Nyanra Njekawkulege 15:24 - Nouveau Testament en Gulay 2004

²⁴ Jè j’oo titeke njé ke nange in-in dann jé’t awi bunguli sei se tàge ade tàgirge le si aw yo-yo, nè-nè. Dé dooge nè nga, è jè á j’unn ndu jé j’ade de lé.

Nyanra Njekawkulege 15:24 ပူးပေါင်းရင်းမြစ်များ

Nyanra Njekawkulege 15:1

Dooge ke nange in-in kêm ɓeekon ke Judée reei kêm ɓee-bò ke Antioche, ɓeekon ke Syrie. Ei ndói nyan njétaakêm-Kristge edi nè: – Ke nè á adi d’uje tà mɔte si se go gute-ndu le Moise lé ɓaa, Nube à aje sei ndan lé.

Nje Ke Galatie 1:7

Ḿ-m̀, Tà ke Maje ke rang karé bè goto. Nè dooge ke nange dé bungul sei karè a, dé ndige tur Tà ke Maje le Krist nga kile gel a tɔ.

Nje Ke Galatie 5:10

Kuwe-ɓee ade m’ndà kem̂’m káng dè si’t titeke tàgir le si à tò gai se le’m lé. Nè doo ke njè bungul sei nga, né ee’n doo ke bain-bain géa, Nube à ade kure nyanra’n à ɔde kum’n ɓai.

Nje Ke Galatie 5:12

Dooge ke njé bungul sei titeke bè nga, maje kade d’ade dé tɔr gum de d’oré’n dè kuje tà mɔte de ɓaa, à è soo de’t.

Nje Ke Galatie 5:4

Ke nè á i sangi le kade tà ɔr dè si’t non Nube’t se go gute-ndu nga ɓaa, sei tin-in se Krist ɓá ta. Taɓai noje ke Nube uwe se si nga utei piring ilei kɔke a tɔ.

2 Timothee 2:14

Olé kem̂ de dè nyange’t nè nga a, i ndeje de non Nube’t le kade d’inye go naje tà ke raikarè. Tede tà najege ke raikarè nè nga à tuju njé ke ooi tà’n se mbi de.

1 Jean 2:19

Njé kɔse tà se Krist nga in-in dann jéi’t nè kuwe, nè kété géa ei le jéige lé. Gir’n ke nè á undei loo teei dann jéi’t kɔke. Ke nè á né ndɔ ke ei le jéi ɓaa, né à nain-in se jéi. Nè kunde ke undei loo i teei dann jéi’t kɔke nga, ade jè geri njai titeke ei le jéige ndan lé.