Nyanra Njekawkulege 15:29 - Nouveau Testament en Gulay 2004

²⁹ Maje kade ɔgi ra si dè dange ke dé tɔl dé gugu’n magege se dè mese dange’t a, se dè nyange ke d’uje de ke mese d’ade magege a, se dè dange ke dé mbir kɔbe de a, se dè tò se nan ke kaiya’t a tɔ. Ke nè á an-in go ra si sêw-sêw dè nyange’t nè ɓaa, sei i rai nyanra ke maje. I ndii lapya ta.»

Nyanra Njekawkulege 15:29 ပူးပေါင်းရင်းမြစ်များ

Tà ke Maje ke Luc ndang 9:61

Doo karé ke rang ree ede Jésu ede nè: – Kuwe-ɓee, m’a m’unn dè njai têr-têr kuwe, nè inye’m ade m’aw m’an kum njénojege le’m m’nain’n kété pa ɓita.

Nyanra Njekawkulege 15:20

Nè adi jè ndangi magtub j’adi de le kade d’ɔge ra de dè nyange ke mine ke dé gugu’n magege a, se dè tò se nan ke kaiya’t a, se dè dange ke mbir kɔbe de a, éké dè mese dange’t a tɔ.

Nyanra Njekawkulege 18:21

E ube de inye de, ede de ede nè: – Ke nè á Nube ndige ɓaa, m’a tel ree ra si’t ɓai. Paul al kêm bato’t aw kêm ɓee-bò ke Ephèse.

Nyanra Njekawkulege 21:25

Njétaakêm-Kristge ke ei Juipge lé nga, è soo’t le kade jè ndangi magtub jè ndeji de le kade ɔgi ra de dè dange ke dé polé’n mage, se dè mese’t a, dè dange ke mbir kɔbe a, se dè tò se nan ke kaiya’t a tɔ.

Nyanra Njekawkulege 23:30

Doo karé bè ree ede’m titeke Juipge ɔri nan tà dènn’t le tɔli nin. Gir’n ke nè á m’in’n ke loon’t nè m’ule’n se’n rai’t. Njékile tà dènn’t nga, m’ede de kade awi sêki nin noin’t nú ta.

2 Nje Ke Corinthe 11:9

Loo ke ndɔ ke m’ra kule dann si’t nga ndoo nyan ra’m kuwe, nè m’ɔi dè doo karé bè dann si’t lé. E ngakon jéige ke njétaakêm-Kristge ke Macédoine á ndɔ ke rai se’m dè nyan ke nal’m. M’unde kumkunju dè ram’t tede kade m’tel m’ee nyankoto ke wɔi dè si’t lé. M’a m’ra bè-bè kum’m ke kété ɓai.

2 Nje Ke Corinthe 13:11

Ngakonmge, gute tàge ke nain kade m’ede sei á tò nè: I rai ranel se ndɔge-ndɔge, awi kum si ke kété-kété dè maje kɔr njêt’t, i sɔli kêm nan, adi tàgir le si è karé, i ndii se kêmlom. Titeke bè á Nube ke njè tár sei ke kêmlom in rann’t à nain’n se si.

1 Timothee 5:22

In kalang ile ji dè doo’t tede kum’n kule kɔr non njékebe nange le Nube jinn’t lé. Um nan’t se doo ke rang dè majelége’t le’n lé. I kuwe an go rai sêw-sêw.

Jacques 1:27

Tɔse kum dè ngann halge’t se njékei-kingege dè nyantosowurge’t le de a, kan go ra sêw-sêw dè nyange ke mine ke dè nang nè a tɔ, è ngarankum ger Nube ke taa kum Bɔ jéi Nube.

1 Jean 5:21

Ngannemge, an-in go ra si maje ɔje dè mage polége!

Jude 1:24

Nube aw se tɔgmong le kan’n dè si kade osoi lé. Nube à ade a i ndai non ndubra’t le’n ke bò se ranel anje tà karé dè si’t.

Lookilera’n 2:14

Nè i ngonm dooge ke nange ke njé liger lagr-lagr dè nyan-ndó’t le Balaam nga sár ɓila ɓai. Balaam nga kété ndó Balak kade tel è jig non ngann Israelge’t. E ndó de kuse dan ke dé tɔl d’ade magege a, le kade tooi se nan ke kaiya’t a tɔ. E ke nè á è nyan ke ade m’aw’n sei se tà ndêin.

Lookilera’n 2:20

Nè i inye Jézabel, dinye ke ra ra’n ke njèribe-dè-tà ke tà Nube’t nga rai’t ɓai. Dinye nè nga ade ɓer kulege le’m ndemi rebe tede è ndó de tò se nan ke kaiya’t a, ade usei dan ke polé’n magege a tɔ. E ke nè á è nyan karé ke ade m’aw’n sei se tà.