Nyanra Njekawkulege 16:13 - Nouveau Testament en Gulay 2004

¹³ J’unde loo jè tee nata kêm ɓee’t se ndɔ taa kebe, j’aw kum jé ke tà ba’t. Jè gir kêm jé’t kété j’ede nè bainléa j’à j’inge loo karé ke deri le kɔje’n tà se Nube tà ba’t nè nga. Nyan ra maje ade j’inge mate dinyege ke ndii à kebi nan loo’t nè nga tɔ. Jè tel jè ndi nang j’ede de tà.

Nyanra Njekawkulege 16:13 ပူးပေါင်းရင်းမြစ်များ

Matthieu 13:2

Kosdoo-bulege ngain njin nan rann’t njàng-njàng ade an bè ɓaa, al ndi kêm bato’t. Doobulege malang ndi nang rip-rip ngang ba-bò’t.

Marc 16:15

Go’t gugu Jésu ede de ede nè: – Awi se loo malang dè nang nè, ilei mber Tà ke Maje adi dookundege bere mbak.

Tà ke Maje ke Luc ndang 13:10

Ndɔ karé bè, Jésu ndó dooge nyan kêm kei kebe nan’t. Ndɔ nè nga è ndɔ taa kebe.

Jean 8:2

Nè loo ke loo à ar ɓai ɓaa, è tel aw kêm kei’t le Nube. Kosdooge malang reei rann’t. E tête ra’n ndi nang unn gir ndó de nyan.

Nyanra Njekawkulege 13:14

Paul se Barnabas in-in Perge awi teei kêm ɓee-bò ke Antioche, ɓeekon ke Pisidie. Ndɔ taa kebe ɓaa, ei awi kêm kei kebe nan’t ndii nang le koo tà.

Nyanra Njekawkulege 13:42

Paul se Barnabas undei loo kêm kei kebe nan’t teei nata. Dé deje de le kade teli edi de tàge nè nga se ndɔ taa kebe ke à ree gugu.

Nyanra Njekawkulege 16:16

Ndɔ karé bè j’aw ke loo kɔje tà se Nube’t. Ngonn njèndi ke dinye karé in tile kum jé. Ngonn ke dinye nè nga ndil li-ngar tò kêmn’t ade sa inge’n nyan ndaj-ndaj ade kuwenge.

Nyanra Njekawkulege 16:6

Paul se Silas undei kêm ɓeekonge ke Phrygie se Galatie gangi se nja de dɔ tede Ndil-Kêmnda ɔge de kile mber tà le Nube kêm ɓeekon ke Asie.

Nyanra Njekawkulege 17:2

Paul aw inge Juipge kêm kei kebe nan’t titeke è ra’n kété-kété. E ndi se de kei kebe nan’t bè-bè ase nja mute, è naje se de tà dè magtubge ke tooi se ninn de.

Nyanra Njekawkulege 18:4

Se ndɔ taa kebe karé-karé malang, Paul aw ɔje tà se njé ei Juipge se njé ke ei Juipge lé a tɔ, kêm kei kebe nan’t. E sang le kade kum de gang dè tà’t le Nube.

Nyanra Njekawkulege 20:7

Ndɔ ke desêin ke njè kutu go ndɔ taa kebe, jè kebe nan le tête nan mapa. Paul ndi dè njann’t le kin kaw barè. E ɔje tà se njékebe nange le Nube sár dann loo bɔp.

Nyanra Njekawkulege 21:5

Nè loo ke jè ra se de ndɔge nè nga jè tɔl mbas ɓá ɓaa, j’in j’aw. D’in malang se neen dege a, se ngann dege a tɔ, dé dann jé sár d’aw se jé gide ɓee-bò’t nata. J’ɔse keje jé nang tà ba-bò’t j’ɔje tà se Nube.

Nyanra Njekawkulege 9:20

Ke loon’t nè kuwe, è unn gir kile mber tà le Jésu kêm kei kebe nange’t titeke Jésu nga è Ngonn le Nube kerɔte kuwe.

Nje Ke Galatie 3:28

Doo ke è Juip éké è Juip lé goto ɗarinè ta. Ɓer éké doo ke ndi dè’n pal goto ta, dingem éké dinye goto ta; tede sei malang sei dooge ke karé takul kum ke umi nan’t bɔk se Jésu-Krist.

Nje Ke Colosses 1:23

I bai nja si nang mong dè kundekem̂ dè Nube’t anje kage ndêr ke rang dè Tà ke Maje ke ndɔ ke ooi kété nga. Tà ke maje nè nga è nyan kundekem̂ tchên dè’t lé jéi. Tà ke Maje nè nga d’ile mber’n d’ade nyankundege malang ke dè nang nè. Man Paul géa m’ee ngonn njèkule le Tà ke Maje nè nga kuwe tɔ.