Nyanra Njekawkulege 15:32 - Nouveau Testament en Gulay 2004

³² Jude se Silas ei njéribe-dè-tàge ke tà Nube’t. Ei géa edi de tàge ngain a, ndeji de a, ulei dingem kêm de’t a tɔ.

Nyanra Njekawkulege 15:32 ပူးပေါင်းရင်းမြစ်များ

Matthieu 23:34

Gir’n ke nè á an-in! m’a m’ule se njéribe-dè-tàge ke tà Nube’t se njékumkunjuge a, se njéndang magtubge a tɔ ra si’t. Nè sei a tɔli njé ke karége a, a i ɓeri njé ke nange kàde kage-ke-dese’t a, a i tundei njé ke nange se ndêin maru kêm kei kebe nan’t le si a, a ɔri njé ke nange kororoi se kêm ɓee-ɓee a tɔ.

Tà ke Maje ke Luc ndang 11:49

Gir’n ke nè á, Nube ke njèkumkunju tam’n tà kété ɔje’n dè si ede nè: «M’a m’ule se njéribe-dè-tàge se njékawkulege kade de. D’ade tɔl njé ke nange a, d’a d’ɔr njé ke nange kororoi a tɔ.»

Nyanra Njekawkulege 11:23

Loo ke è aw inge de Antioche ɓaa, è an noje ke Nube uwe se dooge. E ra ranel a, ndeje de malang le kade dé labe ra de parr ra Kuwe-ɓee Jésu’t se kêmnda káng.

Nyanra Njekawkulege 11:27

Kêm ndɔge ke Barnabas se Saul ndii kêm ɓee-bò ke Antioche ɓai nga, njéribe-dè-tàge ke tà Nube’t in-in Jérusalem reei Antioche.

Nyanra Njekawkulege 13:1

Njékebe nange le Nube ke ndii kêm ɓee-bò ke Antioche, ɓeekon ke Syrie nga, njéribe-dè-tàge ke tà Nube’t se njéndó dooge nyan ndii tutu. Dooge nè nga, ri de a tò nè: Barnabas a, Siméon ke dé ɓar’n «Niger» a, Lucius doo ke Cyrène a, Manaen ke ndɔ ke d’oto de nan’t se Hérode Antipas a, se Saul a tɔ. Ɓeekon ke Galilée nga, dé gaje danné loo sɔ. Hérode Antipas on ɓee dè gaje’n karé.

Nyanra Njekawkulege 14:22

Njétaakêm-Kristge ke ndii kêm ɓee-bòge’t nè nga, Paul se Barnabas ulei dingem kêm de’t a, ndeje de kade awi kum de ke kété dè kundekêm de dè Nube’t le de. Taɓai ei edi de edi nè: – Gar-gar nyantosowurge à ra jèi ngain ɓita j’à j’awi kêm Konɓee’t le Nube ɓai.

Nyanra Njekawkulege 15:1

Dooge ke nange in-in kêm ɓeekon ke Judée reei kêm ɓee-bò ke Antioche, ɓeekon ke Syrie. Ei ndói nyan njétaakêm-Kristge edi nè: – Ke nè á adi d’uje tà mɔte si se go gute-ndu le Moise lé ɓaa, Nube à aje sei ndan lé.

Nyanra Njekawkulege 15:22

Njékawkulege se ngatɔgege a, se njékebe nange le Nube bere mbak ɔji njáng le kɔr dooge joo dann de’t le kule de kade awi se Paul se Barnabas kêm ɓee-bò ke Antioche, ɓeekon ke Syrie. Dooge ke d’ade awi nan’t se Paul se Barnabas nga è Jude ke dé ɓar’n Barsabbas a, Silas a tɔ. Jude se Silas nga ei ngawtà njétaakêm-Kristge ke ndii kêm ɓee-bò ke Jérusalem.

Nyanra Njekawkulege 15:27

Jude se Silas ke j’ule de nga ei kuwe à ɔri gir tàge ke jè ndang kêm magtub’t nè kade ooi njai.

Nyanra Njekawkulege 15:3

Njékebe nange le Nube adi de nyan ke ɔje de kaw mba nè nga ji de’t. Paul se Barnabas se njé ke ei se de undei kêm ɓeekonge ke Phénicie se Samarie gangi. Ei ɔri ser tur ke dooge ke ei Juipge lé teli turi hal de undei kêm de dè Kuwe-ɓee’t adi dooge se loo malang. Ser nyan malang ke ei ɔri go nga ade njétaakêm-Kristge ranel ke bò.

Nyanra Njekawkulege 15:31

Loo ke njétaakêm-Kristge tutei magtub nè an-in ɓaa, ei rai ranel tede magtub nè ule dingem kêm de’t.

Nyanra Njekawkulege 15:41

E aw se loo-loo kêm ɓeekonge ke Syrie se Cilicie ule dingem kêm njékebe nange’t le Nube.

Nyanra Njekawkulege 18:23

Paul ndi kêm ɓee-bò ke Antioche mbɔr ɓita in aw se loo-loo kêm ɓeekonge ke Galatie se Phrygie, è ule dingem kêm njétaakêm-Kristge’t malang.

Nyanra Njekawkulege 2:40

Pierre ede de ede nè ndukunn nè nga ɔje dè dooge ke ndɔ ke rang Nube à ɓar de ɓai nga a tɔ. Pierre unn tàge ke rang bule ndeje’n de a, ule’n dingem kêm de’t a tɔ, ede nè: – Dooge ke ɗarinè ndii dè nang nè nga, ei njé ra nyan pás-pàsge. Utei ra si mbeng ra de’t kɔke ɓaa, a aji.

Nyanra Njekawkulege 20:2

E unde kêm ɓeekon nè nga gang ndeje njétaakêm-Kristge se tàge ngain ɓita in aw ɓeekon ke Grèce ndi tutu ase nan mute.

Nje Ke Rome 12:6

Nè nanan géa dann jéi’t aw se nyan-noje ke ɔje dè’n-dè’n se go noje ke Nube uwe se’n. Ke nè á doo karé inge nyan-noje ke ɔje dè ribe dè tà ke tà Nube’t ɓaa, maje kade ule’n dingem kêm ngakonnge’t ade ase dè tɔg kundekêm ke Nube ɔje ɗike’n ade’n nga.

Nje Ke Rome 12:8

Ke nè á doo karé inge nyan-noje ke ɔje dè ndeje madennge ɓaa, maje kade tɔse kum’n dè ndeje madennge’t. Nanan ke inge nyan-noje ke ɔje dè kade nyan dooge ɓaa, maje kade ade se kêm’n ke karé. Nanan ke inge nyan-noje ke ɔje dè kɔr non dooge ɓaa, maje kade ra se rakɔlé. Nanan ke inge nyan-noje ke ɔje dè ra kêmkanm ɓaa, maje kade ra se ranel.

1 Nje Ke Corinthe 1:8

E Kuwe-ɓee le jéi Jésu-Krist nga kuwe á ade a i ndai njáng dè kunde-kêm’t le si sár ndɔ ke ngeinn’t. Titeke bè á tà karé bè géa à uwe dè si kêm ndɔn’t le Kuwe-ɓee le jéi Jésu-Krist nga lé.

1 Nje Ke Corinthe 14:29

Njéribe-dè-tàge ke tà Nube’t ɓaa, maje kade dooge joo éké mute kuwe tami tà. Gute njé ke rang malang ɓaa, maje kade ndii teri tàge nè an-in.

1 Nje Ke Corinthe 14:3

Nè doo ke ribe dè tà ke tà Nube’t nga ede dooge tà ade tɔge de in’n dè made’t a, gɔl’n kêm de a, se ule’n dingem kêm de’t a tɔ.

1 Nje Ke Corinthe 14:32

Njé ke Nube ade ribei dè tà ke tànn’t nga awi se tɔgmong le kan-in dè nyan-noje nè ke è uwe’n se de noje.

Nje Ke Ephese 3:5

Nyan ke tò loo ɓɔyɔn’t nè nga, Nube ribe dè ade dooge ke kété mari gerii lé. Nè ɗarinè, è ribe dè se go Ndil’n ade njékawkulege se njéribe-dè-tàge ke tànn’t ke tooi se ninn de gai se go Ndil.

1 Nje Ke Thessalonique 2:11

Taɓai sei geri mbak titeke jè tɔse kum jé dè si’t karé-karé malang titeke bɔ ngonn ra’n se ngannenge bè.

1 Nje Ke Thessalonique 3:2

Gir’n ke nè á jè j’ule’n ngokon jéi Timothée ra si’t. Timothée nga è njè njèkule le Nube made jé ke ile mber Tà ke Maje le Krist. Jè j’ule’n le kade ule dingem kem̂ si’t a, le kade ndeje sei a tɔ, tede kade kundekem̂ dè Nube’t le si ɓeɓere’n.

1 Nje Ke Thessalonique 4:1

Ngakon jége, pa njiye ke le taa’n kum Nube nga sei i ndói ra jé’t ɓá. Kerɔte kuwe, sei rai titeke jè ndó’n sei nga ɓá. Nè né è bè géa, jè deje sei a, jè ndeje sei se ri Kuwe-ɓee Jésu a tɔ, le kade awi kum si ke kété-kété ɓai.

1 Nje Ke Thessalonique 5:14

Ngakon jége, jè ndeje sei le kade in-in se njé ke ndii à rai nyange ke pás-pàs. Ulei dingem kem̂ njé kem̂ tête mannge. I geti njé tɔg gotoge a, ilei kem̂ si pon dè dooge’t malang a tɔ.

1 Nje Ke Thessalonique 5:20

I nedi tà ndejege le njékɔrgir tàge le Nube lé.

2 Nje Ke Thessalonique 3:12

Dé dooge nè nga, jè ndeje de, taɓai j’unn ndu jé j’ade de se ri Kuwe-ɓee Jésu-Krist: maje kade ei kuwe rai kule se tà de ke mundu a, usei nyankinge de ei kuwe a tɔ.

1 Timothee 2:1

Nyan ke kété non nyange’t malang ɓaa, m’ndeje sei le kade i deji nyange Nube ɔji se’n tà i kati nin kàt-kàt, i rai nin oiyo tede dooge malang a tɔ.

2 Timothee 4:2

Né loo maje éké majelé géa, uwe rai mong ile mber Tà ke Maje. In se de dè majelé’t i ndáng de, ule dingem kem̂ de’t, i ndó de nyan se kem̂kile ke deri.

1 Pierre 5:1

M’ndeje ke ngatɔgege ke dann si’t, tede man géa m’ee ngatɔge made de tɔ. Man nga m’ee njèkɔrgo nyankem̂kon ke ra Krist. Ndɔ ke Krist à tel ree ɓaa, man m’oré se’n nan dè ndubra’t le’n.

1 Pierre 5:10

Nyankem̂konge ke à rai sei nga, kò’n à tò mbɔr lé. Nè Nube ke ɓar sei nga, nyan-nojege malang in rann’t. E ɓar sei le kade oréi nan se’n dè ndubra’t le’n ke à tò sár se non takul kum ke sei umi nan’t bɔk se Krist. Nube kuwe à tel gɔl sei kade i teli i ndai dè nja si’t njáng anje tɔ pum.

1 Pierre 5:12

Man m’an Silas ke ngokon jéi ke get. Takul’n è á m’ndang’n magtub ndêin bè m’ade sei le kule’n dingem kem̂ si’t, le kede’n sei ngarankum noje ke Nube uwe se si nga kade i ligri tutu lagr-lagr.