Nyanra Njekawkulege 16:1 - Nouveau Testament en Gulay 2004

¹ Paul ree tee kêm ɓee-bòge ke Derbe se Lystre. An! njètaakêm-Krist karè bè ri’n nè Timothée ndi kêm ɓee-bò ke Lystre. E ngonn le dinye karé ke è Juip ke njètaakêm-Krist. Nè Timothée nga, bɔ’n è Grec.

Nyanra Njekawkulege 16:1 ပူးပေါင်းရင်းမြစ်များ

Nyanra Njekawkulege 14:1

Paul se Barnabas awi kêm kei kebe nan’t le Juipge titeke kété rai kêm ɓee-bò ke Antioche, ɓeekon ke Pisidie. Ei tami tà adi nunge tchanm adi dooge. Dooge ngain dann Juipge se njé ke ei Juipge lé teli njétaakêm-Kristge.

Nyanra Njekawkulege 14:21

Paul se Barnabas ilei mber Tà ke Maje kêm ɓee-bò ke Derbe ade doobulege teli ei njétaakêm-Kristge. Go’t gugu, ei teli dè nja de’t awi kêm ɓee ke Lystre a, Icone a, taɓai Antioche a tɔ, kêm ɓeekon ke Pisidie.

Nyanra Njekawkulege 14:6

Paul se Barnabas ooi kɔbe nyan ke d’ɔje le ra se de nga kété ɓaa, in-in an-in nan awi Lystre se Derbe, ɓee-bòge ke kêm ɓeekon ke Lycaonie se ɓeege ke an-in dè de.

Nyanra Njekawkulege 17:14

Ke loon’t nè kuwe, njétaakêm-Kristge ulei se Paul ade aw kum’n se ke tà ba-bò kate’t, nè Silas se Timothée á nain-in kêm ɓee ke Bérée.

Nyanra Njekawkulege 18:5

Loo ke Silas se Timothée in-in kêm ɓeekon ke Macédoine reei ɓá ɓaa, Paul tel orè kum’n dè kɔrgirtà’t le Nube kuwe deri. E ede Juipge ndàt titeke Jésu nga è Krist kuwe.

Nyanra Njekawkulege 19:22

Paul ule njé ra sennge joo, Timothée se Eraste ade awi kêm ɓeekon ke Macédoine; nè è ɓaa tel ndi kêm ɓeekon ke Asie ade kò’n tò mbɔr.

Nje Ke Rome 16:21

Timothée, njèmade kule le’m ra sei lapya. Lucius se Jason se Sosipater ke ei njénojege le’m, rai sei lapya tɔ.

1 Nje Ke Corinthe 16:10

Ke nè á Timothée aw tee ra si’t ɓaa, an-in! tá nè a kadi ndi se kêm ɓel. E nè nga géa ndi ra kule le Kuwe-ɓee titeke m’ndi m’ra’n bè tɔ.

1 Nje Ke Corinthe 4:17

Gir’n ke nè á m’ule’n ngonn kotár le’m Timothée kade ra se si dè’t. E doo ke njètaakêm-Krist ke get-get á m’ule’n ra si’t. Timothée nga à olé kêm si dè pa njiye’m ke ɔje dè Krist a, se nyange ke m’ndó njékebe nange le Nube se loo malang a tɔ.

1 Nje Ke Corinthe 7:14

Dingem ke njètaakêm-Krist lé nga, è doo ke ndi heb ngain se Nube lé ta tede tà le neen’n ke njètaakêm-Krist. Dinye ke njètaakêm-Krist lé nga, è doo ke ndi heb ngain se Nube lé ta tede tà le ngaw’n ke njètaakêm-Krist a tɔ. Ke nè á è bè lé ɓaa à ei dooge ke mine. Nè ɗarinè ɓaa, ngann sige géa ei dooge ke tooi se ninn de.

2 Nje Ke Corinthe 1:1

Man Paul, njèkawkule le Jésu-Krist se go kêmndige le Nube. Jè se ngokon si Timothée, jè ndang magtub nè j’ade njékebe nange le Nube ke ndii kêm ɓee-bò ke Corinthe. Magtub nè nga jè ndang j’ade njé ke tooi se ninn de malang ke ndii kêm ɓeekon ke Achaie bere mbak a tɔ.

2 Nje Ke Corinthe 1:19

Tede Jésu-Krist Ngonn Nube, ke man a, Silas a, Timothée a tɔ, j’ile mber tà le’n dann si’t nga, è njè kum tà minye’t joo lé. Ke nè á tam ede nè: «ḿ-m̀» ɓaa, è «ḿ m̀». Ke nè á tam ede nè : «oiyo» ɓaa, è «oiyo». Jésu-Krist è njè tam ngarankum tà se ndɔge malang.

Nje Ke Philippes 1:1

Man Paul se Timothée, ɓer kulege le Jésu-Krist. Jè ndang magtub nè j’ade njé ke tooi se ninn de ke umi nan’t bɔk se Jésu-Krist. Jè ndang magtub nè nga j’ade njékɔr non dege se njékan dè nyange le njékebe nange le Nube ke ndii kem̂ ɓee-bò ke Philippes tɔ.

Nje Ke Philippes 2:19

M’unde kem̂’m tchên ke dè Kuwe-ɓee Jésu’t le kule Timothée kalang ra si’t le kade ree se tàge ke ɔje dè si ade m’oo. Titeke bè á m’a m’inge’n tɔge’m.

Nje Ke Colosses 1:1

Man Paul m’ee njèkawkule le Jésu-Krist se go kem̂ndige le Nube. Man se ngokon jéi Timothée,

1 Nje Ke Thessalonique 1:1

Man Paul se Silas se Timothée jè ndang magtub nè j’ade njékebe nange le Bɔ jéi Nube a, se le Kuwe-ɓee le jéi Jésu-Krist ke ndii kem̂ ɓee-bò ke Thessalonique. Maje kade kem̂-maje se kem̂lom nain se si.

1 Nje Ke Thessalonique 3:2

Gir’n ke nè á jè j’ule’n ngokon jéi Timothée ra si’t. Timothée nga è njè njèkule le Nube made jé ke ile mber Tà ke Maje le Krist. Jè j’ule’n le kade ule dingem kem̂ si’t a, le kade ndeje sei a tɔ, tede kade kundekem̂ dè Nube’t le si ɓeɓere’n.

1 Nje Ke Thessalonique 3:6

Timothée in ra si sei’t tel ree ra jé’t ngɔr nè ɓai. E tel ree se ser tàge ke maje ke ɔje dè kundekem̂ le si se tár nan le si ade j’oo. Timothée ede jè titeke kem̂ si olé dè jé’t dɔ-dɔ. Taɓai, è ede jè titeke ngur tel kan kum jé ra sei pênn-pênn dum le jé jè ɓai.

2 Nje Ke Thessalonique 1:1

Man Paul se Silas se Timothée, jè ndang magtub nè j’ule’n j’ade njékebe nange le Nube Bɔ jéi se le Kuwe-ɓee le jéi Jésu-Krist ke ndii kem̂ ɓee-bò ke Thessalonique.

1 Timothee 1:18

Ngonn’m Timothée, m’unn ndu’m m’adi se go tàge ke tà Nube’t ke dé tam d’ɔje’n dèi kété mari nga. Maje kade tàge nè nga adi nin tɔgi kade i ra’n rɔ maje

1 Timothee 1:2

M’ndang magtub nè m’ade Timothée ngonn kem̂’m gir kundekem̂’t. Maje kade kem̂-maje se kem̂kanm se kem̂lom ke in ra Bɔ jéi Nube’t se ra Kuwe-ɓee le jéi Jésu-Krist nain se si.

2 Timothee 1:2

M’ndang magtub nè m’ade Timothée ngonn kotár le’m. Maje kade kem̂-maje se kem̂kanm a, se kem̂lom ke in ra Nube’t se ra Kuwe-ɓee’t le jéi Jésu-Krist nain se si.

2 Timothee 1:5

Kem̂’m olé dè ngarankum kundekem̂ dè Nube’t lei. Kundekem̂ nè nga urkei kem̂ kài Lois kété ɓita urkei kem̂ koin Eunice’t ɓai. M’ger mbak titeke kundekem̂ nè nga urkei kem̂i’t ɗarinè tɔ.

2 Timothee 3:11

M’oré tà’m njak dann nyantosowurge se nyankem̂konge ke ndɔ ke teei dèm’t kem̂ ɓee-bò ke Antioche ɓeekon ke Pisidie, se Iconium se Lystre a tɔ. Ké nyantosowurge ke rage á ndɔ ke kété rai man lé wa? Nè ndɔ ke Kuwe-ɓee ɔr’m dann nyantosowurge’t nè nga malang.

Philemon 1:1

Man Paul m’tò dangai’t tede tà le Jésu-Krist. Timothée è se’m nan’t. M’ndang magtub nè m’adi i Philémon kotár le jé se made kule le jé.

Hebreuge 13:23

Maje kade i geri titeke ngokon jéi Timothée nga d’inye’n dɔ ɓá ta. Ke nè á ree law ɓaa, j’à j’aw se’n nan’t le kan sei.