Nyanra Njekawkulege 14:5 - Nouveau Testament en Gulay 2004

⁵ Njékɔr non Juipge se Juipge a, se njé ke ei Juipge lé a tɔ, ɔji le rai Paul se Barnabas majelé a, le tilei de se kuberi herge tɔl de a tɔ.

Nyanra Njekawkulege 14:5 ပူးပေါင်းရင်းမြစ်များ

Matthieu 5:44

Nè man m’ede sei ndàt, i tári njébange le si a, ɔji tà se Nube tede njé ke ɔri sei kororoi a tɔ.

Tà ke Maje ke Luc ndang 6:28

I deji Nube le kade tɔr ndu’n dè njé ke d’ɔr se si a, ɔji tà se’n tede le njé ra se si majelége a tɔ.

Nyanra Njekawkulege 13:45

Njé ke reei le kooi tà bulei ngain. Loo ke Juipge an-in kosdoo-bulege nè nga bè ɓaa, jang unn gir ra de. Gir’n ke nè á, d’ute’n tàge le Paul mbeng-mbeng a, dé taje’n a tɔ.

Nyanra Njekawkulege 13:50

Dinyege ke njé ɗɔi Nubege ke ei njényan-kingege ndii kêm ɓee-bò’t nè tɔ. Juipge sulei de se dooge ke kum de unju ke kêm ɓee-bò’t nè nga adi unni gir rai kum Paul se Barnabas ndoo. Dé rɔ Paul se Barnabas kêm ɓeekon’t le de kɔke.

Nyanra Njekawkulege 14:19

Nè mbɔr go’t gugu ɓaa, Juipge in-in kêm ɓee ke Antioche ɓeekon ke Pisidie, se kêm ɓee ke Icone reei umi tà kêm doobulege’t ade in-in tilei Paul se kuberi her mbàs-mbàs. Dé ndɔr’n d’aw se’n d’ile’n gide ɓee-bò’t nata. Dé gir kêm de’t d’ede nè è wei ɓá.

Nyanra Njekawkulege 14:2

Nè Juipge ke nange ke njé kunn mbi de dè tà’t le Jésu sulei njé ke ei Juipge lé dè Paul se Barnabas.

Nyanra Njekawkulege 14:4

Dooge ke kêm ɓee-bò’t nè nga kayai nan danné joo: njé ke nange umi gir Juipge’t a, njé ke nange osoi gir njékawkulege’t a tɔ.

Nyanra Njekawkulege 17:5

Nè jang ra Juipge ade ɔri dooge ke njékile dɔ se njékêmyêr ke nange umi de go de’t ade sulei dooge. Ei rai titeke bè adi tà oso’n ade dookêmɓeege awi dè nan’t kutri. Go’t gugu, ei in-in awi kêm kei le Jason sangi Paul se Silas tede le kaw se de non kosdooge’t nata.

2 Nje Ke Corinthe 11:26

Dɔ-dɔ m’aw mba se nja’m, ba ayé kuwe’m a, njéɓog-ge umi man rebe le tɔli man, girkojege le’m sangi tɔli man, Juipge se njé ke ei Juipge lé sangi le tɔli man a tɔ. Dooge ke ndii kêm ɓee-bòge’t se njé ke ndii kêm dile’t géa sangi tɔli man a, ba-bò kate ayé kuwe’m a tɔ. Dooge ke rai ra de ke ngakonmge ke njétaakêm-Kristge sangi tɔli man a tɔ.

1 Nje Ke Thessalonique 2:14

Ngakon jége, ndɔ ke nyankem̂kon ra njékebe nange le Nube ke ndii kem̂ ɓeekon ke Judée ke umi nan’t bɔk se Jésu-Krist. Nyankem̂kon ke dooge ke ɓee le si rai se si nè nga, è gar è ke ndɔ ke Juipge rai se se de dé njékebe nange le Nube ke ndii kem̂ ɓeekon ke Judée nga tɔ.

1 Nje Ke Thessalonique 2:16

D’ɔge jè loo kile mber le kade dooge ke ei Juipge lé ingei kaje. Dé ra titeke bè d’ile’n kaiyage le de dè made’t se ndɔge malang. Nè loo tɔl tà’n ɓaa, wong le Nube oso dè de’t ɓai.

1 Nje Ke Thessalonique 2:2

Sei geri titeke ndɔ ke nyankem̂kon se taje ndu ase jè nák-nák kem̂ ɓee-bò ke Philippes. Nè né è bè géa, Nube ade j’oré tà jè njak j’ile’n mber Tà ke Maje le’n j’ade sei dann nyange gai-gai ke rɔi se jé.

2 Timothee 3:11

M’oré tà’m njak dann nyantosowurge se nyankem̂konge ke ndɔ ke teei dèm’t kem̂ ɓee-bò ke Antioche ɓeekon ke Pisidie, se Iconium se Lystre a tɔ. Ké nyantosowurge ke rage á ndɔ ke kété rai man lé wa? Nè ndɔ ke Kuwe-ɓee ɔr’m dann nyantosowurge’t nè nga malang.