Nyanra Njekawkulege 16:14 - Nouveau Testament en Gulay 2004

¹⁴ Dinye karé dann de’t ri’n nè Lydie, è njè ra gate. Dinye nè nga in kêm ɓee le’n ke ri’n nè Thyatire á ree ndi kêm ɓee-bò ke Philippes ige kubuge ke ker perm-perm. Dinye nè è njè ɓel Ndil Nube. Lydie ndi ur mbi’n ke ra jé’t. Gir’n ke nè á Kuwe-ɓee teen’n ngarankêm’n ade ur’n mbi’n ngaw njêt oo’n tàge ke Paul à tam.

Nyanra Njekawkulege 16:14 ပူးပေါင်းရင်းမြစ်များ

Tà ke Maje ke Luc ndang 24:45

E ade kum de uje kade dé ger’n gir Magtub le Nube njai.

Jean 12:20

Dooge reei kêm ɓee-bò ke Jérusalem loo ra nan’t tede le ɗɔi Nube. Grec ke nange ei se de tɔ.

Nyanra Njekawkulege 10:2

Corneille se njékêmkeige le’n malang ilei koje dè Nube’t a, ɓeli Ndil’n a tɔ. E uwe noje se kosdooge malang se ndɔ’n-ndɔ’n. E ɔje tà se Nube se ndɔ karé-karé.

Nyanra Njekawkulege 11:21

Nube è der-gir njétaakêm-Kristge ade dooge bule ɔsi wan teli undei kêm de dè Kuwe-ɓee Jésu’t.

Nyanra Njekawkulege 13:43

Loo ke gir kebe nan gang ɓá ɓaa, Juipge ngain se njé ke ei Juipge lé ke ɗɔyi Nube ndoléi go Paul se Barnabas. Paul se Barnabas oji se de tà a, ndeji de le kade dé liger dè noje’t ke Nube uwe se de ke kété.

Nyanra Njekawkulege 13:50

Dinyege ke njé ɗɔi Nubege ke ei njényan-kingege ndii kêm ɓee-bò’t nè tɔ. Juipge sulei de se dooge ke kum de unju ke kêm ɓee-bò’t nè nga adi unni gir rai kum Paul se Barnabas ndoo. Dé rɔ Paul se Barnabas kêm ɓeekon’t le de kɔke.

Nyanra Njekawkulege 16:40

Loo ke Paul se Silas undei loo teei dangai’t ɓaa, ei teli awi kêm kei le Lydie ingei njétaakêm-Kristge ulei dingem kêm de’t pa ɓita in-in awi kété ɓai.

Nyanra Njekawkulege 18:7

Paul in loo’t nè aw kêm kei le doo karé bè ke ri’n nè Titus Justus. Doo nè nga è njè kile koje dè Nube’t. Kei le’n tò kɔte nan’t se kei kebe nan.

Nyanra Njekawkulege 8:27

Philippe in ke loon’t kuwe aw. Dingem karé ke ɓeekon ke Ethiopie unde loo tee pan. Dingem nè nga è njèkuju. E doo ke bò ke njèkan dè nyanbawge le Kandas dinye le ngar ke ɓeekon ke Ethiopie. Doo nè nga ree mba kêm ɓee-bò ke Jérusalem le ɗɔi Nube.

Nje Ke Rome 9:16

Bè ɓaa, Nube ɔr doo ke è ndige le ra se’n kêmkanm. Kɔr ke è ɔr doo nga tò ɔje dè kêmndige le doo éké nyanra doo lé; nè ɔje dè Nube ke njè ra kêmkanm se doo nga kuwe karé bere.

Nje Ke Philippes 2:13

Oiyo, è Nube kuwe á ra kule kem̂ si’t ade sei kem̂ndige se tɔge le kade i rai nyan ke maje ke kem̂’n ɔje.

Lookilera’n 1:11

Ndu doo ke ɓar beng á m’oo nè nga, ede’m ede nè: «Nyan ke i an se kumi ɗarinè nga, i ndang kem̂ magtub’t ule’n ade njékebe nange le gir ji sejimute ke ɓeekon ke Asie: Ephèse, Smyrne, Pergame, Thyatire, Sardes, Philadelphie a, se Laodicée a tɔ.»

Lookilera’n 3:20

An! m’nda tà kei’t nata m’unde tà kei. Ke nè á doo karé oo ndu’m á ɔr tà kei ade’m ɓaa, m’a m’aw kem̂ kei goon’t, m’a m’use se’n nyan a, è géa à use se’m nyan a tɔ.

Lookilera’n 3:7

Doo ke m’an’n nga tam ede nè: «I ndang magtub ade doo ke danrán ke njèkan dè njékebe nange ke kem̂ ɓee-bò ke Philadelphie. E ke njè tò se ninn’n a, njè tam ngarankum tà a tɔ. E uwe lakêlé le ngar David jinn’t. Ke nè á teen tà rebe ɓaa, doo karé géa asekum kutu gugu lé a, ke nè á utu tà rebe ɓaa, doo karé géa asekum teen gugu lé a tɔ. E tam ede nè: