Nyanra Njekawkulege 15:2 - Nouveau Testament en Gulay 2004

² Paul se Barnabas ndigi se de dè tà’t nè nga lé a, naje se de tà ngain a tɔ. Gir’n ke nè á, d’ɔr’n Paul se Barnabas a, se njétaakêm-Kristge ke nange ke rang kade awi kêm ɓee-bò ke Jérusalem ingei njékawkulege se ngatɔgege ɔji se de tà dè tà’t nè nga.

Nyanra Njekawkulege 15:2 ပူးပေါင်းရင်းမြစ်များ

Nyanra Njekawkulege 10:23

Pierre aw se njékulege le Corneille kêm kei, ra de mba. Barè lookar’n kuwe, è in aw se de. Njétaakêm-Krist ke nange ke kêm ɓee ke Joppé danni nin awi se’n.

Nyanra Njekawkulege 11:12

Ndil-Kêmnda ede’m le kade m’aw se de anje tile mbɔr. Njétaakêm-Kristge mute-mute ke ndai nè nga ndɔ ke danni man awi se’m Césarée kei le Corneille.

Nyanra Njekawkulege 11:30

Loo ke ei rai nyange nè titeke ɔji nga ɓá ɓaa, ei teli umi ji Barnabas se Saul ade awi adi ke ngatɔgege ke kêm ɓeekon ke Judée.

Nyanra Njekawkulege 15:25

Gir’n ke nè á j’um tà le jé nan’t bɔk j’ɔr’n dooge j’ule’n de j’ade awi se Barnabas se Paul nan’t ra si’t. Barnabas se Paul nga ei kotárge le jé,

Nyanra Njekawkulege 15:27

Jude se Silas ke j’ule de nga ei kuwe à ɔri gir tàge ke jè ndang kêm magtub’t nè kade ooi njai.

Nyanra Njekawkulege 15:4

Loo ke Paul se Barnabas se dooge ei se de teei kêm ɓee-bò ke Jérusalem ɓá ɓaa, njékebe nange le Nube a, njékawkulege a, se ngatɔgege a tɔ uwei de mba se maje’n. Paul se Barnabas ɔri ser nyange malang ke Nube ra se adi d’oo.

Nyanra Njekawkulege 16:4

Paul se Silas ɔri gir ndukunnge le njékawkulege se ngatɔgege ke unni kêm ɓee-bò ke Jérusalem. Ei ɔri gir ndukunnge nè nga adi njétaakêm-Kristge se kêm ɓee-bòge malang ke desi tutu le kade an-in dè sêw-sêw.

Nyanra Njekawkulege 21:18

Barè lookar’n ɓaa, Paul aw se jé ra Jacques’t, ngatɔgege malang reei ingei jè rann’t.

1 Nje Ke Corinthe 1:1

Man Paul, Nube ɓar’m le kade m’ee njèkawkule le Jésu-Krist se go kêmndige le’n è Nube. Man jè se ngokon jéi Sosthène,

2 Nje Ke Corinthe 11:5

Njé ke rai ra de ke njékawkulege ke bòi ngain nè nga, m’an nyan karé bè ke dé dum’m lé karè.

Nje Ke Galatie 2:5

j’inye kurloo ke ndêin bè géa j’ade de lé a tɔ. Jè ra titeke bè le kade ngarankum tà le Tà ke Maje nga too’n njáng dann si’t.

Jude 1:3

Kotárge le’m, m’in kalang m’ndang magtub nè m’ade sei ɔje dè kaje le jéi ke j’orèi nan dè’t nga. Gar-gar è tà le’m le ndang magtub kade sei kule’n dingem kem̂ si’t tede kade i rai rɔ dè kundekem̂’t. Kundekem̂ nga Nube ade njétaakem̂-Kristge nja karé bere ke ngang’n.