè á jè rai titeke bè ɓaa, jèi njémade kulege le de kerɔte kuwe.