Nyanra Njekawkulege 15:3 - Nouveau Testament en Gulay 2004

³ Njékebe nange le Nube adi de nyan ke ɔje de kaw mba nè nga ji de’t. Paul se Barnabas se njé ke ei se de undei kêm ɓeekonge ke Phénicie se Samarie gangi. Ei ɔri ser tur ke dooge ke ei Juipge lé teli turi hal de undei kêm de dè Kuwe-ɓee’t adi dooge se loo malang. Ser nyan malang ke ei ɔri go nga ade njétaakêm-Kristge ranel ke bò.

Nyanra Njekawkulege 15:3 ပူးပေါင်းရင်းမြစ်များ

Tà ke Maje ke Luc ndang 15:32

Gar-gar è tà le jé le kade j’ade dé ra mur tête tà ɓee kade j’ali ra jéi. Tede ngokoin ke nda nè nga man m’an’n ke doo ke wei ɓá, nè è tel tɔse ndel; man m’an’n ke doo ke ndem oso kɔke nè m’tel m’inge’n.»

Nyanra Njekawkulege 1:15

Ndɔ karé bè, njétaakêm-Kristge kebi nan asi aru se kɔr-joo. Pierre ɔse nang in dɔ dann de’t ede de ede nè:

Nyanra Njekawkulege 13:48

Loo ke njé ke ei Juipge lé ooi tà le Paul bè ɓaa, ei rai ranel. Ei rai Kuwe-ɓee Nube oiyo tede tà le’n ke ooi. Dooge malang ke Nube uwe dè nja ndikumgajer se non ɔje’n dè de nga, teli ei njétaakêm-Kristge.

Nyanra Njekawkulege 13:52

Nè né è bè géa, njékuwe-gir-Kristge ndii se ranel a, Ndil-Kêmnda taa kêm de pel-pel a tɔ.

Nyanra Njekawkulege 14:27

Loo ke njékawkulege ke joo nè teli reei Antioche, ɓeekon ke Syrie ɓá ɓaa, ɔsi nja njékebe nange le Nube ɔri ser nyange malang ke Nube ra se de a, se tà rebe ke è ɔr inye wei ade dooge ke ei Juipge lé undei kêm de dènn’t a tɔ adi d’oo.

Nyanra Njekawkulege 15:1

Dooge ke nange in-in kêm ɓeekon ke Judée reei kêm ɓee-bò ke Antioche, ɓeekon ke Syrie. Ei ndói nyan njétaakêm-Kristge edi nè: – Ke nè á adi d’uje tà mɔte si se go gute-ndu le Moise lé ɓaa, Nube à aje sei ndan lé.

Nyanra Njekawkulege 15:12

Kosdooge malang ke ndii loo kebe nan’t nga teli ndii sibik. Go’t gugu ɓaa, dé bere mbak d’ur mbi de d’oo’n ser nyankɔbege se nyange ke dum kum ke Nube ade Barnabas se Paul ndɔ ke rai dann dooge ke ei Juipge lé. E Barnabas se Paul kuwe á ɔri ser nyange nè adi d’oo.

Nyanra Njekawkulege 15:22

Njékawkulege se ngatɔgege a, se njékebe nange le Nube bere mbak ɔji njáng le kɔr dooge joo dann de’t le kule de kade awi se Paul se Barnabas kêm ɓee-bò ke Antioche, ɓeekon ke Syrie. Dooge ke d’ade awi nan’t se Paul se Barnabas nga è Jude ke dé ɓar’n Barsabbas a, Silas a tɔ. Jude se Silas nga ei ngawtà njétaakêm-Kristge ke ndii kêm ɓee-bò ke Jérusalem.

Nyanra Njekawkulege 15:32

Jude se Silas ei njéribe-dè-tàge ke tà Nube’t. Ei géa edi de tàge ngain a, ndeji de a, ulei dingem kêm de’t a tɔ.

Nyanra Njekawkulege 15:4

Loo ke Paul se Barnabas se dooge ei se de teei kêm ɓee-bò ke Jérusalem ɓá ɓaa, njékebe nange le Nube a, njékawkulege a, se ngatɔgege a tɔ uwei de mba se maje’n. Paul se Barnabas ɔri ser nyange malang ke Nube ra se adi d’oo.

Nyanra Njekawkulege 17:15

Njé ke danni Paul nga awi se’n sár kêm ɓee-bò ke Athènes ɓita ɔsi teli ɓai. Paul unn ndu’n ade de kade d’aw d’ede Silas se Timothée kade reei kalang ingei nin kêm ɓee-bò ke Athènes.

Nyanra Njekawkulege 20:38

Tam ke Paul tam ede nè d’a kan kum’n gugu lé ta nga, è tà karé ke ree se kumndoo ade de ngain. Nè né è bè géa, dé dann’n sár d’aw se’n tà bato’t.

Nyanra Njekawkulege 21:5

Nè loo ke jè ra se de ndɔge nè nga jè tɔl mbas ɓá ɓaa, j’in j’aw. D’in malang se neen dege a, se ngann dege a tɔ, dé dann jé sár d’aw se jé gide ɓee-bò’t nata. J’ɔse keje jé nang tà ba-bò’t j’ɔje tà se Nube.

Nyanra Njekawkulege 28:15

Loo ke ngakon jé ke njétaakêm-Kristge ke ɓee-bò ke Rome ooi ser jé ɓaa, ei reei tilei non jé sár ingei jè loo kase-ko’t ke Appius a, taɓai ei ingei jè loo ke d’unde ri’n nè «Kei kuse nyan le mbage ke mute» a tɔ. Loo ke Paul an de ɓaa, è ra Nube oiyo, taɓai korè tà njak taa ra’n pel-pel.

Nyanra Njekawkulege 8:14

Dooge ke kêm ɓeekon ke Samarie taai tà le Nube ke Philippe ile mber’n ade de nga. Loo ke njékawkulege ke ndii kêm ɓee-bò ke Jérusalem ooi tà’n ɓaa, ei ɔri Pierre se Jean ulei de ra de’t.

Nje Ke Rome 15:24

Loo ke ndɔn’t m’a maw ke kêm ɓeekon ke Espagne ɓaa, m’ɔje kêm’m tchên le gang dè si’t kan sei. Loo ke m’an sei ase’m ɓá ɓaa, m’ɔje kêm’m dè si’t le kade undei man rebe adi m’aw.

1 Nje Ke Corinthe 16:11

Maje kade doo karé dann si’t nede’n lé. I danni nin adi tel ree ra’m’t se kêmlom. Man a, se ngakonnge ke nè a tɔ, jè ndi jè ngine’n.

1 Nje Ke Corinthe 16:6

Bainléa, m’a m’ndi se si ndêin éké m’a m’ndi se si sár kade ɓal ndɔɔ’n. Ke nè á è bè ɓaa, è sei á ndɔn’t a i danni man kawi se’m loo ke m’a m’aw tutu nga.

2 Nje Ke Corinthe 1:16

M’a tee se rebe ke ra si’t kaw kêm ɓeekon ke Macédoine. Taɓai m’a m’in Macédoine le tel ree ra si’t tá a i danni man kawi se’m ɓeekon ke Judée’t ɓai.

Tite 3:13

I ra se Apollos se Zénas njèndó dooge gute-ndu dè kaw mba’t le de. I tɔse kumi dè de’t le kade nyan karé nal de lé.