Nyanra Njekawkulege 16:12 - Nouveau Testament en Gulay 2004

¹² J’in loon’t nè j’aw kêm ɓee-bò ke Philippes; è ɓee-bò ke desêin le ɓeekon ke Macédoine. Nè njékonɓeege ke Rome taai ndii dè’t. Jè ndi kêm ɓee-bò’t nè nga ase tà’t.

Nyanra Njekawkulege 16:12 ပူးပေါင်းရင်းမြစ်များ

Nyanra Njekawkulege 16:10

Go nyanpinde’t nè nga, j’in ke loon’t nè kuwe jè sang le kaw Macédoine. Jè j’an titeke è Nube kuwe á ɓar jè kade j’aw j’ile mber Tà ke Maje j’ade dooge ke kêm ɓeekon ke Macédoine nè nga.

Nyanra Njekawkulege 16:21

Tá è ke nè á karé lé, nè dooge nè nga ilei mber nyangirkàge le de adi jè ke kêm ɓeekon ke Rome. Nyangirkàge nè nga ndukunnge le jéi ɔgi jè le taa éké le ra de se ndɔ jé-ndɔ jé.

Nyanra Njekawkulege 16:9

Loo ke dé tò ndɔɔ ɓaa, nyanpinde Paul ade an dingem karé ke ɓeekon ke Macédoine. Doo ke Paul an’n nga, nda se nja’n dɔ. Doo nè nga ra ndoo rann’t ede nè: – Al garang ke kêm ɓeekon ke Macédoine i din jè.

Nyanra Njekawkulege 18:5

Loo ke Silas se Timothée in-in kêm ɓeekon ke Macédoine reei ɓá ɓaa, Paul tel orè kum’n dè kɔrgirtà’t le Nube kuwe deri. E ede Juipge ndàt titeke Jésu nga è Krist kuwe.

Nyanra Njekawkulege 19:21

Loo ke gir nyange nè gang ɓá ɓaa, Paul ɔje kêmn’t le kunde kêm ɓeekon ke Macédoine se Achaie se nja’n dɔ gang tede le kaw kêm ɓee-bò ke Jérusalem. E tam ede nè: – Loo ke m’a m’tee nú ɓaa, gar-gar m’a m’aw kan ɓee-bò ke Rome se kum’m.

Nyanra Njekawkulege 19:29

Dooge malang ke kêm ɓee-bò’t nè awi dè nan’t ngater-ngater, an-in ɗiriri reei loo ra nyan-tɔjege’t. D’uwe njémade-loo-kawge le Paul, Gaius se Aristarque dé ndɔr de ngander-ngander dé ree se de loo ra nyan-tɔjege’t nè nga. Gaius se Aristarque nga, ei dooge ke ɓeekon ke Macédoine.

Nyanra Njekawkulege 20:1

Loo ke ká loo tel pan keng ɓaa, Paul ade dé ɓar njétaakêm-Kristge ade reei ingei nin. E ndeje de a, è ra de lapya a tɔ, ɓita è inye de ɔte aw kêm ɓeekon ke Macédoine ɓai.

Nyanra Njekawkulege 20:3

Loo ke nain ngɔr kade Paul al kêm bato’t le kaw kêm ɓeekon ke Syrie ɓá ɓaa, d’ede’n mêt titeke Juipge ɔri nan tà dènn’t le kumi nin rebe. E ɔse wan tel dè njann’t se rebe ke ɓeekon ke Macédoine.

Nyanra Njekawkulege 20:6

Nè jè ɓaa, gir ndɔge ke ɔje dè ra nan Paque dere pa ɓita j’al bato kêm ɓee ke Philippes. J’aw sár ase ndɔ mi ɓita jè tee ra de’t Troas ɓai. Jè ndi kêm ɓee-bò ke Troas nè nga jè ra ndɔ ji sejimute.

Nyanra Njekawkulege 27:2

J’al kêm bato’t ke in Adramytte à aw kum’n ke loo nda batoge kêm ɓeekon ke Asie. Bato ɔte se jé aw se jé. Aristarque, doo ke Thessalonique, ɓeekon ke Macédoine nga è se jé nan’t tɔ.

Nje Ke Rome 15:26

Njétaakêm-Kristge ke kêm ɓeekonge ke Macédoine se Achaie in-in se kêm de rai nyan-noje le ra’n se njétaakêm-Kristge ke Jérusalem ke ndoo oso dè de’t.

Nje Ke Philippes 1:1

Man Paul se Timothée, ɓer kulege le Jésu-Krist. Jè ndang magtub nè j’ade njé ke tooi se ninn de ke umi nan’t bɔk se Jésu-Krist. Jè ndang magtub nè nga j’ade njékɔr non dege se njékan dè nyange le njékebe nange le Nube ke ndii kem̂ ɓee-bò ke Philippes tɔ.

Nje Ke Philippes 1:5

tede unn gir kem̂ ndɔ ke desêin sár tee ɓila, sei i rai se’m dè kile mber Tà ke Maje’t.

1 Nje Ke Thessalonique 2:2

Sei geri titeke ndɔ ke nyankem̂kon se taje ndu ase jè nák-nák kem̂ ɓee-bò ke Philippes. Nè né è bè géa, Nube ade j’oré tà jè njak j’ile’n mber Tà ke Maje le’n j’ade sei dann nyange gai-gai ke rɔi se jé.