Nyanra Njekawkulege 15:7 - Nouveau Testament en Gulay 2004

⁷ Loo ke ei naji nan tà kò de heb ɗàk ɓá ɓaa, Pierre in dɔ ede de ede nè: – Ngakonmge, sei geri mbak titeke Nube ɔr’m dann si’t mari bere tede kade m’ile mber Tà ke Maje m’ade dooge ke ei Juipge lé ooi. Titeke bè á à undei kêm de dè Kuwe-ɓee Jésu’t.

Nyanra Njekawkulege 15:7 ပူးပေါင်းရင်းမြစ်များ

Jean 15:16

E sei á ɔri man lé, nè è man á m’ɔr sei m’unde sei tede kade awi a, anni se kann si a, tede kade kann si tò tutu a tɔ. Titeke bè á nyan malang ke sei deji Bɔ’m se ri’m nga, à ade sei kuwe.

Jean 3:27

Jean ede de ede nè: – Doo asekum kinge nyan se dè ra’n lé. Nyan ke Nube kuwe ade doo tá doo asekum kinge.

Nyanra Njekawkulege 1:16

– Ngakonmge se kon nannemge, tà ke Ndil-Kêmnda tam kété kêm Magtub ke tò se ninn’n nga, aw loon’t deĵ. Ndil-Kêmnda ule tà tà David’t ade tam ɔje’n dè Judas kété. Judas nè ɔse wan tel è njèkɔr non njé kuwe Jésuge.

Nyanra Njekawkulege 1:24

Taɓai dé malang d’ɔje tà se Nube d’ede nè: – Hei! Kuwe-ɓee, i ger ngarankêm dooge malang, ule jii njung dè doo karé ke i kuwe ɔr’n unde’n se ninn’n dann dooge ke joo nè ade jè.

Nyanra Njekawkulege 10:19

Pierre ndi à girtà dè nyanpinde’t nè nga ɓai. Ndil-Kêmnda ede’n ede nè: – An! dingemge mute à sangi nin.

Nyanra Njekawkulege 10:20

In dɔ kalang, i rise nang aw se de nal tile mbɔr tede è man kuwe á m’ule de.

Nyanra Njekawkulege 13:2

Ndɔ karé bè, d’ɔge kêm de ɓo a, d’an-in mann lé a tɔ. Loo ke dé ndi d’a d’ɔje tà se Nube ɓaa, Ndil-Kêmnda ede de ede nè: – Ɔri Barnabas se Saul undei de se ninn de adi man ɔje dè kule ke m’ɓar de tede nga.

Nyanra Njekawkulege 15:14

Kété mari kuwe, Nube ɔje le tɔr dooge dann dooge ke ei Juipge lé le kade ei kosdooge le’n ke kinge’n. E tà nè á Simon ɔrgir ɗarinè ade jèi.

Nyanra Njekawkulege 15:2

Paul se Barnabas ndigi se de dè tà’t nè nga lé a, naje se de tà ngain a tɔ. Gir’n ke nè á, d’ɔr’n Paul se Barnabas a, se njétaakêm-Kristge ke nange ke rang kade awi kêm ɓee-bò ke Jérusalem ingei njékawkulege se ngatɔgege ɔji se de tà dè tà’t nè nga.

Nyanra Njekawkulege 15:39

Wong ra de dè nan’t ade nanan géa unn rebe ke le’n-le’n. Barnabas ɔr Marc ile’n goon’t ali kêm bato’t awi kum de ke ɓee le’n ke Chypre.

Nyanra Njekawkulege 20:24

Ndikumgajer le’m dè nang nè nga, m’an ke nyan ke ngain le tɔse kum dè’t lé. Nè kɔr son ngɔde le’m se kule ke Kuwe-ɓee Jésu-Krist um jim’t á ke nyan ke uwe kêm’m. Kule ke Kuwe-ɓee um jim’t nga, è kule kile mber Tà ke Maje ke ɔje dè kêmnoje le Nube.

Nyanra Njekawkulege 21:16

Njétaakêm-Kristge ke nange ke Césarée danni jè awi se jé kêm kei le doo karé bè ke ri’n nè Mnason le kade jè tò tutu. Mnason nè nga è njètaakêm-Krist ke mari, ɓee koje’n è Chypre.

Nyanra Njekawkulege 3:18

Nè nyankêmkon ke ayé ra Krist ke Nube ule’n nga, Nube kuwe ade njéribe-dè-tàge le’n tami tà’n kété mari. Tà nè nga aw loon’t deĵ ɗarinè.

Nyanra Njekawkulege 4:25

E i kuwe á ndɔ ke ule tà lei tà ngonn njèndi’t lei, kà jé David, se go Ndil-Kêmnda ade tam ede nè: «Ké è tede ri á dooge ke ei Juipge lé tami tà jiki wa? Ké è tede ri á kosdooge tami tàge ke raikarè bè wa?

Nyanra Njekawkulege 9:15

Nè Kuwe-ɓee tel ede Ananias ede nè: – Aw, tede doo nè nga è nyan ra kule ke man m’ɔr’n le kade unn ri’m ase’n loo non dooge ke ei Juipge lé a, se non ngar-ɓeege a, se non kos ngann Israelge a tɔ.

Nje Ke Philippes 2:14

I rai nyan malang anje murin tà a, anje naje se ra si dè’t a tɔ.