Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Nyanra Njekawkulege 14:23 - Nouveau Testament en Gulay 2004

23 Paul se Barnabas tɔri ngatɔgege se loo kebe nan le Nube karé-karé malang adi an-in dè njétaakêm-Kristge. Loo ke ei tɔri de ɓá ɓaa, ei ɔgi kêm de ɓo a, an-in mann lé a tɔ, ɔji tà se Nube, ɓita umi ngatɔgege nè ji Kuwe-ɓee ke ei undei kêm de dènn’t.

အခန်းကိုကြည့်ပါ။ ကော်ပီ




Nyanra Njekawkulege 14:23
28 ပူးပေါင်းရင်းမြစ်များ  

Nè ndil ke majelé ke tite è ke nè nga, ke nè á ɔgi kêm si ɓo ɔji tà se Nube lé ɓaa, sei asikum rɔ nin kɔke lé.


E tɔr dooge dɔg-gidé-joo unde de ke njékawkulege. Jésu tɔr de unde de le kade umi se’n nan’t bɔk a, le kule de loo kile mber’t a tɔ.


Loo ke ngaw’n wei ɓaa, è tel taa ngaw gugu lé sár ade ɓal koje’n ase’n kɔr-sɔsɔ-gidé-sɔ. Anne ra kule ade Nube se ndɔge malang. Gir’n ke nè á è inye’n kêm kei le Nube sengel lé. E ɔge kêm’n ɓo dɔ-dɔ tede ndinge’n ndoo tà Nube’t kada a, ndɔ a tɔ.


Jésu ra nyan beng ede nè: – Bɔ’m, m’inye ndil’m kêm jii’t. Loo ke è tam tà nè nga bè ɓaa, tà’n tête nyonk.


Doo nè nga, gar-gar maje kade è doo ke ndɔ ke è se jéi nan’t, unn gir ndɔ ke Jean ule’n Jésu manné njonm sár tee’n ndɔ ke Nube unn’n dann jéi’t seen aw’n se’n danrán.


Taɓai dé malang d’ɔje tà se Nube d’ede nè: – Hei! Kuwe-ɓee, i ger ngarankêm dooge malang, ule jii njung dè doo karé ke i kuwe ɔr’n unde’n se ninn’n dann dooge ke joo nè ade jè.


Loo ke ei rai nyange nè titeke ɔji nga ɓá ɓaa, ei teli umi ji Barnabas se Saul ade awi adi ke ngatɔgege ke kêm ɓeekon ke Judée.


Paul se Barnabas ndai loon’t nè ali kêm bato’t teli wan reei kêm ɓee-bò ke Antioche, ɓeekon ke Syrie gugu. Antioche nè nga, è loo ke ndɔ ke kété d’um’n de ji Nube’t kade an dè de ɔje’n dè kule ke d’ɔr son’n ɗarinè nga.


Dé ndang magtub d’ade de ji de’t se tàge ke nè d’ede nè: «Jè njékawkulege se ngatɔgege a, se njétaakêm-Kristge a tɔ, jè ndang magtub nè j’ade sei njétaakêm-Kristge ke sei Juipge lé ke i ndii kêm ɓee-bò ke Antioche, ɓeekon ke Syrie se Cilicie. Jè ner sei.


Loo ke Paul se Barnabas se dooge ei se de teei kêm ɓee-bò ke Jérusalem ɓá ɓaa, njékebe nange le Nube a, njékawkulege a, se ngatɔgege a tɔ uwei de mba se maje’n. Paul se Barnabas ɔri ser nyange malang ke Nube ra se adi d’oo.


Njékawkulege se ngatɔgege ɔsi nja nan le teri gir tà nè nga kan-in.


Nè né è bè géa, loo ke Paul tee kêm ɓee ke Milet ɓaa, è ule kule ɓar ngatɔgege le njékebe nange le Nube ke kêm ɓee-bò ke Ephèse.


Ɗarinè, m’um sei ji Nube’t a, m’um sei dann tà kêmnoje’t le’n a tɔ. Tà kêmnoje le Nube nga asekum ra se sei kade ingei nyange malang ke Nube uwe dè nja unde konn tede le njétaakêm-Kristge malang.


Taɓai, njékebe nange le Nube ɔri ngokon jé nè nga ke njèmade kaw mba le jé. Mba ke j’à j’aw nga ɔje dè kaya nyan-noje ke dé tann tede le njétaakêm-Kristge ke ndii nú. Jè ra kule nè nga tede tà le si titeke bè tede kade dooge ilei riɓar dè Kuwe-ɓee’t a tɔ.


In se bɔ dingem i ndáng’n ɓej-ɓej lé, nè i ndeje’n tite bɔi bè. I ndeje basa titeke i ndeje’n ngakoinge bè.


In kalang ile ji dè doo’t tede kum’n kule kɔr non njékebe nange le Nube jinn’t lé. Um nan’t se doo ke rang dè majelége’t le’n lé. I kuwe an go rai sêw-sêw.


E tede è ke nè á m’ndii’n dann kem̂konge’t nè nga. Nè m’ade ra’m sɔl’m lé; m’nda kem̂’m káng tede m’ger Jésu ke m’unde kem̂’m dènn’t nga mbak; m’ger kem̂’t mbak tite è asekum le ngonm nyan ke um jim’t nga sár ndɔ ke ngeinn’t.


Nyange ke ndɔ ke i ndó ram’t tàkum njékɔrgo tàge’t bule nga, inye tà’n ji dingemge’t ke ei ke maje kojege ke asi ndói dooge ke rang.


Man m’inyei dè goré loo ke Crète le kade i gɔl nyange ke nain ade aw maje se gonan-gonan. Taɓai man m’inyei le kade i tɔr ngatɔgege se kem̂ ɓee-bòge karé-karé unde de se go ndu’m ke m’unn m’adi.


Ké nan dann si’t á ndi se ratur wa? Ke nè á dann si’t doo karé ndi se ratur ɓaa, maje kade ɓar ngatɔgege le njékebe nange le Nube le kade ɔji tà se Nube tede’n a, kade ndumi nin wubu se ri Kuwe-ɓee a tɔ.


M’ndeje ke ngatɔgege ke dann si’t, tede man géa m’ee ngatɔge made de tɔ. Man nga m’ee njèkɔrgo nyankem̂kon ke ra Krist. Ndɔ ke Krist à tel ree ɓaa, man m’oré se’n nan dè ndubra’t le’n.


Nyankem̂konge ke à rai sei nga, kò’n à tò mbɔr lé. Nè Nube ke ɓar sei nga, nyan-nojege malang in rann’t. E ɓar sei le kade oréi nan se’n dè ndubra’t le’n ke à tò sár se non takul kum ke sei umi nan’t bɔk se Krist. Nube kuwe à tel gɔl sei kade i teli i ndai dè nja si’t njáng anje tɔ pum.


Man ngatɔge doo nga, m’ndang magtub nè m’adi i Kyria se ngannige. I nga i dinye ke d’undei se ninn’n gai. I se ngannige malang nga, m’tár sei kerɔte kuwe. E man á m’tár sei se kar’m lé, nè dooge malang ke geri ngarankum tà nga géa tári sei tɔ.


Man ngatɔge doo nga, m’ndang magtub nè m’ade kotár le’m Gaius ke m’tár’n ke kerɔte kuwe.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ