Nyanra Njekawkulege 15:20 - Nouveau Testament en Gulay 2004

²⁰ Nè adi jè ndangi magtub j’adi de le kade d’ɔge ra de dè nyange ke mine ke dé gugu’n magege a, se dè tò se nan ke kaiya’t a, se dè dange ke mbir kɔbe de a, éké dè mese dange’t a tɔ.

Nyanra Njekawkulege 15:20 ပူးပေါင်းရင်းမြစ်များ

Nyanra Njekawkulege 15:29

Maje kade ɔgi ra si dè dange ke dé tɔl dé gugu’n magege se dè mese dange’t a, se dè nyange ke d’uje de ke mese d’ade magege a, se dè dange ke dé mbir kɔbe de a, se dè tò se nan ke kaiya’t a tɔ. Ke nè á an-in go ra si sêw-sêw dè nyange’t nè ɓaa, sei i rai nyanra ke maje. I ndii lapya ta.»

Nyanra Njekawkulege 21:25

Njétaakêm-Kristge ke ei Juipge lé nga, è soo’t le kade jè ndangi magtub jè ndeji de le kade ɔgi ra de dè dange ke dé polé’n mage, se dè mese’t a, dè dange ke mbir kɔbe a, se dè tò se nan ke kaiya’t a tɔ.

1 Nje Ke Corinthe 5:11

Ḿ-m̀, magtub ke m’ndang m’ade sei ɗarinè nga ɔje dè doo ke ɓar ra’n ke njètaakêm-Krist, nè tel è njè tò se nan ke kaiya’t éké njèkêmkein se njè gugu mage éké njè taje ndu éké njè kade yibe ule mbe dènn’t, éké njèɓog. Doo ke titeke bè nga, utei nin mbeng. Nyankuse géa a usei se’n nan’t lé.

1 Nje Ke Corinthe 6:13

Sei i tami edi nè: «Nyankuse tò tede kêm doo a, kêm doo tò tede nyankuse a tɔ.» E kum kuwe, nè né è bè géa ndɔ karé kuwe Nube à tuju de joo mbak. Nè danra doo nga Nube ra’n ɔje dè tò se nan ke kaiya’t lé. Danra doo nga tò tede Kuwe-ɓee a, Kuwe-ɓee géa ndi tede le danra doo a tɔ.

1 Nje Ke Corinthe 6:18

Utei ra si mbeng dè tò se nan ke kaiya’t. Majelé ke rang ke rara ke doo ra nga, è gide rann’t nata. Nè doo ke inye ra’n nyein dè tò se nan ke kaiya’t ɓaa, è kuwe ra majelé se danra’n.

1 Nje Ke Corinthe 6:9

Njé ra nyange ke se dè naje’n lé nga à ingei loo kêm Konɓee’t le Nube lé. Ké sei geri bè lé wa? Adi kum si sú sei lé: Njé tò se nan ke kaiya’t, njé gugu magege, njé sang dinyege éké dingemge ke rang, njé tel ra de ke dinyege, dingemge ke sangi dingemge made dege tooi se de ke dinyege,

1 Nje Ke Corinthe 7:2

Nè le kade tò se nan ke kaiya’t ebe’n ra’n ndêin ɓaa, maje kade dingem ke rara géa taa dinye ke ɔje dè’n a, dinye ke rara géa taa dingem ke ɔje dè’n a tɔ.

1 Nje Ke Corinthe 8:1

Ɗarinè m’ndang magtub ɔje dè dan ke dé pole’n magege. Kerɔte kuwe, jèi malang jèi «njé nyangerge» titeke i tami. Nè nyanger ade doo ti ra’n mugug-mugug, nè tár nan á ade doo ra’n tɔge dè kundekêm’t le’n.

2 Nje Ke Corinthe 12:21

M’ɓel kêm’t tede bainléa ndɔ ke m’a m’tel kaw ɓee le si nga, Nube à ade m’a m’ndi dann rasɔl’t ɔje dè si. M’ndɔ ngain m’ede nè bainléa tel’m dann si’t ke gugu rang ɓaa, m’ayé ndi dann kumndoo’t tede tà le njé ke kété ke ndii se ra de ke mine titeke kété kuwe ɓai. M’ndɔ ngain m’ede nè bainléa ndɔn’t m’ayé ndi dann kumndoo’t tede tà le njé ke nange ke ndii à tooi se nan ke kaiya’t a, à ɔdi nan rai nyange ke pás-pàs se ndɔge malang a tɔ.

Nje Ke Galatie 5:19

Ngur nyange ke majelé le danra nga tooi nata ndái-ndái. Ei á tooi nè: Tò se nan ke kaiya’t, ra mine, nyanra ke pás-pàs.

Nje Ke Ephese 5:3

Maje kade ri tò se nan ke kaiya’t se ra mine se nede nyan ke rara géa ɓar dann si’t lé. Nyange nè nga tuwe sei njétaakem̂-Kristge ɗêw lé karè.

Nje Ke Colosses 3:5

Gir’n ke nè á inyei go tò se nan ke kaiya’t se nyan ke mine, se kem̂kein se ngur nyan ke majelé se nede nyan ke è mage polé nga, adi wei ra si’t mbɔrɔk-mbɔrɔk. Nyange malang nè nga ei le nang nè.

1 Nje Ke Thessalonique 4:3

Nyan ke taa kum Nube nga è le kade ra si unju nyang-nyang a, le kade ɔgi ra si dè tò se nan ke kaiya’t a tɔ.

Hebreuge 12:16

An-in go ra si maje le kade doo karé bè géa tel è njè tò se nan ke kaiya’t éké njè nede nyan tite Esau lé. Esau nga, ndɔ ke ige nyan ke ɔje dè ngonn der nga kɔke tede nyankuse ke nja karé bere.

Hebreuge 13:4

Maje kade dooge malang ilei koje dè taa nan’t. Maje kade dingem se dinye adi taa nan le de unju nyang-nyang. Kerɔte kuwe, Nube à gangtà dè dooge ke njé tò se nan ke kaiya’t a, à gangtà dè njé tò se dinye le dooge a tɔ.

1 Pierre 4:3

Kété mari sei ndigi rai nyange ke uwei kem̂ dooge ke geri Nube lé tá ngain. Nè adi ase bè ɗarinè ta. Tede kété mari sei rai nyange ke pás-pàs. Sei njé ra ɓer le ngur nyange gai-gai a tɔ. Kété nga, sei njé ra ɓer le yibege a, sei doo nyankusege a, sei gon kain yibege a, se njé kule ra de mbiriri dann polé mage ke tò yêr tàkum Nube’t.

Lookilera’n 10:2

Doo nè nga teen tà ngonn magtub karé bè uwe jinn’t. E ile nja’n ke kon dè ba-bò kate’t a, ile nja’n ke gel dè nang’t a tɔ.

Lookilera’n 10:8

Ndu doo ke ɓar danrán ke kété m’oo nga tel ede’m ede nè: «Aw, i taa ngonn magtub ke doo ke danrán karé ke nda se nja’n dɔ dè ba-bò kate’t se dè nang’t nè teen uwe jinn’t nda’n non.»

Lookilera’n 2:14

Nè i ngonm dooge ke nange ke njé liger lagr-lagr dè nyan-ndó’t le Balaam nga sár ɓila ɓai. Balaam nga kété ndó Balak kade tel è jig non ngann Israelge’t. E ndó de kuse dan ke dé tɔl d’ade magege a, le kade tooi se nan ke kaiya’t a tɔ. E ke nè á è nyan ke ade m’aw’n sei se tà ndêin.

Lookilera’n 2:20

Nè i inye Jézabel, dinye ke ra ra’n ke njèribe-dè-tà ke tà Nube’t nga rai’t ɓai. Dinye nè nga ade ɓer kulege le’m ndemi rebe tede è ndó de tò se nan ke kaiya’t a, ade usei dan ke polé’n magege a tɔ. E ke nè á è nyan karé ke ade m’aw’n sei se tà.

Lookilera’n 9:20

Gute dooge malang ke por se sà por a, se nyan karé ke ker jengleng tɔl de lé nga mbati turi hal de. Ei ɗɔyi ndilge ke majelé a, se mage polége ke asi kan-in loo éké kooi tà éké njiyei lé a tɔ. Mage polége nè nga, è dé dooge nè kuwe á dé leen de se nar-ɔr, se nar-nda, se ninge-kase éké se mbal éké se kagege ke dé tɔl a tɔ.